Semi tiontajtos. Amo xikonnemili ke tejuatsin moneki tikonmelauilis nochi momachtijkej. Jesús kichiuaya netajtanilmej tein ika kinpaleuiaya taltikpakneminij maj kiajsikamatikan tein tamachtiaya (Mt 17:24-27). Netajtanilmej tapaleuiaj maj nemachtil kiyolpakti momachtijkej uan no mitsonpaleuis xikonita toni kineltoka uan ox kiajsikamati tamachtilis (be pág. 253 § 3, 4). Keman tikonchiuas se netajtanil, amo xionyolijsiui uan xikonchia maj tanankili. Komo amo kimati tanankilil, amo xikonilui; ta okachi kuali xikonchiuili okseki netajtanilmej tein ika tikonpaleuis maj kuali tanankili (be pág. 238 § 1, 2). Amo xiontajto yolik nion ijsiujka, ta kemej kipaleuis momachtijkej maj kiajsikamati yankuik tamachtilis (be pág. 230 § 4).

Tikonmelauilis miak taman. Amo xikonilui nochi tein tikonmati ika nejon tamachtilis (Jn 16:12). Ika xiontajto tamachtilis tein tayekantok itech párrafo (be pág. 226 § 4 hasta pág. 227 § 1). Se kiluis miak taman, maski uelis kiyolnotsas, kichiuas maj amo kiajsikamati tanemililmej tein tayekantokej (be pág. 235 § 3). Komo momachtijkej kiajsikamatikya tamachtilis, xionpano itech okse párrafo.

Tikonitas okachi tamachtilismej ke tein ixyetok. Tiktemouaj maj tamachtilis ajsi itech iyolo taltikpaknenkej uan amo sayoj tikixtajtoltiskej (Lu 24:32). Kemej iTajtol Dios kipia chikaualis, okachi xikontekitilti textos tein tayekantokej itech tamachtilis (2Co 10:4; Heb 4:12; be pág. 144 § 1-3). Xikonkui neskayomej tein amo ouijkej (be pág. 245 § 2-4). Xikonita toni taman ouijkayomej kiixnamiki momachtijkej uan toni kineltoka, uan xikonmachti kemej uelis kipaleuis. Xikonchiuili netajtanilmej kemej nejin: “¿Keniuj tikonita tein tionmomachtij axkan? ¿Toni techmachtia kemej tamati Jiova? ¿Keniuj tikonnemilia ke uelis mitsonpaleuis komo tikonchiua nejin tayolmajxitilis?” (be pág. 238 § 3-5; pág. 259 § 1).