MAJ OKACHI KUALI TITAMACHTIKAN | OKACHI XIONYOLPAKI KEMAN TIONTANOJNOTSAS
Maj tikinpaleuikan akin tikinmachtiaj maj momachtikan iTajtol Dios ininselti
Akin momachtijtokej Biblia kiixmatiskej Jiova uan semi kuali mouikaskej iuan komo amo sayoj kiixmatij tamachtilismej tein tayekantokej itech Biblia (Mt 5:3; Heb 5:12-6:2). Moneki kimatiskej keniuj no momachtiskej ininselti.
Keman yankuixtok peua tikonmachtia se taltikpaknenkej, xikonnextili keniuj momachtis achto uan xikonyolchikaua maj kichiua (mwb18.03 6). Xikonilui ke semi tapaleuia maj se kichiua netataujtil achto ke peuas se momachtis. Xikonpaleui maj kitemo okachi tamachtilis itech nepaleuilmej tein tikpiaj uan maj kiita tein yankuik kistiuj itech jw.org uan JW Broadcasting®. Yolik xikonmachtijtiuj maj kiixtajtolti Biblia mojmostaj, maj momachti tein moitas itech nechikolmej uan maj kitemo tanankilil keman kipias se netajtanil. Xikonyolchikaua maj itech tanemili tein momachtia.
SATEPAN KE TIKONITAS VIDEO MAJ TIKINPALEUIKAN AKIN TIKINMACHTIAJ MAJ MOMACHTIKAN ITAJTOL DIOS ININSELTI, XIKONNANKILI NEJIN NETAJTANILMEJ:
-
¿Keniuj Rita kipaleuij Coral maj kiajsikamati ke se momachtis amo kijtosneki sayoj se kitemos tanankililmej?
-
¿Toni kipaleuij Coral maj kineltoka ke semi kuali keman Jiova kijtoua maj amo se auilnemi?
-
Xikonnextili akin tikonmachtia keniuj uelis kiajsikamatis tein momachtia uan keniuj uelis kichiuas.
¿Toni kiajsikamatik Coral kemej moneki se tanemilis?
