Netajtanilmej keman timomachtiskej nejin Tanojnotsmej tein ualeuaj itech Biblia

Tanojnots 1

Dios peuak tachijchiua

1. ¿Akoni techmakatok nochi tein kuali? ¿Uelis tiktalis se neskayot?

2. ¿Toni yekinika kichijchiuak Dios?

3. ¿Keyej katka taman yekinika ángel?

4. Xikmelaua keniuj katka Taltikpak keman ayamo yekchijchiujtoya (xikita taixkopin).

5. ¿Keniuj peuak kiniyekchijchiuilia Dios Taltikpak tapialmej uan taltikpakneminij?

Okseki netajtanilmej:

1. Xikixtajtolti Jeremías 10:12.

¿Katiyejuan ikualneskayouan Dios monextiaj itech itachijchiualis? (Isa. 40:26; Rom. 11:33.)

2. Xikixtajtolti Colosenses 1:15-17, NM.

Keman Dios kichijchiuak nochi tein onkak, ¿toni tekit kichiuak Jesús? Uan ijkon kemej yej tekitik, ¿keniuj kipata totanemilil itech yej?

3. Xikixtajtolti Génesis 1:1-10.

1) ¿Akoni kichijchiuak Taltikpak? (Gén. 1:1.)

2) ¿Toni mochiuak yekinika tonal keman Dios tachijchiujtoya? (Gén. 1:3-5.)

3) ¿Toni mochiuak ojpatika tonal keman Dios tachijchiujtoya? (Gén. 1:7, 8.)

Tanojnots 2

Se xochital tel kualtsin

1. ¿Keniuj techyekchijchiuilij Dios Taltikpak?

2. Dios kinchijchiuak miak tapialmej. ¿Uelis tikintokaytis sekin? (Xikita taixkopin.)

3. ¿Keyej katka taman xochital itech Edén?

4. ¿Keniuj kinekia Dios maj mochiuani semanauak Taltikpak?

Okseki netajtanilmej

1. Xikixtajtolti Génesis 1:11-25.

1) ¿Toni kichiuak Dios itech expatika tonal keman tachijchiujtoya? (Gén. 1:12.)

2) ¿Toni mochiuak itech naujpatika tonal keman Dios tachijchiujtoya? (Gén. 1:16.)

3) ¿Toni tapialmej kinchijchiuak Dios itech makuiltika uan chikuasentika tonal? (Gén. 1:20, 21, 25.)

2. Xikixtajtolti Génesis 2:8, 9.

¿Toni ome taman kuoujmej kintalij Dios itech xochital, uan toni kijtosnekia?

Tanojnots 3

Yekinika takat uan yekinika siuat

1. ¿Toni tikita tein taman itech itaixkopin tanojnots ome uan itech itaixkopin tanojnots eyi?

2. ¿Akoni kichijchiuak yekinika takat, uan keniuj motokaytij takat?

3. ¿Toni tekit kimakak Dios Adán maj kichiuani?

4. ¿Keyej kichiuak Dios maj tel kochini Adán?

5. ¿Kanachi xiuit ueliskiaj nemiskiaj Adán uan Eva, uan toni tekit kinekia Jiova maj kichiuanij?

Okseki netajtanilmej:

1. Xikixtajtolti Salmo 83:18.

¿Katiyejua itokay Dios, uan toni ueyi tanauatil tein sayoj yejua kipia ipan Taltikpak? (Jer. 16:21; Dan. 4:17.)

2. Xikixtajtolti Génesis 1:26-31.

1) Itech chikuasentika tonal, ¿toni tekit ika matamik kichijchiuak Dios, uan keniuj amo ijkuitik katka kemej tapialmej? (Gén. 1:26.)

2) ¿Toni takual kinimakak Jiova taltikpakneminij uan tapialmej? (Gén. 1:30.)

3. Xikixtajtolti Génesis 2:7-25.

1) ¿Toni monekia kichiuas Adán uan ijkon ueliskia kintokaymakaskia tapialmej? (Gén. 2:19.)

2) ¿Keniuj techpaleuia Génesis 2:24 maj tikajsikamatikan tein kinemilia Jiova, keman aksa monamiktia, keman mokakauaj uan keman kitsayanaj amat iminixpan tekiuanij? (Mat. 19:4-6, 9.)

Tanojnots 4

Keniuj kipolojkej Adán uan Eva kampa nemiaj

1. Xikita taixkopin. ¿Toni kinpanotok Adán uan Eva?

2. ¿Keyej kintatsakuiltij Jiova?

3. ¿Toni kiiluij se kouat Eva?

4. ¿Akoni kichiuak maj tajto kouat iuan Eva?

5. ¿Keyej kipolojkej Adán uan Eva Xochital kampa nemiaj?

Okseki netajtanilmej:

1. Xikixtajtolti Génesis 2:16, 17 uan 3:1-13, 24.

1) Ika netajtanil tein kouat kichiuilij Eva, ¿keniuj kichiuak maj kinemilikan tein amo kuali itech Jiova? (Gén. 3:1-5; 1 Juan 5:3.)

2) Ika tein kipanok Eva, ¿keniuj techpaleuia axkan kemej se tanejmachtilis? (Fili. 4:8; Sant. 1:14, 15; 1 Juan 2:16.)

3) ¿Keniuj kinextijkej Adán uan Eva ika amo kineltokayaj imin tajtakol? (Gén. 3:12, 13.)

4) Ijkuak ángeles tajpixtoyaj ikalakyampa xochital, ¿keniuj kinextijkej ika kipaleuiayaj iueyitayekanalis Jiova tein sayoj yejua kinamiki? (Gén. 3:24.)

2. Xikixtajtolti Apocalipsis 12:9.

Ijkon kemej Satanás kinchiua taltikpakneminij maj kiixnamikikan itekiuajyo Dios, ¿keniuj kiyoui ika nejin tachiualis? (1 Juan 5:19.)

Tanojnots 5

Peua se nemilis ika tajyouilis

1. ¿Keniuj katka imin nemilis Adán uan Eva keman amo nemiajok itech xochital tein moajsia Edén?

2. ¿Toni peuak kinpanoua Adán uan Eva, uan keyej?

3. ¿Keyej ueuentsintiaskiaj uan momikiliskiaj imin koneuan Adán uan Eva?

4. Komo Adán uan Eva kitakamatiskiaj Jiova, ¿keniuj eskia imin nemilis yejuan uan imin koneuan?

5. ¿Toni tajyouilis kipiak Eva keman amo tatakamatikok?

6. Tein tayekanayaj ome imin koneuan Adán uan Eva, ¿keniuj motokaytijkej?

7. ¿Akonimej oksekin konemej tein tikinita itech taixkopin?

Okseki netajtanilmej:

1. Xikixtajtolti Génesis 3:16-23 uan 4:1, 2.

1) Satepan keman Dios kiualkuilij tatejtelchiualis tal, ¿keniuj mopatak inemilis Adán? (Gén. 3:17-19; Rom. 8:20, 22.)

2) Tokayit Eva kijtosneki “tein nemi”, ¿keyej kinamikia maj ijkon motokaytiani? (Gén. 3:20.)

3) ¿Keniuj kininextilij Jiova Adán uan Eva ika katka yolkuali imiuan maski ipa tajtakojkajya? (Gén. 3:7, 21.)

2. Xikixtajtolti Apocalipsis 21:3, 4.

¿Toni tein “achtopa onkaya” tikneki maj amo onkaok?

Tanojnots 6

Se konet yolkuali uan se amo yolkuali

1. ¿Toni tekit kichiuayaj Caín uan Abel?

2. ¿Toni netetayokolilmej kiuikilijkej Jiova Caín uan Abel?

3. ¿Keyej kiyolpaktij Jiova inetetayokolil Abel, uan keyej amo kiyolpaktij inetetayokolil Caín?

4. ¿Keniuj katka Caín, uan toni kiiluij Jiova maj kichiuani?

5. Ijkuak Caín kiiluij ikniuj maj nemitij, ¿toni kichiuilij keman yetoyaj imiselti?

6. Xikmelaua toni kipanok Caín satepan keman kimiktij Abel.

Okseki netajtanilmej:

1. Xikixtajtolti Génesis 4:2-26.

1) ¿Itech toni kuejmolmej kinejmachtij Jiova ika yaya mokalakiti Caín? (Gén. 4:7.)

2) ¿Keniuj kinextij Caín tein kinemiliaya itech iyolo? (Gén. 4:9.)

3) ¿Keniuj kiita Jiova maj se kimikti aksa tein kichiua tein kuali? (Gén. 4:10; Isa. 26:21.)

2. Xikixtajtolti 1 Juan 3:11, 12.

1) ¿Keyej tel kualanik Caín, uan keniuj techpaleuia axkan tonalmej kemej se tanejmachtilis? (Gén. 4:4, 5; Pro. 14:30; 28:22.)

2) Maski nochin tochankauan kiixnamikiskej Jiova, ¿keniuj kinextia Biblia ika uelis tiksentokaskej tikpiaskej se nemilis melauak iixpan Jiova? (Sal. 27:10; Mat. 10:21, 22.)

3. Xikixtajtolti Juan 11:25.

Nochin tein momikiliaj porin kitekitiliaj Jiova, ¿toni motenkaua kinimakas? (Juan 5:24.)

Tanojnots 7

Se takat yolchikauak

1. ¿Keniuj katka taman Enoc?

2. Itech itonaluan Enoc, ¿keyej kichiuayaj tachiualismej tein amo kuali?

3. ¿Toni tachiualismej tein amo kuali kichiuayaj taltikpakneminij? (Xikita taixkopin.)

4. ¿Keyej monekik kipias yolchikaualis Enoc?

