16-22 de septiembre
SALMOS 85-87
Nekuikatil 41 uan netataujtil | Tanemililmej tein moitas (1 min.)
1. Netataujtil techpaleuia maj titaxikokan
(10 mins.)
Maj tiktajtanikan Jehová maj techpaleui maj tiyolpakikan (Sl 86:4).
Maj tiktataujtikan maj techpaleui maj amo keman tikauakan Jehová (Sl 86:11, 12; w12-S 15/5 25 § 10).
Maj titakuaujtamatikan ke Jehová technankilis keman tiktataujtiaj (Sl 86:6, 7; w23.05 13 § 17, 18).
MAJ TIMOTAJTANIKAN: “Keman nikpanoua ouijkayomej, ¿okachi miakpa niktataujtia Jehová uan nikiluia keniuj nimomachilia?” (Sl 86:3).
2. Maj tiktemokan tamachtilis ika nejmachkayot
(10 mins.)
-
Sl 86:11. ¿Toni kiteajsikamatiltia inetataujtil David ke uelis kipanos toyolo? (it-1-S 551 § 5).
-
¿Toni tamachtilis tikonajsik keman tikonixtajtoltij Biblia nejin semana?
3. Tein moixtajtoltia itech Biblia
(4 mins.) Hch 23: 1-15 (th tamachtilis 12).
4. Xionpeua xikinnojnotsa oksekin
(3 mins.) XIONTANOJNOTSA KAMPA YESKI. Xikonilui ox kiuelitaskia momachtis Biblia (lmd tamachtilis 3 punto 5).
5. Oksepa xikinkalpano
(4 mins.) XIONTANOJNOTSA KAMPA YESKI. Xikonilui ox kiuelitaskia momachtis Biblia. Keman achto iuan tiontajtojka, kijtoj ke kitekipachouaya se taman tein yankuixtok mochiuak (lmd tamachtilis 7 punto 4).
6. Xikinpaleui maj kitojtokakan Cristo
(5 mins.) lff tamachtilis 15 punto 5. Xikonmatilti akin tikonmachtia ika Biblia ke okse semana amo tionyetos, uan xikonilui akoni kimachtitiuj ika Biblia (lmd tamachtilis 10 punto 4).
Nekuikatil 83
7. Amo ximosenkaua
(5 mins.) Nemachtil iniuan takakinij.
Xikontali VIDEO, uan ompa xikontajtani tokniuan:
-
¿Keyej kemansa tikmachiliaj ke amo tiknekijok tiksentokaskej titanojnotsaskej?
-
¿Keyej moneki amo timosenkauaskej?
8. Maj tiksentokakan tikintemokan akin uelis tikinmachtiskej ika Biblia
(10 mins.) Nemachtil iniuan takakinij.
Itech nejin metsti, ¿tikonajsik aksa akin peuakya tikonmachtia ika Biblia ika folleto ¡Tiyolpakiskej nochipaya!? Komo kemaj, tikmatij ke semi tionyolpaki. Uan tokniuan semi kinyolchikaua kimatiskej nejon. Sayoj ke komo amo tikonajsini aksa akin kineki momachtis Biblia, xa tikonnemilia ke nenkaj tikonsentoka tikontemoua akin uelis tikonmachtis. ¿Toni uelis tikonchiuas komo tikonneki tionmosenkauas?
Xikontali VIDEO “Tiknextiaj ke tiitekitikauan Dios […] keman amo tiyolijsiuij” keman titanojnotsaj. Uan xikontajtani tokniuan:
-
Komo tikmachiliaj ke nenkaj titanojnotsaj, ¿keniuj uelis techpaleuis 2 Corintios 6:4, 6?
-
¿Toni ueliskia tikpataskej komo tikmachiliaj ke maski timochikauanij, amo tikajsinij akin uelis tikmachtiskej ika Biblia?
Maj tikelnamikikan: ¿keyej tiyolpakij? ¿Porin tikinajsij akin tikinmachtiskej ika Biblia? Amo. Ta tiyolpakij porin tikmatij ke Jehová kiyolpaktia maj tiksentokakan tikintemokan akin tikinmachtiskej ika Biblia (Lu 10:17-20). Yejua ika, ika nochi moyolo xikonsentoka xikontemo akin tikonmachtis ika Biblia ijkon kemej tikixtalianij tikchiuaskej nejin metsti, porin tikmatij ke ‘amo nenkaj tiktekitilijtokej toTekotsin’ (1Co 15:58).
9. Nemachtil ika Biblia itech nechikol
(30 mins.) bt tamachtilis 15 § 13, 14 uan recuadro itech página 121.
