18-24 de noviembre
SALMOS 107, 108
Nekuikatil 7 uan netataujtil | Tanemililmej tein moitas (1 min.)
1. “Xiktasojkamatilikan Jehová porin yolkuali”
(10 mins.)
Ijkon kemej Jehová kinmakixtij israelitas akin yetoyaj Babilonia, tejuan no techmakixtia de nochi tein Satanás kiixyekana (Sl 107:1, 2; Col 1:13, 14).
Kemej semi timotasojkamatij iuan Jehová, tiknekij tikueyichiuaskej itech nechikol (Sl 107:31, 32; w07-S 15/4 20 § 2).
Okachi tiktasojkamatiliaj Jehová keman itech titanemiliaj nochi tein toka kichiuani (Sl 107:43; w15 15/1 4 § 4).
2. Maj tiktemokan tamachtilis ika nejmachkayot
(10 mins.)
-
Sl 108:13. ¿Keniuj uelis tiyeskij tichikaujkej maski tikmachiliskej ke tikuetaujtokej? (w23.10 17 § 20).
-
¿Toni tamachtilis tikonajsik keman tikonixtajtoltij Biblia nejin semana?
3. Tein moixtajtoltia itech Biblia
(4 mins.) 1Co 1:1-17 (th tamachtilis 5).
4. Xionpeua xikinnojnotsa oksekin
(3 mins.) XIONTANOJNOTSA KAMPA YESKI. (lmd tamachtilis 1 punto 4).
5. Oksepa xikinkalpano
(4 mins.) XIONTANOJNOTSA KAMPA YESKI. Xikonilui akin tikonnojnotstok keniuj titamachtiaj ika Biblia uan xikonmaka se tarjeta tein kitematiltia ke titamachtiaj ika Biblia (lmd tamachtilis 9 punto 3).
6. Tanojnots
(5 mins.) ijwyp-S 90. Tamachtilis: ¿Toni uelis nikchiuas para amo niknemilis tein amo nechpaleuis? (th tamachtilis 14).
Nekuikatil 46
7. Timokuikatiaj para tiktasojkamatiliskej Jehová
(15 mins.) Nemachtil iniuan takakinij.
Israelitas motelmoujtiayaj keman tateuianij egipcios kintokatiayaj, sayoj ke Jehová kinmakixtij itech mar Rojo. Yejua ika israelitas mokuikatijkej para kitasojkamatiliskej Jehová tein kichiujka (Éx 15:1-19). Yejuan takamej akin achto peuak mokuikatiaj se yankuik nekuikatil (Éx 15:21). Jesús uan tokniuan akin nenkej itech yekinika siglo no mokuikatiayaj para kiueyichiuaskej Jehová (Mt 26:30; Col 3:16). Uan axkan tiksentokaj timokuikatiaj para tikueyichiuaskej Jehová itech tonechikoluan uan itech uejueyi nechikolmej para tiknextiskej ke tiktasojkamatiliaj. Kemej nekuikatil “Tasojkamatik Jiova” tein yekin timokuikatijkej, ipa timokuikatianij nejin desde xiuit 1966.
Xa itech seki xolalmej, takamej pinauaj mokuikatiskej senteixtenoj. Uan sekin amo kinekij mokuikatiskej porin kinemiliaj ke amo kualtsin kemej mokuikatiaj. Sayoj ke tinochin moneki tikelnamikiskej ke keman timokuikatiaj no ika tikueyichiuaj Jehová. Inechikol Jehová mochikaua kinchijchiuas kualtsitsin nekuikatilmej uan kuali kinixpejpena katiyejua timokuikatiskej itech nechikolmej. Tein tejuan tikchiuaj amo ouijok: sayoj moneki timokuikatiskej iniuan oksekin para tiktasojkamatiliskej Jehová uan tiknextiliskej ke tiktasojtaj.
Xikontali VIDEO Tein mopatatiualani itech inechikol Dios: Nekuikatilmej tein kiueyitaliaj Jehová (taxelol 2). Uan xikontajtani tokniuan:
-
¿Toni mochiuak itech xiuit 1944?
-
¿Keniuj tokniuan de Siberia kinextijkej ke kiuelitayaj mokuikatiskej para kiueyichiuaskej Jehová?
-
¿Keyej itaixpantijkauan Jehová kiitaj ke semi moneki maj mokuikatikan?
8. Nemachtil ika Biblia itech nechikol
(30 mins.) bt tamachtilis 18 § 6-15.
