Semi tikuelitaj videos tein kipia amatajkuilol Tiyolpakiskej nochipaya, uan netajtanilmej tein kichiua maj kijto tein kinemilia akin tikmachtiaj. No semi tapaleuiaj recuadros “Tein sekin kijtouaj”, “Xikonixtali tikonchiuas nejin” uan “No xikonita nejin”. Sayoj ke ¿toni okachi mitsonpaleuis keman tiontamachtis ika nejin amatajkuilol? (Mateo 28:19, 20).

Videos uan amaixmej. Komo tikonkui nejin amatajkuilol itech amat, ¿kani tikonajsis videos tein tikonkuis itech sejse tamachtilis? Xikontemo amatajkuilol itech tepos uan xikonixpejpena semej taxelolmej. Hasta tatsintan tikonitas kampa kijtoua “Videos uan amaixmej”, uan ompa moajsij nochi videos uan amaixmej tein mokuij itech sejse tamachtilis (taixkopin 1).

Uelis tikonitas “Edición impresa”. Komo tikonkui amatajkuilol itech tepos keman tiontamachtijtok, uan tikonneki tikonmatis keniuj moita itech amat uelis tikonitas “Edición impresa”. Keman tikonitstos se tamachtilis, hasta ajko uelis tikonpatskilis kampa nesij eyi puntitos uan tikonixpejpenas “Edición impresa”. Nejin mitsonpaleuis xikonita keniuj tein namomachtijtokej mouika ika tein kijtoua nochi tamachtilis. Komo oksepa tikonneki tikonitas kemej tikonitstoya xikonpatskili kampa nesij eyi puntitos uan xikonixpejpena “Edición digital” oso xikonpatskili hasta tatsintan kampa nesi teisa morado.

“¿Uelisya?”. Nejin recuadros moajsij hasta itamian taxelol 4 uan kinextiaj tein moneki kichiuas aksa para uelis tanojnotsas iniuan tokniuan itech nechikol uan para uelis moauis (taixkopin 2).

Notas. Nejin notas no moajsij hasta itamian taxelol 4 uan okachi kimelauaj seki tamachtilismej tein tayekantokej. Itech tepos, uelis tikonpatskilis kampa tami nota uan ijkon oksepa tionmokepas itech punto tein namomachtijtoyaj (taixkopin 2).