5. Itech itonaluan Enoc, ¿kanachi xiujmej nemiaj taltikpakneminij, uan kanachi xiuit nemik Enoc?

6. ¿Toni mochiuak satepan keman momikilij Enoc?

Okseki netajtanilmej:

1. Xikixtajtolti Génesis 5:21-24, 27.

1) ¿Keniuj mouikak Enoc iuan Jiova? (Gén. 5:24.)

2) Kemej kijtoua Biblia, ¿akoni takat tein okachi miak xiuit nemik, uan kanachi xiuit kipiaya keman momikilij? (Gén. 5:27.)

2. Xikixtajtolti Génesis 6:5.

Satepan keman momikilij Enoc, ¿keniuj mochiuak tel amo kuali imin tachiualisuan taltikpakneminij, uan keniuj ijkon tamati itech totonaluan? (2 Tim. 3:13.)

3. Xikixtajtolti Hebreos 11:5, NM.

¿Toni ikualneskayo Enoc ‘kitelyolpaktij Dios’?, uan ika nejon, ¿keniuj kiyajki itech inemilis? (Gén. 5:22.)

4. Xikixtajtolti Judas 14, 15.

Ijkon kemej Enoc katka yolchikauak, ¿keniuj no uelis timochiuaskej kemej yej, keman titanejmachtiaj ika amo uejkaua ualati ineteuilis Dios tein motokaytia Armagedón? (2 Cor. 1:10; 2 Tim. 4:2.)

Tanojnots 8

Takamej tel uejueykej uan tel chikaujkej

1. ¿Toni mochiuak keman sekin iángeluan Dios kitajtolkakkej Satanás?

2. Sekin ángeles tein tekitiaj iluikak, ¿keyej kikaujkej imin tekiuj iluikak uan ualajkej nikan Taltikpak?

3. ¿Keyej amo kuali katka maj ualanij ángeles nikan Taltikpak uan maj mochiuanij taltikpakneminij?

4. ¿Keniuj katkaj tamamej konemej tein kinpiakej nejon siuamej?

5. Xikita taixkopin, ¿toni kichiujkej imin koneuan nejon siuamej keman mochiujkej takamej tel uejueykej uan tel chikaujkej?

6. ¿Keniuj motokaytij takat yolkuali tein nemik satepan keman momikilij Enoc, uan keyej kitasojtaya Dios?

Okseki netajtanilmej:

1. Xikixtajtolti Génesis 6:1-8.

Ijkon kemej kijtoua Génesis 6:6, ¿keniuj uelis momachilis Jiova ika totachiualis? (Sal. 78:40, 41; Pro. 27:11.)

2. Xikixtajtolti Judas 6.

Ángeles tein “amo kinekiaj tekitiskej ok itech imin tayekanalis”, ¿keniuj techpaleuia axkan tonalmej kemej se tanejmachtilis? (1 Cor. 3:5-9; 2 Ped. 2:10.)

Tanojnots 9

Noé kichijchiuak se arca

1. ¿Kanachimej katkaj Noé uan ichankauan, uan keniuj motokaytijkej eyi konemej?

2. ¿Toni kiiluij Dios Noé maj kichijchiuani tein amo keman kichijchiujtoya, uan keyej?

3. ¿Keniuj tanankilijkej taltikpakneminij keman Noé kiniluij toni yaya kichiuati Dios?

4. ¿Toni kiiluij Dios Noé maj kichiuani ika tapialmej?

5. Satepan keman Dios tatsakuak, ¿toni monekik kichiuaskej Noé uan ichankauan?

Okseki netajtanilmej:

1. Xikixtajtolti Génesis 6:9-22.

1) ¿Keniuj moitak itech Noé ika nochipa kiueyichiuaya Dios tein melauak? (Gén. 6:9, 22.)

2) ¿Keniuj kiita Jiova tateuilis, uan keniuj moneki techpaleuis nejin keman tikijitaj toneixpetanilis? (Gén. 6:11, 12; Sal. 11:5.)

3) ¿Keniuj no ijkon uelis tikchiuaskej kemej Noé, keman Jiova techmaka tanauatilmej imin tenkopa takamej tein kinixtalijtok maj taixyekanakan? (Gén. 6:22; 1 Juan 5:3.)

2. Xikixtajtolti Génesis 7:1-9.

¿Keniuj techyolchikaua tikmatiskej ika Jiova kipouak Noé yolmelauak maski katka tajtakojkej? (Gén. 7:1; Pro. 10:16; Isa. 26:7.)

Tanojnots 10

Se Tetsaujkakiouit

1. ¿Keyej amo akin uelik kalakik itech arca keman peuak kioui?

2. ¿Kanachi tonal uan kanachi youal takiouiltij Jiova, uan kani ajsik at?

3. ¿Toni kipanok arca keman peuak pexoni ika at Taltikpak?

4. ¿Makiskej nejon takamej tel uejueykej uan tel chikaujkej itech Tetsaujkakiouit? ¿Toni kinpanok imin tatuan?

5. ¿Toni kipanok arca satepan keman panok makuil metsti?

6. ¿Keyej kikajkauak Noé se tiltik totot tein yetoya itech arca?

7. ¿Keniuj kimatik Noé ika temokaya at?

8. Keman Noé uan ichankauan panoua se xiuit yetoyaj itech arca, ¿toni kiiluij Dios Noé satepan?

Okseki netajtanilmej:

1. Xikixtajtolti Génesis 7:10-24.

1) ¿Akonimej mikkej keman ualaj Tetsaujkakiouit? (Gén. 7:23.)

2) ¿Kanachi tonalmej tamitemok at? (Gén. 7:24.)

2. Xikixtajtolti Génesis 8:1-17.

¿Keniuj kinextia Génesis 8:17 ika yekinika itanejnekilis Jiova tein kipialiaya Taltikpak amo mopatak? (Gén. 1:22.)

3. Xikixtajtolti 1 Pedro 3:19, 20, NM.

1) ¿Toni tatejtelchiualis kiselijkej ángeles tein amo tatakamatkejok keman oksepa yajkej iluikak? (Jud. 6.)

2) Ika tein kipanok Noé uan ichankauan, ¿keniuj kichikaua totakuaujtamatilis tikmatiskej ika Jiova ueli kinimakixtia itekitikauan? (2 Cor. 1:10.)

Tanojnots 11

Yekinika mixkosantsin

1. Kemej moita itech taixkopin, ¿toni yekinika kichiuak Noé keman kisak itech arca?

2. ¿Toni kiniluij Dios Noé uan ichankauan satepan keman panok Tetsaujkakiouit?

3. ¿Toni moyektenkauak Dios?

4. Keman tikitaskej se mixkosantsin, ¿toni moneki tikelnamikiskej?

Okseki netajtanilmej:

1. Xikixtajtolti Génesis 8:18-22.

1) ¿Toni moneki tikchiuaskej axkan tonalmej uan ijkon Jiova kiyolpaktis tein tikchiuaskej? (Gén. 8:21; Heb. 13:15, 16.)

2) ¿Toni kiitak Jiova ika onkak itech imiyolo taltikpakneminij, uan ika nejon, toni ika moneki timopiaskej? (Gén. 8:21; Mat. 15:18, 19.)

2. Xikixtajtolti Génesis 9:9-17.

1) ¿Toni moyektenkauak Jiova imiuan tein nemij nikan Taltikpak? (Gén. 9:10, 11.)

2) ¿Kanachi xiuit uejkauas tein Dios moyektenkauak keman kitemakak mixkosantsin? (Gén. 9:16.)

Tanojnots 12

Taltikpakneminij kichijchiujkej se ueyi kaltachialoyan

1. ¿Akoni katka Nemrod, uan keniuj kiitaya Dios ika itachiualis?

2. Kemej moita itech taixkopin, ¿toni kichijchiujtokej taltikpakneminij?

3. ¿Keyej amo kiyolpaktij Jiova nejon tekit?

4. ¿Toni kichiuak Dios uan ijkon amo uelikok kichijchiujkej ueyi kaltachialoyan?

5. ¿Keniuj motokaytij altepet, uan toni kijtosnekia nejon tokayit?

6. ¿Toni kichiujkej taltikpakneminij satepan keman Dios kinpatilij imin tajtol?

Okseki netajtanilmej:

1. Xikixtajtolti Génesis 10:1, 8-10.

¿Keniuj katka Nemrod, uan toni technejmachtia Biblia? (Pro. 3:31.)

2. Xikixtajtolti Génesis 11:1-9.

¿Keyej kichijchiujtoyaj ueyi kaltachialoyan, uan keyej amo ueliskiaj kitamichijchiuaskiaj? (Gén. 11:4; Pro. 16:18; Juan 5:44.)

Tanojnots 13

Abraham mochiuak itasojikniuj Dios

1. ¿Keniuj katkaj taltikpakneminij tein nemiaj itech altepet Ur?

2. ¿Akoni takat tein tikita itech taixkopin? ¿Kemanian nemik? ¿Kani nemia?

3. ¿Toni kinauatij Dios Abraham?

4. ¿Keyej kixmatkej Abraham kemej itasojikniuj Dios?

5. ¿Akonimej kiskej iuan Abraham keman yej kisak itech altepet Ur?

6. ¿Toni kiiluij Dios Abraham keman ajsik itech tal tein pouia Canaán?

7. ¿Toni moyektenkauak Dios iuan Abraham keman kipiaya 99 xiujmej?

Okseki netajtanilmej:

1. Xikixtajtolti Génesis 11:27-32.

1) ¿Keniuj moitayaj Abraham uan Lot? (Gén. 11:27.)

2) Maski moijtoua ika Taré kiniuikak ichankauan itech tal tein pouia Canaán, ¿keniuj tikmatij ika tein yekmelauj kiniuikak katka Abraham, uan keyej kichiuak? (Gén. 11:31; Hech. 7:2-4.)

