Kuali tanankililmej kinyolchikaua tokniuan itech nechikol (Ro 14:19). No kinpaleuia akin tanankiliaj (Pr 15:23, 28). Yejua ika, maj timochikauakan titanankiliskej maski sayoj sepa itech nechikolmej. Tein melauj, amo nochipa techmakaskej se tanankilil, yejua ika okachi kuali maj timomachtikan tataman tanankililmej tein uelis tiktemakaskej.

• Maj amo ouij, maj moajsikamati uan maj amo ueyi. Nochipa keman titanankiliskej maj amo pano tajko minuto.

• Okachi kuali komo titanankiliaj ika totajtoluan.

• Amo tikijtoskej tein moijtojya.

• Maj amo ueyi totanankilil uan maj tikijtokan sayoj tein kinankilia netajtanil.

• Maj tiknextikan keniuj kipaleuia nejon tamachtilis ika se texto tein ompa ixnesi.

• Maj tikijtokan keniuj techpaleuia itech tonemilis.

• Maj tikmelauakan keniuj uelis tikuiskej itech tonemilis.

• Maj tikijtokan tein kinpanouani oksekin tein kinextia se tanemilil tein tayekantok.