TONEMILIS KEMEJ ITATOJTOKAKAUAN CRISTO
Keman technankilia se akin nojnelok
Komo ijkuak titanotsaj technankilia se akin nojnelok, maj tiktajtanikan ox yetokej itatuan, ijkon tiknextiskej ke tikpoujkaitaj tanauatil tein kipiaj (Pr 6:20). Maj amo tipanokan kalijtik komo techyoleua. Maj timokepakan okse tonal komo tetatmej amo uelij touan tajtouaj.
Maski akin technankilis amo semi nojnelok, okachi kuali maj tiktajtanikan ox yetokej itatuan. Komo amo uelij techseliaj, maj tiktajtanikan ox kikauaj maj kiixpejpena toni kiixtajtoltis. Komo ijkon, uelis tikauiliskej se amaix uan tiknextiliskej jw.org.
Keman oksepa tikalpanoskej telpoch oso ichpoch akin kinextij ke kineki kimatis okachi, maj tikiluikan ke tikuelitaskiaj tikinixmatiskej itatuan. Ijkon, uelis tikinmelauiliskej keyej tikinkalpanouaj uan tikinnextiliskej kuali tayolmajxitilismej tein Biblia kinmaka kalyetouanij (Sl 119:86, 138). Komo tiknextiaj ke tikinpoujkaitaj tetatmej, kuali ika tajtoskej Jiova uan tapaleuis maj tikinmatiltikan kuali tanauatilmej nochin kalyetouanij keman uelis (1Pe 2:12).