2. Xikixtajtolti Génesis 12:1-7.

Ika tein Jiova moyektenkauak iuan Abraham, ¿keniuj okachi kiyekiluij keman ajsik itech tal tein pouia Canaán? (Gén. 12:7.)

3. Xikixtajtolti Génesis 17:1-8, 15-17.

1) ¿Keniuj mopatak itokay Abrán keman kipiaya 99 xiujmej, uan keyej? (Gén. 17:5.)

2) ¿Toni tatiochiualismej moyektenkauak Jiova iuan Sara ika yaya kimakati amo uejkaua? (Gén. 17:15, 16.)

4. Xikixtajtolti Génesis 18:9-19.

1) Kemej kijtoua Génesis 18:19, ¿toni tekit moneki kichiuaskej tetatmej? (Deu. 6:6, 7; Efe. 6:4.)

2) Ika semej tachiualismej tein kichiuak Sara, ¿keniuj kinextia ika amo teyi ueli tiktatiliaj Jiova? (Gén. 18:12, 15; Sal. 44:21.)

Tanojnots 14

Dios kiitak Abraham ox itech takuaujtamatia

1. ¿Toni motenkaujka Dios iuan Abraham, uan keniuj kichiuak kemej motenkaujka?

2. Kemej moita itech taixkopin, ¿toni kichiuak Dios uan ijkon kiitaskia itakuaujtamatilis Abraham?

3. ¿Toni kichiuak Abraham maski amo kiajsikamatia keyej kimakak Dios nejon tanauatil?

4. ¿Toni mochiuak keman Abraham kikixtij itatekiloni tein ika yaya kimiktiti ikoneuj?

5. ¿Keniuj katka itakuaujtamatilis Abraham itech Dios?

6. ¿Toni kimakak Dios Abraham maj kitemakani kemej netetayokolil, uan keniuj?

Okseki netajtanilmej:

1. Xikixtajtolti Génesis 21:1-7.

¿Keyej Abraham kineskayotij ikoneuj itech inakayo keman kipiaya chikueyi tonal? (Gén. 17:10-12; 21:4.)

2. Xikixtajtolti Génesis 22:1-18.

¿Keniuj kinextij Isaac ika kitakamatik ipopaj, uan keniuj kinextij nejin ika miak xiuit satepan mochiuaskia teisa ijkuitik tein okachi monekia? (Gén. 22:7-9; 1 Cor. 5:7; Fili. 2:8, 9.)

Tanojnots 15

Inamik Lot tachiak taikampa

1. ¿Keyej moxexelojkej Abraham uan Lot?

2. ¿Keyej kinemilij Lot mokaltalitiuj Sodoma?

3. ¿Keniuj katkaj taltikpakneminij tein nemiaj Sodoma?

4. ¿Toni kinauatijkej Lot ome ángeles?

5. ¿Keyej mokepak istat uan mokauak kemej se kalikxit inamik Lot?

6. ¿Toni technextilia tein kipanok inamik Lot?

Okseki netajtanilmej:

1. Xikixtajtolti Génesis 13:5-13.

¿Keniuj no ijkon moneki tikchiuaskej kemej Abraham keman tikmelauaskej se kuejmol iuan aksa? (Gén. 13:8, 9; Rom. 12:10; Fili. 2:3, 4.)

2. Xikixtajtolti Génesis 18:20-33.

Keman tikixtajtoltiaj keniuj tajtoj Abraham iuan Jiova, ¿keyej uelis titakuaujtamatiskej ika Jiova uan Jesús taixkomakaskej ika melaujkayot? (Gén. 18:25, 26; Mat. 25:31-33.)

3. Xikixtajtolti Génesis 19:1-29.

1) Ika tein kijtoua Génesis 19:5 uan 13, ¿keniuj kiita Dios tein auilnemi iuan se itakaikniuj? (Lev. 20:13.)

2) ¿Keniuj tataman kitakamatkej tanauatil tein Dios kinimakak Lot uan Abraham, uan toni technextilia nejin? (Gén. 19:15, 16, 19, 20; 22:3.)

4. Xikixtajtolti Lucas 17:28-32.

¿Keniuj kiitaya inamik Lot nochi tein kikaujka, uan keniuj techpaleuia kemej se tanejmachtilis? (Luc. 12:15; 17:31, 32; Mat. 6:19-21, 25.)

5. Xikixtajtolti 2 Pedro 2:6-8.

¿Keniuj no ijkon moneki tikitaskej kemej Lot, taltikpakneminij imin tachiualisuan tein tel amo kuali? (Eze. 9:4; 1 Juan 2:15-17.)

Tanojnots 16

Isaac kitemolijkej se kuali inamik

1. ¿Akonimej takat uan siuat tein yetokej itech taixkopin?

2. ¿Toni kichiuak Abraham uan ijkon kitemolij ikoneuj se inamik, uan keyej?

3. ¿Keniuj kinankilij Dios netataujtil tein kichiuak itakeual Abraham?

4. ¿Keniuj tanankilij Rebeca keman kitajtanijkej ox kinekia monamiktis iuan Isaac?

5. ¿Toni kichiuak maj oksepa yolpakini Isaac?

Okseki netajtanilmej:

1. Xikixtajtolti Génesis 24:1-67.

1) ¿Toni kualneskayomej kinextij Rebeca keman moajsik iuan itakeual Abraham itech ameyal? (Gén. 24:17-20; Pro. 31:17, 31.)

2) ¿Toni se kuali neskayot kinkauilia axkan tein kichiuaj kemej Cristo ika tein Abraham kichiuilij Isaac? (Gén. 24:37, 38; 1 Cor. 7:39; 2 Cor. 6:14.)

3) ¿Keyej moneki tikxeloskej tepitsin den tonalmej uan ijkon tiknemiliskej tein timomachtiaj, kemej kichiuaya Isaac? (Gén. 24:63; Sal. 77:12; Fili. 4:8.)

Tanojnots 17

Nenetsmej tein katkaj tamamej

1. ¿Akonimej katkaj Esaú uan Jacob, uan keniuj katkaj tamamej?

2. ¿Kanachi xiuit kipiayaj Esaú uan Jacob keman momikilij imin ueyitat Abraham?

3. ¿Toni kichiuak Esaú tein kinteltayokoltij itatuan?

4. ¿Keyej kitelkualauij Esaú ikniuj Jacob?

5. ¿Toni kinajnauatij Isaac ikoneuj Jacob?

Okseki netajtanilmej:

1. Xikixtajtolti Génesis 25:5-11, 20-34.

1) Achtopa keman nemiskiaj ikoneuan Rebeca, ¿toni kijtojka Jiova ika kichiuaskiaj? (Gén. 25:23.)

2) ¿Keniuj tataman kiitayaj Esaú uan Jacob, tanauatil tein kipiaya se tayekankakonet? (Gén. 25:31-34.)

2. Xikixtajtolti Génesis 26:34, 35; 27:1-46, uan 28:1-5.

1) ¿Keniuj kinextij Esaú ika amo kipatiujitaya tatiochiualismej tein Jiova kitemaka? (Gén. 26:34, 35; 27:46.)

2) ¿Toni kinajnauatij Isaac maj kichiua Jacob uan ijkon ueliskia kiseliskia itatiochiualis Dios? (Gén. 28:1-4.)

3. Xikixtajtolti Hebreos 12:16, 17.

Ijkon kemej kipanok Esaú, ¿keniuj kinextia tein kinpanos taltikpakneminij tein kixtopeuaj itatiochiualisuan Dios?

Tanojnots 18

Jacob yajki Harán

1. ¿Akoni ichpoch tein yetok itech taixkopin, uan toni kichiuak Jacob keman kiitak?

2. ¿Toni monekia kichiuas Jacob uan ijkon ueliskia monamiktiskia iuan Raquel?

3. ¿Toni kichiuak Labán ijkuak ajsik tonal keman Jacob uan Raquel monamiktiskiaj?

4. ¿Toni kichiuak Jacob uan ijkon uelik monamiktij iuan Raquel?

Okseki netajtanilmej:

1. Xikixtajtolti Génesis 29:1-30.

1) Maski Labán kikajkayauj Jacob, ¿keniuj kinextij Jacob ika katka takuaujtamach, uan toni technextilia nejin? (Gén. 25:27; 29:26-28; Mat. 5:37.)

2) Ika tein kichiuak Jacob, ¿keniuj kinextia ika taman kijtosneki yekmelauj netasojtalis, uan netasojtalis tein panouasaj? (Gén. 29:18, 20, 30; Cant. de Cant. 8:6.)

3) ¿Keniuj motokaytijkej naui inamikuan Jacob, tein satepan kinpiak konemej imiuan? (Gén. 29:23, 24, 28, 29.)

Tanojnots 19

Jacob kinpiak miakej ichankauan

1. ¿Keniuj motokaytijkej chikuasen konemej tein kinpiak Jacob iuan yekinika inamik, tein motokaytij Lea?

2. ¿Keniuj motokaytijkej ome konemej tein kinpiak Jacob iuan isiuatakeual Lea tein motokaytij Zilpá?

3. Jacob kinpiak ome konemej iuan isiuatakeual Raquel tein motokaytij Bilhá, ¿tikmati keniuj motokaytijkej?

4. ¿Keniuj motokaytijkej ome konemej tein kinpiak Raquel, uan toni kipanok keman kipiak ika ome?

5. Kemej moita itech taixkopin, ¿kanachi konemej kinpiak Jacob, uan akonimej ualeujkej imintech?

Okseki netajtanilmej:

1. Xikixtajtolti Génesis 29:32-35; 30:1-26 uan 35:16-19.

Ijkon kemej technextilia 12 ikoneuan Jacob, ¿keniuj kintokaymakayaj ne uejkauj konemej hebreos?

