Uelis tiknemiliskej ke itech nejin taltikpak amo keman tiajsiskej itech “tonalmej tein ouijkej” ijkuak se ueuentsintia (Ec 12:1). Komo titelpoch, ¿tiknemilia ke kemej miak xiujmejok tinemis uelis tikajsis satepan tekimej tein tikixtalijtok itech inechikol Dios, kemej tiktekitilis miak tonalmej?

“Tonal uan tachiualis tein amo momattok” tinochin techpanoua, hasta telpochmej uan ichpochmej (Ec 9:11). Amo akin kimati “toni mochiuas mosta” (Snt 4:14). Yejua ika, komo amo teyi mitstsakuilia amo xiknemili tikchiuas satepan tein tikixtalijtok itech itekiyo Dios. Axkan ke tiueli xikchiua “miak tekit” itech itekiyo Dios (1Co 16:9). Amo keman timoyolkokos.

• Titanojnotsas itech okse taman tajtol.

• Tikchiuas tekit kemej precursor.

• Tiyas itech semej tamachtilis tein kitemaka inechikol Jiova.

• Titapaleuis ijkuak mochijchiuaskej kalmej kampa titaueyichiuaj.

• Titekitis Betel.

• Timochiuas titakalpanojkej itech circuito.