TONEMILIS KEMEJ ITATOJTOKAKAUAN CRISTO
¿Toni uelis nikchiuas para maj kuali toka tajtokan?
Nochin kiitaj tein tikchiuaj tiitaixpantijkauan Jehová (1Co 4:9). Yejua ika ueliskia timotajtaniskej: “¿Kiueyitalia Jehová tein nikijtoua uan tein nikchiua?” (1Pe 2:12). Miak xiujmejya miakej kiitanij ke tiitaixpantijkauan Jehová tikchiuaj tein kuali, uan amo tiknekij tikchiuaskej nion teyi tein kichiuas maj amo kuali toka tajtokanok (Ec 10:1).
Xikonijkuilo toni monekiskia kichiuas se tokniuj komo kipanoua nejin uan katiyejua texto uelis kipaleuis:
-
Aksa akin amo itaixpantijkauj Jehová semi kijijtoua.
-
Itasal, icarro oso ichan moita ke amo chipauak.
-
Kampa nemi tanauatiaj maj mochiua teisa tein amo taixejekol oso tein kiita ke amo uelis kichiuas.
Maj tikitakan toni kichiuaj tokniuan akin kiitaj tamachtilismej tein moijkuilouaj para maj kisentoka kuali ika tajtokan inechikol Jehová.
SATEPAN KE MOITAS VIDEO TIKTASOJTAJ TEIN MELAUAK UAN SEMI TIKPATIUITAJ, XIKONNANKILI NEJIN NETAJTANIL:
¿Toni okachi tikonmojkaita de nochi tein kichiuaj tokniuan para maj toamaixuan kijtokan tein melauak?
