Ijkon kemej panouanij xiujmej, itekitikauan Dios kichiuanij miak taman tein ininselti amo ueliskiaj, ta uelinij kichiuanij porin Jiova kinpaleuiani. Itech xiuit 1954, inechikol Jiova kikixtij video Keniuj tekititok inechikol Jiova itech tajtol inglés. Miakej akin tapaleuijkej maj mochijchiua nejin video amo keman kichijchiujtoyaj nion se. Nejin ueyi tekit sayoj uelik kichiujkej porin Jiova kinpaleuij ika iyektikatsin espíritu. Nejin kinextia ke komo titakuaujtamatij iuan Jiova uelis tikchiuaskej tein yeski tekit tein tikseliskej (Zac 4:6).

SATEPAN KE TIKONITAS VIDEO KEMEJ KICHIJCHIUJKEJ VIDEO “KENIUJ TEKITITOK INECHIKOL JIOVA”, XIKONNANKILI NEJIN NETAJTANILMEJ:

• ¿Keyej kichijchiujkej se video tein ika tajtoua keniuj motekiti itech ueyi kali kampa techixyekanaj?

• ¿Keniuj video kinextia ke Betel tekiti kemej chijchiujtok se taltikpaknenkej? (1Co 12:14-20).

• ¿Toni ouijkayomej kipiakej tokniuan, uan keniuj moyektalij?

• ¿Toni mitsonmachtia nejin video kemej tekiti iyektikatsin espíritu Jiova?