27 de mayo hasta 2 de junio
SALMOS 42-44
Nekuikatil 86 uan netataujtil | Tanemililmej tein moitas (1 min.)
1. ¿Keniuj uelis techpaleuis tein Jehová techmachtia?
(10 mins.)
Nochipa xikonueyichiua Jehová iniuan tokniuan uan xionmochikaua iniuan tionmonechikos (Sl 42:4, 5; w06-S 1/6 9 § 4).
Xikontataujti Jehová achto ke tionmomachtis Biblia (Sl 42:8; w12-S 15/1 15 § 2).
Xionmokaua maj Biblia mitsonixyekana keman tikonixpejpenas teisa (Sl 43:3).
Tein Jehová techmachtia techpaleuia maj tikxikokan ouijkayomej uan maj tiktekitilikan nochipaya ijkon kemej iuan timotenkaujkej (1Pe 5:10; w16.09 6 § 11, 12).
2. Maj tiktemokan tamachtilis ika nejmachkayot
(10 mins.)
-
Sl 44:19. ¿Toni xa kijtosneki “kampa takuaj koujtaj itskuimej”? (it-1-S 470).
-
¿Toni tamachtilis tikonajsik keman tikonixtajtoltij Biblia nejin semana?
3. Tein moixtajtoltia itech Biblia
(4 mins.) Jn 8:31-47 (th tamachtilis 11).
4. Xionpeua xikinnojnotsa oksekin
(4 mins.) KAJKALPAN. Xikonilui ox kiuelitaskia momachtis Biblia (lmd tamachtilis 5 punto 5).
5. Oksepa xikinkalpano
(5 mins.) KAJKALPAN. Xikonyoleua maj kikakiti tanojnots tein mopanoltis itech nechikol tein mochiua itamian semana. Xikonnexti video ¿Keniuj tikchiuaj tonechikoluan?, sayoj ke amo xikontali (lmd tamachtilis 7 punto 5).
6. Tanojnots
(3 mins.) lmd tamajsikayot 1 punto 4. Tamachtilis: Satepan amo akin kokolispeuasok (th tamachtilis 2).
Nekuikatil 21
7. Kuali xikixpejpena toni timomachtis uan toni ika titekitis
(15 mins.) Nemachtil iniuan takakinij.
Telpoch, ¿tikmattokya toni tikchiuas keman timatamis timomachtis? Xa tiknemilijya toni ika titekitis para timochiuas precursor. Oso xa tiknemilijtok okachi timomachtis para maj mitsmakakan mocertificado tein mitspaleuis xikajsi se tekit. Itech nejon xiujmej semi moneki kuali titaixpejpenas. Sayoj ke kemansa xa amo tikmatisok toni tikchiuas porin miakej mitsiluiaj toni moneki tikixtalis uan tein tiknemilis tikchiuas miakej amo kiuelitaskej. ¿Toni mitspaleuis kuali xikixejeko tein tikchiuas?
Xikonixtajtolti Mateo 6:32, 33. Uan xikontajtani tokniuan:
-
¿Keyej moneki kuali tikixtalis keniuj tiktekitilis Dios achto ke tikitas toni timomachtis oso toni tekit tikchiuas?
-
¿Keniuj tetatmej uelis kinpaleuiskej ininkoneuan maj kichiuakan tein kijtoua Mateo 6:32, 33? (Sl 78:4-7).
Amo xiknejneki maj miakej mitsixmatikan oso tiktanis miak tomin para kuali tinemis, porin nejon kichiuas amo kuali xitaixpejpena (1Jn 2:15, 17). Xikelnamiki ke akin kipiaj miak tomin, kinouijmaka kitekitiliskej Dios uan kipaleuiskej iTaixyekanalis (Lu 18:24-27). Komo aksa semi tekiti para kipias miak tomin, ouij kikisas takuaujtamatis iuan Jehová uan kiyolpaktis (Mt 6:24; Mr 8:36).
Xikontali VIDEO ¡Xionmoyekpia! Amo xiontakuaujtamati itech tein kemaj tamis: Tikonpias miak tomin. Uan xikontajtani tokniuan:
-
¿Keniuj tein kijtoua Proverbios 23:4, 5 uelis mitspaleuis kuali xitaixpejpena?
8. Nemachtil ika Biblia itech nechikol
(30 mins.) bt tamachtilis 10 § 5-12.