2. Xikixtajtolti Génesis 37:35.

Maski itech Biblia ixnesi sayoj itokay Dina, ¿keniuj tikmatij ika Jacob amo kipiak sayoj se iichpoch? (Gén. 37:34, 35.)

Tanojnots 20

Dina mokalakij itech kuejmolmej

1. ¿Keyej Abraham uan Isaac amo kinekiaj maj imin koneuan monamiktianij imiuan taltikpakneminij tein nemiaj Canaán?

2. ¿Keniuj kiitaya Jacob maj Dina mochiuani itasojikniuan ichpochmej tein nemiaj Canaán?

3. Kemej moita itech taixkopin, ¿akoni takat tein kiitstok Dina, uan toni kichiuak tein amo kuali?

4. ¿Toni kichiujkej Simeón uan Leví, ikniuan Dina, keman kimatkej toni mochiuak?

5. ¿Keniuj momachilij Jacob ika tein kichiujkej Simeón uan Leví?

6. ¿Keniuj peuak kipiaj kuejmolmej Dina uan ichankauan?

Okseki netajtanilmej:

1. Xikixtajtolti Génesis 34:1-31.

1) ¿Sayoj kinkalpanojtikisaya Dina ichpochmej tein nemiaj Canaán? Xikmelaua (Gén. 34:1).

2) ¿Keyej uelis tikijtoskej ika Dina no kipiak tajtakol maj ika mauiltianij? (Gál. 6:7.)

3) ¿Keniuj uelis kinextiskej telpochmej uan ichpochmej tein nemij axkan, ika kiitaj kemej se tanejmachtilis tein kipanok Dina? (Pro. 13:20; 1 Cor. 15:33; 1 Juan 5:19.)

Tanojnots 21

Ikniuan José kitauelitakej

1. ¿Keyej kinexikoluiayaj ikniuan José, uan toni kichiujkej?

2. ¿Toni kichiuilisnekiaj ikniuan José, sayoj ika toni kiniluij Rubén?

3. ¿Toni mochiuak keman ajsikej seki takouanij ismaelitas?

4. ¿Toni kichiujkej ikniuan José uan ijkon maj monemiliani imin popaj ika telpoch momikilij?

Okseki netajtanilmej:

1. Xikixtajtolti Génesis 37:1-35.

1) Tein kichiuaj kemej Cristo, ¿keniuj no ijkon moneki kichiuaskej kemej José, uan kinimatiltiskej tokniuan ueuentsitsin komo aksa kichiua tein amo kuali? (Gén. 37:2; Lev. 5:1; 1 Cor. 1:11.)

2) ¿Toni kiniuikak ikniuan José maj kichiuilikan tein amo kuali? (Gén. 37:11, 18; Pro. 27:4; Sant. 3:14-16.)

3) ¿Toni kimachilij Jacob tein tinochin tikmachiliaj keman aksa momikilia? (Gén. 37:35.)

Tanojnots 22

Kitsakkej José

1. ¿Kanachi xiuit kipiaya José keman kiuikakej Egipto, uan toni mochiuak keman ompa ajsik?

2. ¿Keyej kitsakkej José?

3. ¿Toni tekit kimakakej José kampa tsaktoya?

4. Keman tsaktoyaj, ¿toni kiniluij José itayilmakakauj uan ipanchiujkauj Faraón?

5. ¿Toni mochiuak satepan keman kikixtijkej tetayilmakakej?

Okseki netajtanilmej:

1. Xikixtajtolti Génesis 39:1-23.

Maski itech itonaluan José ayamo ijkuiliujtoya se itanauatil Dios, maj kinextiani ika yej kitauelita auilnemilis, ¿toni kipaleuij kixtopeuas inamik Potifar? (Gén. 2:24; 20:3; 39:9.)

2. Xikixtajtolti Génesis 40:1-23.

1) Xikijto ika se ome eyi tajtolmej tein kikochitak tetayilmakakej, uan keniuj kimelauilij José ika inepaleuil Jiova (Gén. 40:9-13).

2) ¿Toni kikochitak panchiujkej, uan toni kijtosnekia? (Gén. 40:16-19.)

3) ¿Keniuj no ijkon kichiuaj kemej José tein pouij itech takeual takuaujtamach uan tamatkej tein yetok itech totonaluan? (Gén. 40:8; Sal. 36:9; Juan 17:17; Hech. 17:2, 3.)

4) ¿Keniuj techpaleuia Génesis 40:20, maj tikmatikan keniuj kiita Dios keman kiiluichiuiliaj aksa tein xiuajsi? (Ecl. 7:1; Mar. 6:21-28.)

Tanojnots 23

Faraón kipiak ome takochitalismej

1. ¿Toni kipanok Faraón se youak?

2. ¿Keyej satepan tetayilmakakej kielnamikik José?

3. Kemej moita itech taixkopin, ¿toni ome takochitalismej kipiak Faraón?

4. ¿Toni kijtoj José ika kijtosnekia takochitalismej?

5. ¿Keniuj mochiuak José se takat tein kipiak se ueyi tanauatil, maski amo semi kemej Faraón?

6. ¿Keyej yajkej Egipto ikniuan José, uan keyej amo kiixmatkej?

7. ¿Toni takochitalis kielnamikik José, uan toni kiajsikamatik?

Okseki netajtanilmej:

1. Xikixtajtolti Génesis 41:1-57.

1) ¿Keniuj José kiueyichiuak Jiova, uan keniuj no ijkon moneki kichiuaskej tein kichiuaj kemej Cristo? (Gén. 41:16, 25, 28; Mat. 5:16; 1 Ped. 2:12.)

2) Itech altepet Egipto kipanokej xiujmej keman tel onkaya takual, uan ompa kitojtokak okseki xiujmej keman kipanokej mayan, ¿keniuj no ijkon tataman kipanotokej axkan ika nemachtil tein Jiova kijtoua, tein kitekitiliaj Dios uan tein kijtouaj kitojtokaj Cristo? (Gén. 41:29, 30; Amós 8:11, 12.)

2. Xikixtajtolti Génesis 42:1-8 uan 50:20.

Komo itech se altepet momattokej moixpiloskej iixpan se takat uan ika kinextiaj ika kipoujkaitaj tanauatil tein kipia, ¿uelis kichiuaskej tein kitekitiliaj Jiova? (Gén. 42:6.)

Tanojnots 24

José kinitak ikniuan ox kisentokayaj ijkon tanemiliayaj

1. ¿Keyej kinpantij José ikniuan ika katkaj tapijpianij?

2. ¿Keyej kikauak Jacob ixokoyokoneuj, Benjamín, maj yani Egipto?

3. ¿Keyej yetoya iplatajtatayiloni José itech ikoxtal Benjamín?

4. ¿Toni motemakak kichiuas Judá uan maj kikauanij Benjamín?

5. ¿Toni tanemilil kipatakej ikniuan José?

Okseki netajtanilmej:

1. Xikixtajtolti Génesis 42:9-38.

¿Toni kinelnamiktia tajtolmej tein ijkuiliujtokej itech Génesis 42:18, takamej tein Jiova kinixtalijtok axkan maj kinixyekanakan itekitikauan? (Neh. 5:15; 1 Ped. 1:15, 16.)

2. Xikixtajtolti Génesis 43:1-34.

1) Maski Rubén yejua tayekanaya, ¿keniuj moyekita ika Judá kintajtouiaya ikniuan? (Gén. 43:3, 8, 9; 44:14, 18; 1 Cró. 5:2.)

2) Kemej kijtoua Génesis 43:33 uan 34, ¿toni kichiuak José, uan keyej ika kinitak ikniuan?

3. Xikixtajtolti Génesis 44:1-34.

1) Kemej José amo kinekia maj kiixmatikan ikniuan, ¿toni kijtoj ika uelia kichiuaya? (Gén. 44:5, 15; Lev. 19:26.)

2) ¿Keniuj kinextijkej ikniuan José ika amo katkajok nexikolmej kemej achto? (Gén. 44:13, 33, 34.)

Tanojnots 25

Ichankauan José mokaltalitoj Egipto

1. ¿Toni mochiuak keman José moteixmatiltij imiuan ikniuan?

2. ¿Toni kiniyekiluij José ikniuan ika miak yemankayot?

3. ¿Toni kijtoj Faraón keman kikakik ika ikniuan José yetoyaj Egipto?

4. ¿Kanachimej katkaj ichankauan Jacob keman mokaltalitoj Egipto?

5. ¿Keniuj kintokaytijkej ichankauan Jacob, uan keyej?

Okseki netajtanilmej:

1. Xikixtajtolti Génesis 45:1-28.

Kemej kinextia Biblia tein kipanok José, ¿keniuj Jiova ueli kichiua maj satepan kuali kiniyoui itekitikauan maski oksekin kinekij kinijtakoskej? (Gén. 45:5-8; Isa. 8:10; Fili. 1:12-14.)

2. Xikixtajtolti Génesis 46:1-27.

¿Keniuj Jiova kiyolchikauak Jacob keman yajtoya Egipto? (Gén. 46:1-4, nota.)

Tanojnots 26

Job amo kikauak Dios

1. ¿Akoni katka Job?

2. ¿Toni kinekia kichiuas Satanás? ¿Uelik kichiuak?

3. ¿Toni kikauilij Jiova maj kichiuani Satanás, uan keyej?

4. ¿Keyej inamik Job kiiluij “xiktejtelchiua Dios uan ximiki”? (Xikita taixkopin.)

5. Kemej ueli tikita itech ojpatika taixkopin, ¿keniuj Jiova kitatiochiuij Job, uan keyej?

6. Komo tejuan amo tikauaj Jiova kemej Job, ¿toni tatiochiualismej tikseliskej?

Okseki netajtanilmej:

1. Xikixtajtolti Job 1:1-22.

¿Keniuj axkan no ijkon uelis kichiuaskej kemej Job tein kichiuaj kemej Cristo? (Job 1:1; Fili. 2:15; 2 Ped. 3:14.)

