Jesús uelik kinojnotsak samaritana porin achto ika kinojnotskaya ika okse taman. ¿Keniuj tejuan no uelis titajtoskej iniuan akin amo tikinixmatij?

• Xiontajto ika kualtakayot iuan akin yeski. Jesús kinojnotsak samaritana maski sioujtoya. ¿Keniuj kichiuak? Kitajtanij at. Tejuatsin uelis peuas tiontetajpalos ika kualtakayot uan ika tiontajtos ox tonati oso kiouiti oso ika okse taman tein yankuixtok panok. Tiknekij titajtoskej iuan taltikpaknenkej, yejua ika xiontajto ika tein uelis mitsonpaleuis. Komo amo kineki mouan tajtos, amo teyi panoua. Xikontemo tikonnojnotsas okse taltikpaknenkej. Xikontajtani Jiova maj mitsonyolchikaua (Ne 2:4; Hch 4:29).

• Nochipa keman tikonitas ke ueli, xikonteixmatilti iTekiuajyo Dios, sayoj ke amo xionyolijsiui. Xiontajto iuan kemej ipa tiontajtoua. Komo niman tionpeua ika tiontajtoua Biblia uelis amo kuali momachilis uan amo kinekisok mouan tajtos. Amo xionmosenkaua komo amo uelikok ika tiontajtoj Jiova. Komo mitsonouijmaka tiontajtos kampa yeski, xionmochikaua ika tiontajtos tein yeski taman maski amo ika tiontajtos iTajtol Dios. [Xikontali video 1 uan xikonchiuili netajtanilmej takakinij].

• Xikontemo tiontajtos iuan aksa ika iTajtol Dios. Uelis tikonijtos teisa tein tikneltokaj tein tapaleuis maj taltikpaknenkej kichiua se netajtanil. Jesús kichiuak nejon uan tapaleuij maj samaritana kinekini kimatis okachi uan yejua peuak kitajtania miak taman. Keman Jesús kinankilij kiixmatiltijtoya iTekiuajyo Dios. [Xikontali video 2 uan xikonchiuili netajtanilmej takakinij. Satepan, no ijkon xikonchiua ika video 3].