“Dios [...] kinelkaualtis de ninchokilisuan [...]. Uan amo aken momikilis ok; uan amo aken mochoktis ok; uan amo aken motekipachos ok; uan amo aken yoltajyouis ok [...] porin nochi tajtamik ya de ne achtopa onkaya.” (Apocalipsis [Revelación] 21:3, 4, El Nuevo Testamento en Náhuatl de la Sierra de Puebla.)

Tikpiaskej tekit tein techualkuilis tein kuali uan techyolpaktis (Isaías 65:21-23).

Amo titajyouiskejok nion tikpiaskej kokolismej (Isaías 25:8; 33:24).

Nochipaya tinemiskej ika yolpakilis iuan tochankauan uan akin iuan kuali timouikaj (Salmo 37:11, 29).

Kemaj, maj tikitakan ome:

• Dios uelis kichiuas tein motenkaua porin kipia ueyi chikaualis. Itech Biblia, sayoj Dios motokaytia akin kipia “nochi uelilis”, ta semi ueyi ichikaualis uan amo keman tami (Apocalipsis 15:3). Yejua ika, keman yejuatsin motenkaua ke tayektalis nikan taltikpak, senkis titakuaujtamatij ke uelis ijkon kichiuas. Kemej kijtoua Biblia, “sayo Dios uelis nochi kichiuas” (Mateo 19:26).

• Dios kinejneki kichiuas nejin tein motenkaua. Kemej neskayot, Biblia kijtoua ke Jiova kinejneki oksepa kinmakas nemilis akin momikilijkejya (Job 14:14, 15).

  No kijtoua ke Jesús, iKonetsin Dios, kinpajtij akin mokokouayaj. ¿Keyej kichiuak? Porin yejua ijkon kinekia (Marcos 1:40, 41). Ika tein kichiuak, senkis kinextij ke ijkon kemej iTajtsin, kinekia kinpaleuis akin amo kuali moajsiaj (Juan 5:19).

  Nejon techyekmatiltia ke Jiova uan Jesús kinekij maj tikpiakan se kuali nemilis satepan (Salmo 72:12-14; 145:16; 2 Pedro 3:9).