2. Xikixtajtolti Job 2:1-13.

¿Toni tataman kijtojkej Job uan inamik keman Satanás kintalilij se taixnamikilis? (Job 2:9, 10; Pro. 19:3; Miq. 7:7; Mal. 3:14.)

3. Xikixtajtolti Job 42:10-17.

1) Ijkon kemej Job uan Jesús amo keman kikaujkej Dios, ¿keniuj ijkuitik kintatiochiuijkej? (Job 42:12; Fili. 2:9-11.)

2) ¿Keniuj techyolchikaua tikmatiskej ika Jiova kitatiochiuij nemilis melauak tein kipiak Job? (Job 42:10, 12; Heb. 6:10; Sant. 1:2-4, 12; 5:11.)

Tanojnots 27

Se tekiuaj amo yolkuali taixyekanak Egipto

1. ¿Akoni takat tein yetok itech taixkopin tein kipia se kuetaxtamalin, uan akoni kiuijuitektok?

2. ¿Toni kinpanok israelitas satepan keman momikilij José?

3. ¿Keyej egipcios peuak kinimouiliaj israelitas?

4. ¿Toni tanauatil kinimakak Faraón siuamej tein kinpaleuiayaj tenamej israelitas keman kipiayaj se konet?

Okseki netajtanilmej:

1. Xikixtajtolti Éxodo 1:6-22.

1) ¿Keniuj peuak kichiua Jiova ijkon kemej motenkaujka iuan Abraham? (Éxo. 1:7; Gén. 12:2; Hech. 7:17.)

2) ¿Keniuj kinextijkej ika kipatiujitayaj nemilis nejin siuamej hebreas pilmachianij? (Éxo. 1:17; Gén. 9:6.)

3) Kemej nejon siuamej pilmachianij kichiujkej itanejnekilis Dios, ¿keniuj kintatiochiuij Jiova? (Éxo. 1:20, 21; Pro. 19:17.)

4) ¿Keniuj kinekia kitsakuilis Satanás maj amo motamichiuani tein Jiova motenkaujka iuan Abraham? (Éxo. 1:22; Mat. 2:16.)

Tanojnots 28

Mopaleuij konet Moisés

1. ¿Akoni konet tein moita itech taixkopin, uan akoni kimajpilkitskijtok?

2. ¿Toni kichiuak imomaj Moisés uan ijkon amo kimiktiskiaj konet?

3. ¿Akoni siuapil tein moita itech taixkopin, uan toni kichiuak?

4. ¿Toni kitajtanij Míriam iichpoch Faraón keman kiajsik konet?

5. ¿Toni kiiluij iichpoch Faraón imomaj Moisés?

Okse netajtanil:

1. Xikixtajtolti Éxodo 2:1-10.

¿Keyej imomaj Moisés uelik kimachtij keman katka konetok, uan toni kininextilia axkan tein kinpiaj konemej? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

Tanojnots 29

Keyej choloj Moisés

1. ¿Kani moskaltij Moisés, uan kani kimattoya ika ualeujkej itatuan?

2. ¿Toni kichiuak Moisés keman kipiaya ome poual xiuit?

3. ¿Toni kiiluij Moisés se israelita tein tateuijtoya, uan toni kinankilij?

4. ¿Keyej Moisés kincholuij egipcios?

5. ¿Kani choloj Moisés, uan akoni ompa kiixmatik?

6. ¿Toni kichiuak Moisés itech okseki ome poual xiuit?

Okseki netajtanilmej:

1. Xikixtajtolti Éxodo 2:11-25.

Maski Moisés kimachtijkej egipcios nochi tein kimatiaj, ¿keniuj yej kinextij ika kitasojtaya Jiova uan israelitas? (Éxo. 2:11, 12; Heb. 11:24.)

2. Xikixtajtolti Hechos 7:22-29.

¿Toni technextilia axkan tein kichiuak Moisés, keman kinemilij iselti kinimakixtis israelitas imimako egipcios tein kinteltekitiltiayaj? (Hech. 7:23-25; 1 Ped. 5:6, 10.)

Tanojnots 30

Uitskuoujtaktsoj xotatoya

1. ¿Keniuj motokaytia tepet tein yetok itech taixkopin?

2. ¿Toni kiitak Moisés tein amo keman kiitstoya keman yajki itech tepet iuan ichkamej?

3. ¿Toni kijtoj tajtolis tein kisaya itech uitskuoujtaktsoj tein xotatoya, uan akoni katka itajtolis?

4. ¿Keniuj tanankilij Moisés keman Dios kiiluij maj kinkixtiti israelitas itech altepet Egipto?

5. ¿Toni kiiluij Dios Moisés maj tanankiliani komo kitajtaniskiaj akoni kititanik?

6. ¿Keniuj ueliskia kinextiskia Moisés ika katka Dios akin kititanik?

Okseki netajtanilmej:

1. Xikixtajtolti Éxodo 3:1-22.

¿Keniuj techyolchikaua tikmatiskej ika Jiova techmakas inepaleuil kemej Moisés, keman yej techmakas se tekit uan timomachiliskej ika pane amo uelis tikchiuaskej? (Éxo. 3:11, 13; 2 Cor. 3:5, 6.)

2. Xikixtajtolti Éxodo 4:1-20.

1) ¿Toni kualneskayomej kiixualtij Moisés itech ome poual xiuit keman yetoya Madián, uan toni kininextilia takamej tein kinejnekij kiajsiskej se tekit kemej tayekananij? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

2) Maski Jiova techmejmelaua imimakopa takamej tein kinixtalijtok maj taixyekanakan, ¿keniuj uelis techpaleuis tein kipanok Moisés? (Éxo. 4:12-14; Sal. 103:14; Heb. 12:4-11.)

Moisés uan Aarón kiitatoj Faraón

1. ¿Toni kinemilijkej israelitas keman kiitakej mouiskatekimej tein kichiujkej Moisés uan Aarón?

2. ¿Toni kiiluijkej Faraón Moisés uan Aarón, uan toni kininankilij?

3. Kemej moita itech taixkopin, ¿toni mochiuak keman Aarón kitamotak talpan ikuouj?

4. ¿Toni kinextilij Jiova Faraón, uan toni kichiuak Faraón?

5. ¿Toni mochiuak keman panok majtakti chauis?

Okseki netajtanilmej:

1. Xikixtajtolti Éxodo 4:27-31 uan 5:1-23.

¿Toni kijtosnekik Faraón ika tajtolmej: ‘Amo nikixmati Jiova nion tepitsin’? (Éxo. 5:2; 1 Sam. 2:12; Rom. 1:21.)

2. Xikixtajtolti Éxodo 6:1-13, 26-30.

1) ¿Keniuj kijtosnekia ika Jiova ayamo moteixmatiltiaya imiuan Abraham, Isaac uan Jacob? (Éxo. 3:13, 14; 6:3; Gén. 12:8.)

2) ¿Keniuj techpaleuia tikmatiskej ika Jiova kikuik Moisés, maski yej momachiliaya ika amo ueliskia kichiuaskia tein kinauatijka? (Éxo. 6:12, 30; Luc. 21:13-15.)

3. Xikixtajtolti Éxodo 7:1-13.

1) Keman Moisés uan Aarón kiiluijkej Faraón ika yolchikaualis tein Jiova yaya kichiuati, ¿toni neskayot techkauilia axkan tein tiktekitiliaj Dios? (Éxo. 7:2, 3, 6; Hech. 4:29-31.)

2) ¿Keniuj kinextij Jiova ika okachi kipia chikaujkauelilis uan amo ijkon kemej tiotsitsin egipcios? (Éxo. 7:12; 1 Cró. 29:12.)

Tanojnots 32

Majtakti chauismej

1. Xikita taixkopimej, uan xikijto katiyejuan yekinika eyi chauismej tein Jiova kititanilij Egipto.

2. Yekinika eyi chauismej, ¿keyej katkaj tamamej ika okseki chauismej?

3. ¿Katiyejuan katkaj naujpatika, makuiltika uan chikuasentika chauismej?

4. ¿Katiyejuan katkaj chikometika, chikueyitika uan chiknauitika chauismej?

5. ¿Toni kiniluij Jiova israelitas maj kichiuanij achtopa keman kititaniskia majtakti chauis?

6. ¿Katiyejua majtakti chauis, uan toni mochiuak satepan?

Okseki netajtanilmej:

1. Xikixtajtolti Éxodo 7:19–8:23.

1) Maski tiopixkamej egipcios tein kitekitiltiayaj naualot no uelik kichiujkej yekinika ome chauismej tein Jiova kichiuak, ¿toni kijtojkej keman itech expatika amo teyi uelikok kichiujkej? (Éxo. 8:18, 19; Mat. 12:24-28.)

2) ¿Keniuj kinextij naujpatika chauis ika Jiova ueli kinpaleuia itekitikauan, uan keniuj uelis momachiliskej itekitikauan Dios keman panoskej itech ‘ueyi tajyouilis’ tein ualajtok? (Éxo. 8:22, 23; Apo. 7:13, 14; 2 Cró. 16:9.)

2. Xikixtajtolti Éxodo 8:24; 9:3, 6, 10, 11, 14, 16, 23-25, uan 10:13-15, 21-23.

1) ¿Keniuj moitak keman panok Majtakti Chauismej ika yetoyaj ome oloch taltikpakneminij, uan toni techpaleuia tikmatiskej ika axkan no moajsi ome oloch taltikpakneminij? (Éxo. 8:10, 18, 19; 9:14.)

2) ¿Keniuj techpaleuia Éxodo 9:16 maj tikajsikamatikan keyej kikaujtok Jiova maj nemiok Satanás? (Rom. 9:21, 22.)

