Keman tekuejmolouaj uelis kichiuas maj amo kuali timomachilikan uan hasta uelis techkokoskej. Uan komo timokauaj maj techmojmoujtikan akin amo kiuelitaj tein tikneltokaj, uelis kichiuas maj amo kuali timouikakanok iuan Jehová. ¿Toni uelis mitspaleuis komo mitskuejmolouaj?

Miakej kimatinij toni kichiuaskej keman kinkuejmolouaj porin kitemouaj maj Jehová kinpaleui (Sl 18:17). Ester katka yolchikauak uan kinextij tein Hamán kinekia kichiuas, yejua katka se takat amo yolkuali akin kitajyouiltiaya ixolal Dios (Est 7:​1-6). Sayoj ke achto ke Ester tajtoskia, amo takuaj para kinextis ke kitemouaya maj Jehová kipaleui (Est 4:​14-16). Jehová kitatiochiuij porin amo mosenkauak, uan kiyekpiak yejua uan nochi xolal.

Komo mitskuejmolouaj, xiktajtani Jehová maj mitspaleui uan xiktapoui aksa akin okachi xiuejya ke tejua, kemej momaj oso mopaj. Uelis tikneltokas ke Jehová no mitspaleuis kemej kipaleuij Ester. ¿Toni no uelis tikchiuas komo mitskuejmolouaj?

SATEPAN KE TIKONITAS VIDEO KEMAN TITELPOCH OSO TIICHPOCH: ¿TONI UELIS NIKCHIUAS KOMO NECHKUEJMOLOUAJ?, XIKONNANKILI NEJIN NETAJTANILMEJ:

• ¿Toni uelis kinmachtis telpochmej tein kinpanok Charlie uan Ferin?

  Tein tikonijkuilos

• ¿Toni uelis kinmachtis tetatmej nejin video?

  Tein tikonijkuilos