Semi moneki maj titanojnotsakan, porin amo uejkaua peuas okachi ueyi tajyouilis (Pr 24:11, 12, 20). Se taman kemej uelis tikinpaleuiskej taltikpakneminij yejua ika tarjeta tein ika tikteixmatiltiaj jw.org, tein teuika itech iTajtol Dios uan itech Internet kampa timoteixmatiltiaj. Tarjeta kipia se código tein teuika itech video ¿Keyej moneki timomachtiskej Biblia? uan kinyoleua taltikpakneminij maj kitemokan okachi tamachtilis oso maj tajtanikan se nemachtil ika Biblia. Moajsij akin amo kinekij kiseliskej toamaixuan, sayoj ke kemaj kinekij kalakiskej itech jw.org. Komo ijkon, xikonmaka se tarjeta. Sayoj ke, amo xikonmaka akin amo kineki kikakis iTajtol Dios.

Itech miak taman tein tikchiuaj mojmostaj, uelis tikinpaleuiskej taltikpakneminij maj kinekikan kimatiskej okachi. Uelis tikiniluiskej nejin: “Nikuelitaskia nimitsonmakas nejin tarjeta. Mitsonpaleuis xionkalaki itech Internet kampa timoteixmatiltiaj, ompa uelis tikonajsis tataman tamachtilismej uan videos tein ika tajtouaj tataman tamachtilismej tein amo moneki tikonixtauas” (Jn 4:7). Kemej tarjetas amo uejueyi uelis tikonuikatinemis seki uan ijkon tikontemakas keman tikonitas ke ueli.