3. Xikixtajtolti Éxodo 12:21-32.

¿Keniuj kinpaleuij Pascua maj miakej momakixtianij, uan toni kinextij ika mochiuaskia satepan? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)

Tanojnots 33

Kipanauijkej ueyiat Chichiltik

1. ¿Kanachi takamej israelitas kiskej Egipto, ijkon kemej siuamej uan konemej, uan akonimej kiskej imiuan?

2. ¿Keniuj momachilij Faraón satepan keman kinkauak maj yanij israelitas, uan toni kichiuak?

3. ¿Toni kichiuak Jiova uan ijkon egipcios amo kinkitskiskiaj israelitas?

4. ¿Toni mochiuak keman Moisés momamelauj ika ikuouj itech ueyiat Chichiltik, uan toni kichiujkej israelitas?

5. ¿Toni mochiuak keman egipcios kinikantokayaj israelitas itech ueyiat?

6. ¿Keniuj kinextijkej israelitas ika yolpakiaj uan motasojkamatiaj keman Jiova kinimakixtij?

Okseki netajtanilmej:

1. Xikixtajtolti Éxodo 12:33-36.

¿Keniuj kichiuak Jiova maj kinimakanij israelitas tein amo kinimakakej itech nochin xiujmej keman kinteltekitiltijkej Egipto? (Éxo. 3:21, 22; 12:35, 36.)

2. Xikixtajtolti Éxodo 14:1-31.

Itekitikauan Dios tein axkan nemij kimattokej ika ualajtok ineteuilis Dios, tein motokaytia Armagedón, ¿keniuj kinpaleuia itajtoluan Moisés tein ijkuiliujtok itech Éxodo 14:13, 14? (2 Cró. 20:17; Sal. 91:8.)

3. Xikixtajtolti Éxodo 15:1-8, 20, 21.

1) ¿Keyej itekitikauan Jiova moneki kiueyichiuaskej ika nekuikatilmej? (Éxo. 15:1, 2; Sal. 105:2, 3; Apo. 15:3, 4.)

2) Ijkon kemej Míriam uan okseki siuamej kiueyichiujkej Jiova itech ueyiat Chichiltik, ¿toni neskayot kinkauilijkej axkan siuamej tein kichiuaj kemej Cristo? (Éxo. 15:20, 21; Sal. 68:11.)

Tanojnots 34

Se yankuik takual

1. ¿Toni kipejpentokej taltikpakneminij tein moitaj itech taixkopin, uan keniuj motokaytia?

2. ¿Toni kininajnauatij Moisés israelitas keman kipejpenaskiaj maná?

3. ¿Toni kiniluij Jiova maj kichiuaskiaj israelitas chikuasentika tonal, uan keyej?

4. ¿Toni mouiskatekit kichiuaya Jiova keman moeuiliayaj maná chikometika tonal?

5. ¿Kanachi xiuit kintamakak Jiova israelitas ika maná?

Okseki netajtanilmej:

1. Xikixtajtolti Éxodo 16:1-36 uan Números 11:7-9.

1) ¿Keniuj kinextia Éxodo 16:8 ika moneki tikinpoujkaitaskej takamej tein Jiova kinixtalijtok, maj kinixyekanakan oloch tokniuan tein monechikouaj? (Heb. 13:17.)

2) Keman israelitas yetoyaj taluakyan, ¿keniuj kinelnamiktiaya mojmostaj ika Jiova kinimakaya tein ika moixpanoltiskiaj? (Éxo. 16:14-16, 35; Deu. 8:2, 3.)

3) ¿Toni neskayot kitemakak Jesús keman ika tajtoj maná, uan keniuj techpaleuia nejin ‘takualis tein ualeuak iluikak’? (Juan 6:31-35, 40.)

2. Xikixtajtolti Josué 5:10-12.

¿Kanachi xiuit kikuajkej maná israelitas, keniuj moitak tein yekmelauj kinemiliayaj, uan toni technextilia nejin? (Éxo. 16:35; Núm. 11:4-6; 1 Cor. 10:10, 11.)

Tanojnots 35

Jiova kitemakak itanauatiluan

1. Ome metsti satepan keman israelitas kiskej Egipto, ¿kani motsakuilijkej?

2. ¿Toni kinekia Jiova maj kichiuanij israelitas, uan keniuj tanankilijkej?

3. ¿Keyej kimakak Jiova Moisés ome patauak tet?

4. Keman Jiova kitemakak Majtakti Tanauatilmej, ¿katiyejua okseki tanauatilmej kinimakak israelitas?

5. ¿Katiyejua ome tanauatilmej kijtoj Jesucristo ika okachi tayekantok?

Okseki netajtanilmej:

1. Xikixtajtolti Éxodo 19:1-25; 20:1-21; 24:12-18, uan 31:18.

¿Keniuj techpaleuia tajtolmej tein ijkuiliujtokej itech Éxodo 19:8, maj tikajsikamatikan tein kijtosneki se motemaktis iuan Jiova? (Mat. 16:24; 1 Ped. 4:1-3.)

2. Xikixtajtolti Deuteronomio 6:4-6; Levítico 19:18, uan Mateo 22:36-40.

Tein kichiuaj kemej Cristo, ¿keniuj kinextiaj imin netasojtalis iuan Dios uan taltikpakneminij? (Mar. 6:34; Hech. 4:20; Rom. 15:2.)

Tanojnots 36

Kuakuejkonet tachijchiuj ika oro

1. ¿Toni kichiujtokej israelitas tein moitaj itech nejin taixkopin, uan keyej?

2. ¿Keyej tel kualanik Jiova, uan toni kichiuak Moisés keman kiitak tein kichiujtoyaj israelitas?

3. ¿Toni kininauatij Moisés maj kichiuanij seki takamej?

4. ¿Toni technextilia tein mochiuak itech nejin tanojnots?

Okseki netajtanilmej:

1. Xikixtajtolti Éxodo 32:1-35.

1) Ika tein kichiujkej israelitas, ¿keniuj kinextia tein kimachilia Jiova komo se kimaneloua taneltokalis tein amo melauak ika taueyichiualis tein melauak? (Éxo. 32:4-6, 10; 1 Cor. 10:7, 11.)

2) Tein kichiuaj kemej Cristo, ¿keniuj moneki mopiaskej keman kijitaskej imin neixpetanilis, kemej tatsotsoj oso neijtotilis? (Éxo. 32:18, 19; Efe. 5:15, 16; 1 Juan 2:15-17.)

3) ¿Keniuj kitalijkej se kuali neskayot ichankauan Leví keman kipaleuijkej tein melauak? (Éxo. 32:25-28; Sal. 18:25.)

Tanojnots 37

Se kali tachijchiuj ika taken kampa taueyichiuayaj

1. ¿Keniuj motokaytia tein yetok itech taixkopin, uan toni ompa kichiuayaj?

2. ¿Keyej Jiova kiiluij Moisés maj kichijchiuani kali ika taken kemej amo ouij kikojkopinaskiaj?

3. ¿Keniuj motokaytia kaxon tein yetok ne takaltech itech cuartito tein moajsi itech tabernáculo, uan toni kipia?

4. ¿Akoni katka takat tein Jiova kijitak maj mochiuani tayekankej tiopixkat, uan toni tekit kichiuaya?

5. ¿Toni eyi taman yetok itech cuarto tein okachi ueyi tein kipia tabernáculo?

6. ¿Toni ome taman yetok iixpan tabernáculo, uan toni ompa kichiuayaj?

Okseki netajtanilmej:

1. Xikixtajtolti Éxodo 25:8-40; 26:1-37; 27:1-8, uan 28:1.

¿Toni kixneskayotijkej querubines tein yetoyaj ipan kaxon tein kixnextia netenkaualis? (Éxo. 25:20, 22; Núm. 7:89; 2 Rey. 19:15.)

2. Xikixtajtolti Éxodo 30:1-10, 17-21; 34:1, 2, uan Hebreos 9:1-5.

1) ¿Keyej kinajsikamatiltij Jiova tiopixkamej tein kitekitiliayaj itech tabernáculo, ika motelnekia mopajpakaskej, uan toni technextilia nejin? (Éxo. 30:18-21; 40:30, 31; Heb. 10:22.)

2) Itech tonalmej keman tatitanil Pablo kintajkuilouilij tokniuan hebreos, ¿keniuj kiteajsikamatiltij ika amo kualtiayaok tabernáculo niono Tanauatilmej tein Dios kinimakaka israelitas? (Heb. 9:1, 9; 10:1.)

Tanojnots 38

Majtaktiomome tapijpianij

1. ¿Keniuj tikita nejin majtsakal uvas tein moita itech taixkopin? ¿Kani kikuitoj?

2. ¿Keyej kintitanik Moisés majtaktiomome tapijpianij itech tal tein pouia Canaán?

3. ¿Toni kijtojkej majtakti tapijpianij keman mokepkej kampa yetoya Moisés?

4. ¿Keniuj kinextijkej ome tapijpianij ika takuaujtamatiaj iuan Jiova, uan keniuj motokaytijkej?

5. ¿Keyej kualanik Jiova, uan toni kiiluij Moisés?

Okseki netajtanilmej:

1. Xikixtajtolti Números 13:1-33.

1) ¿Akonimej kinijitakej maj kipijpiatij tal, uan toni uelik kiitakej? (Núm. 13:2, 3, 18-20.)

2) ¿Keyej Josué uan Caleb amo tanemiliayaj ijkon kemej okseki tapijpianij, uan toni technextilia nejin? (Núm. 13:28-30; Mat. 17:20; 2 Cor. 5:7.)

2. Xikixtajtolti Números 14:1-38.

1) ¿Keyej moneki maj techpaleui kemej se tanejmachtilis tein kichiujkej israelitas, keman kinijijtojkej takamej tein Jiova kinixtalijka maj taixyekanakan? (Núm. 14:2, 3, 27; Mat. 25:40, 45; 1 Cor. 10:10.)

2) ¿Keniuj kinextia Números 14:24 ika Jiova sejse iminka motekipachoua itekitikauan? (1 Rey. 19:18; Pro. 15:3.)

Tanojnots 39

Ikuouj Aarón xochiouak

1. ¿Akonimej kiixnamikkej itayekanalis Moisés uan Aarón, uan toni kiiluijkej Moisés?

2. ¿Toni Moisés kintajtanij Coré uan 250 itatojtokakauan?

3. ¿Toni kiniluij Moisés israelitas, uan toni mochiuak keman tamitajtoj?

4. ¿Toni kinpanok Coré uan 250 itatojtokakauan?

5. ¿Toni kichiuak Eleazar, ikoneuj Aarón, ika imin popochkaxiuj tein mikkej, uan keyej?

6. ¿Keyej kichiuak Jiova maj xochiouani ikuouj Aarón? (Xikita taixkopin.)

Okseki netajtanilmej:

1. Xikixtajtolti Números 16:1-49.

1) ¿Toni kichiujkej Coré uan itatojtokakauan, uan keyej kinextij nejon tachiualis ika kiixnamikiaj Jiova? (Núm. 16:9, 10, 18; Lev. 10:1, 2; Pro. 11:2.)

2) ¿Toni tanemilil tein amo melauak kipiakej Coré uan 250 ‘tein kinixyekanayaj israelitas’? (Núm. 16:1-3; Pro. 15:33; Isa. 49:7.)

2. Xikixtajtolti Números 17:1-11 uan 26:10.

1) ¿Toni kinextij keman ikuouj Aarón xochiouak, uan keyej kijtoj Jiova maj moeuani itech kaxon tein kixnextia netenkaualis? (Núm. 17:5, 8, 10.)

2) ¿Toni technextilia axkan tein mochiuak keman xochiouak ikuouj Aarón? (Núm. 17:10; Hech. 20:28; Fili. 2:14; Heb. 13:17.)

Tanojnots 40

Moisés kiuitekik tepejxit

1. ¿Keniuj kintekipanoj Jiova israelitas keman moajsiaj taluakyan?

2. ¿Toni amo kiuelitakej israelitas keman motsakuilijkej Qadés?

3. ¿Keniuj Jiova kinimakak at israelitas uan tapialmej?

4. ¿Akoni takat tein yetok itech taixkopin tein momajpiluijtok, uan keyej ijkon kichiujtok?

5. ¿Keyej Moisés uan Aarón kikualantijkej Jiova, uan keniuj kintatsakuiltij?

6. ¿Toni mochiuak itech tepet Hor, uan akoni mochiuak imin tayekankatiopixkauj israelitas?

Okseki netajtanilmej:

1. Xikixtajtolti Números 20:1-13, 22-29 uan Deuteronomio 29:5.

1) ¿Toni technextilia tikmatiskej ika Jiova kintekipanoj israelitas keman moajsiaj taluakyan? (Deu. 29:5; Mat. 6:31; Heb. 13:5; Sant. 1:17.)

2) ¿Keniuj kiitak Jiova keman Moisés uan Aarón amo yejua kiueyitalijkej iminixpan israelitas? (Núm. 20:12; 1 Cor. 10:12; Apo. 4:11.)

3) ¿Keniuj tanankilij Moisés keman kimejmelauak Jiova, uan toni technextilia axkan? (Núm. 12:3; 20:12, 27, 28; Deu. 32:4; Heb. 12:7-11.)

Tanojnots 41

Kouat tachijchiuj ika cobre

1. ¿Toni tetekuiniujtok itech kuouit tein moita itech taixkopin, uan keyej Jiova kiiluij Moisés maj kitaliani ompa?

2. ¿Keniuj kinextijkej israelitas ika amo motasojkamatiaj ika nochi tein Jiova kinimakaya?

3. ¿Toni kiiluijkej israelitas Moisés keman Jiova kintatsakuiltij ijkuak kintitanilij kouamej tein tekejtsomaj?

4. ¿Keyej Jiova kiiluij Moisés maj kichijchiuani se kouat ika cobre?

5. ¿Toni nemachtil techkauilia nejin tanojnots?

Okseki netajtanilmej:

1. Xikixtajtolti Números 21:4-9.

1) ¿Toni technejmachtia tein kichiujkej israelitas keman amo motasojkamatiaj ika nochi tein Jiova kinimakaya? (Núm. 21:5, 6; Rom. 2:4.)

2) Miak xiujmej satepan, ¿keniuj kikuikej israelitas kouat tachijchiuj ika cobre, uan toni kichiuak Ezequías? (Núm. 21:9; 2 Rey. 18:1-4.)

2. Xikixtajtolti Juan 3:14, 15.

Keman Moisés kitalij kouat tachijchiuj ika cobre itech se kuouit, ¿keniuj kinextij ika satepan kipiloskiaj Jesús itech se kuouit? (Gál. 3:13; 1 Ped. 2:24.)

Tanojnots 42

Se asna tajtoj

1. ¿Akoni katka Balac, uan keyej kitatitauij Balaam?

2. ¿Keyej motekak ojti iasna Balaam?

3. ¿Toni kitajtanij iasna Balaam?

4. ¿Toni se ángel kiiluij Balaam?

5. Keman Balaam kitemouaya kintejtelchiuas israelitas, ¿toni mochihuak?

Okseki netajtanilmej:

1. Xikixtajtolti Números 21:21-35.

¿Keyej tatankej israelitas keman moteuijkej iuan Sehón, imin tekiuaj amorreos, uan Og, tein tekiuajtia Basán? (Núm. 21:21, 23, 33, 34.)

2. Xikixtajtolti Números 22:1-40.

¿Keyej kitemouaya Balaam kintejtelchiuas israelitas, uan toni technextilia tein kichiuak? (Núm. 22:16, 17; Pro. 6:16, 18; 2 Ped. 2:15; Jud. 11.)

3. Xikixtajtolti Números 23:1-30.

Maski Balaam tajtouaya kemej se aksa tein kiueyichiua Jiova, ¿keniuj kinextij itachiualisuan ika amo melauj katka ijkon? (Núm. 23:3, 11-14; 1 Sam. 15:22.)

4. Xikixtajtolti Números 24:1-25.

Nejin tanojnots tein timomachtijkejya, ¿keniuj techpaleuia maj okachi titakuaujtamatikan ika Jiova kichiuas nochi tein kixtalijtok? (Núm. 24:10; Isa. 54:17.)

Tanojnots 43

Josué mochiuak tayekankej

1. ¿Akonimej ome takamej tein yetokej iuan Moisés tein moitaj itech taixkopin?

2. ¿Toni Jiova kiiluij Josué?

3. ¿Keyej tejkok Moisés ikuapan tepet Nebo, uan toni kiiluij Jiova?

4. ¿Kanachi xiuit kipiaya Moisés keman momikilij?

5. ¿Keyej tayokoxtoyaj israelitas, uan toni kinpaleuij maj yolpakikan?

Okseki netajtanilmej:

1. Xikixtajtolti Números 27:12-23.

¿Toni tekit tein motelnekia kimakak Jiova Josué, uan keniuj moita axkan ika Jiova iminka motekipachoua Itekitikauan? (Núm. 27:15-19; Hech. 20:28; Heb. 13:7.)

2. Xikixtajtolti Deuteronomio 3:23-29.

¿Keyej Jiova amo kinkauak Moisés uan Aarón, maj panokan itech tal tein motenkaujka kinimakas, uan toni technextilia nejin? (Deu. 3:25-27; Núm. 20:12, 13.)

3. Xikixtajtolti Deuteronomio 31:1-8, 14-23.

Tajtolmej tein Moisés kiniluij israelitas keman moyolojpachoj imiuan, ¿keniuj kinextij ika kiselij ika yolyemanilis maj Jiova kimejmelauani? (Deu. 31:6-8, 23.)

4. Xikixtajtolti Deuteronomio 32:45-52.

Keman tikixtajtoltiaj iTajtol Dios, ¿toni moneki techolinis maj tikchiuakan? (Deu. 32:47; Lev. 18:5; Heb. 4:12.)

5. Xikixtajtolti Deuteronomio 34:1-12.

Maski Moisés amo keman yekmelauj kiitak Jiova, ¿keniuj kinextia Deuteronomio 34:10 kemej mouikayaj? (Éxo. 33:11, 20; Núm. 12:8.)

Tanojnots 44

Rahab kintatij tapijpianij

1. ¿Kani nemia Rahab?

2. ¿Akonimej ome takamej tein moajsij itech taixkopin, uan keyej yetokej Jericó?

3. ¿Toni tanauatij takat tein tekiuajtia Jericó maj kiiluianij Rahab, uan toni tanankilij siuat?

4. ¿Keniuj kinpaleuij Rahab ome takamej, uan toni kualtakayot kintajtanij?

5. ¿Toni motenkaujkej ome tapijpianij iuan Rahab?

Okseki netajtanilmej:

1. Xikixtajtolti Josué 2:1-24.

Keman israelitas yajkej kixpolotoj Jericó, ¿keniuj mochiuak ijkon kemej Jiova motenkaujka tein ijkuiliujtok itech Éxodo 23:28? (Jos. 2:9-11.)

2. Xikixtajtolti Hebreos 11:31.

¿Keniuj kinextia neskayot tein kikauak Rahab ika motelneki tikpiaskej takuaujtamatilis? (Rom. 1:17; Heb. 10:39; Sant. 2:25.)

Tanojnots 45

Kipanauijkej ueyiat Jordán

1. ¿Toni mouiskatekit kichiuak Jiova uan ijkon israelitas ueliskiaj kipanauiskiaj ueyiat Jordán?

2. ¿Toni monekia kichiuaskej israelitas tein kinextiskia ika kipiayaj takuaujtamatilis, uan ijkon ueliskiaj kipanauiskiaj ueyiat Jordán?

3. ¿Keyej Jiova kiiluij Josué maj kisalouani doce temej tatajko ueyiat?

4. ¿Toni mochiuak keman tiopixkamej kiskej itech ueyiat?

Okseki netajtanilmej:

1. Xikixtajtolti Josué 3:1-17.

1) Kemej kinextia nejin tanojnots, ¿toni moneki tikchiuaskej uan ijkon uelis tikseliskej inepaleuil Jiova uan itatiochiualisuan? (Jos. 3:13, 15; Pro. 3:5; Sant. 2:22, 26.)

2) ¿Keniuj yetoya ueyiat Jordán keman kipanauijkej israelitas, uan ijkon ajsiskiaj itech Tal tein Dios motenkaujka kinimakas, uan keniuj nejin kiueyitalij itokay Jiova? (Jos. 3:15; 4:18; Sal. 66:5-7.)

2. Xikixtajtolti Josué 4:1-18.

¿Keyej kiololojkej 12 temej itech ueyiat Jordán uan kisalojkej Guilgal? (Jos. 4:4-7.)

Tanojnots 46

Tepamit tein kiyoualouaya Jericó

1. ¿Toni kininauatij Jiova maj kichiujtonij tateuianij uan tiopixkamej chikuasen tonal?

2. ¿Toni monekia kichiuaskej takamej itech chikometika tonal?

3. Kemej moita itech taixkopin, ¿toni kipanotok tepamit tein kiyoualoua Jericó?

4. ¿Keyej pilkatok se mekat chichiltik itech ventana?

5. ¿Toni kiniluij Josué tateuianij maj kinchiuilianij taltikpakneminij uan altepet, uan kani monekia kieuaskej plata, oro, cobre uan hierro?

6. ¿Toni kininauatijkej maj kichiuanij ome tapijpianij?

Okseki netajtanilmej:

1. Xikixtajtolti Josué 6:1-25.

1) Keman israelitas tayoualojkej itech altepet Jericó itech chikometika tonal, ¿keniuj no ijkon tamati imin tanojnotsalis itaixpantijkauan Jiova itech nejin itamian tonalmej? (Jos. 6:15, 16; Isa. 60:22; Mar. 13:10; 1 Cor. 9:16.)

2) ¿Keniuj mochiuak tein moijtojka itech Josué 6:26 kemej 500 xiujmej satepan, uan toni technextilia nejin ika tein Jiova kijtoua? (1 Rey. 16:34; Isa. 55:11.)

Tanojnots 47

Semej israelitas tachtekik

1. Kemej moita itech taixkopin, ¿akoni nejin takat kitaltoktok teisa tein tel patiyoj tein kikixtij Jericó, uan akonimej tein kipaleuiaj?

2. ¿Keyej amo auil tein kichiujkej Acán uan ichankauan?

3. ¿Toni tanankilij Jiova keman Josué kitajtanij keyej kintankej israelitas keman moteuitoj iuan Hai?

4. ¿Toni kinpanok Acán uan ichankauan keman kiniuikakej iixpan Josué?

5. Ika tein kipanok Acán, ¿toni technextilia axkan tein motelneki?

Okseki netajtanilmej:

1. Xikixtajtolti Josué 7:1-26.

1) ¿Keniuj kinextij inetataujtiluan Josué ika moyekuikaya iuan Jiova? (Jos. 7:7-9; Sal. 119:145; 1 Juan 5:14.)

2) ¿Toni technextilia tein kichiuak Acán uan tein kipanok, uan keyej techpaleuia kemej se tanejmachtilis? (Jos. 7:11, 14, 15; Pro. 15:3; 1 Tim. 5:24; Heb. 4:13.)

2. Xikixtajtolti Josué 8:1-29.

¿Toni moneki tikchiuaskej tisejsemej uan ijkon amo tikinkuejmolkalakiskej oloch tokniuan tein monechikouaj? (Jos. 7:13; Lev. 5:1; Pro. 28:13.)

Tanojnots 48

Gabaonitas tein katkaj tamatinij

1. ¿Keyej gabaonitas amo tanemiliayaj kemej cananeos tein nemiaj itech altepemej tein moajsiaj ompakauin?

2. Kemej tikita itech taixkopin, ¿toni kichiujkej gabaonitas, uan keyej?

3. ¿Toni motenkaujkej Josué uan tayekananij israelitas imiuan gabaonitas, sayoj ika toni kimatkej eyi tonal satepan?

4. ¿Toni mochiuak keman takamej tein tekiuajtiaj itech okseki altepemej, kikakkej ika gabaonitas mokuikej imiuan israelitas?

Okseki netajtanilmej:

1. Xikixtajtolti Josué 9:1-27.

1) Maski Jiova kininauatijka israelitas maj kinixpoloskiaj tein nemiaj Canaán, ¿toni ikualneskayouan kinextij keman kintapojpoluij gabaonitas? (Jos. 9:22, 24; Mat. 9:13; Hech. 10:34, 35; 2 Ped. 3:9.)

2) Keman Josué kichiuak ijkon kemej motenkaujka imiuan gabaonitas, ¿keniuj kinkauilij se kuali neskayot tein axkan kichiuaj kemej Cristo? (Jos. 9:18, 19; Mat. 5:37; Efe. 4:25.)

2. Xikixtajtolti Josué 10:1-5.

¿Keniuj no ijkon kichiuaj kemej gabaonitas itekitikauan Dios, uan ika nejon, toni kuejmol kipanouaj? (Jos. 10:4; Zac. 8:23; Mat. 25:35-40; Apo. 12:17.)

Tanojnots 49

Tonaltsin motsakuilij

1. Kemej moita itech taixkopin, ¿toni kijtojtok Josué, uan keyej?

2. ¿Keniuj Jiova kinpaleuij Josué uan itateuijkauan?

3. ¿Kanachi tekiuanij taixnamikinij kinixpoloj Josué, uan kanachi xiujmej kiuikilij?

4. ¿Keyej kichiuak Josué maj moxejxelouani tal tein pouia Canaán?

5. ¿Kanachi xiuit kipiaya Josué keman momikilij, uan toni kichiujkej israelitas satepan?

Okseki netajtanilmej:

1. Xikixtajtolti Josué 10:6-15.

¿Keniuj techpaleuia maj titakuaujtamatikan iuan Jiova, tikmatiskej ika Yej kitsakuilij Tonaltsin uan Metsti uan ijkon kinpaleuij israelitas? (Jos. 10:8, 10, 12, 13; Sal. 18:3; Pro. 18:10.)

2. Xikixtajtolti Josué 12:7-24.

¿Akoni tein melauj kinixpoloj 31 tekiuanij tein moajsiaj Canaán, uan keniuj techpaleuia axkan tikmatiskej nejin? (Jos. 12:7; 24:11-13; Deu. 31:8; Luc. 21:9, 25-28.)

3. Xikixtajtolti Josué 14:1-5.

¿Keniuj kinixejxelouilijkej tal kalyetouanij israelitas, uan toni kinextia nejin tein mochiuas ika talmej itech Xochital? (Jos. 14:2; Isa. 65:21; Eze. 47:21-23; 1 Cor. 14:33.)

4. Xikixtajtolti Jueces 2:8-13.

Ijkon kemej Josué kinpaleuij israelitas, ¿akonimej techpaleuiaj axkan maj amo timoixkepakan itech taneltokalis tein melauak, ta maj timopiakan? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apo. 1:1; 2:1, 2.)

Tanojnots 50

Ome siuamej yolchikaujkej

1. ¿Toni katkaj chiuanimej tamelauanij, uan keniuj motokaytijkej sekin?

2. ¿Toni tatiochiualis kipiak Débora tein sayoj yejua kiselij, uan toni tekit kichiuaya?

3. Keman tekiuaj Jabín uan Sísara tein kinixyekanaya tateuianij, kinekiaj kinteuiskej israelitas, ¿toni tanauatil tein Débora kiselij imako Jiova kimatiltij tamelaujkej Barac, uan kemej kijtoj Débora, akoni kiueyiitaskiaj?

4. ¿Keniuj kinextij Jael ika katka se siuat yolchikauak?

5. ¿Toni mochiuak keman kimiktijkej tekiuaj Jabín?

Okseki netajtanilmej:

1. Xikixtajtolti Jueces 2:14-22.

¿Keyej israelitas kikualantijkej Jiova, uan toni technextilia nejin? (Jue. 2:20; Pro. 3:1, 2; Eze. 18:21-23.)

2. Xikixtajtolti Jueces 4:1-24.

¿Toni kininextilia tokniuan siuamej, takuaujtamatilis uan yolchikaualis tein kipiakej Débora uan Jael? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Xikixtajtolti Jueces 5:1-31.

Ijkon kemej Barac uan Débora kijtojkej itech imin nekuikatil keman tatankej, ¿toni uelis titajtaniskej itech tonetataujtiluan maj mochiua itech neteuil Armagedón tein ualajtok? (Jue. 5:3, 31; 1 Cró. 16:8-10; Apo. 7:9, 10; 16:16; 19:19-21.)

Tanojnots 51

Rut uan Noemí

1. ¿Keyej mokaltalito Noemí itech tal tein pouia Moab?

2. ¿Akonimej katkaj Rut uan Orpá?

3. ¿Keniuj tanankilijkej Rut uan Orpá, keman Noemí kiniluij maj mokepanij itech imin altepeuj?

4. ¿Akoni katka Booz, uan keniuj kinpaleuij Rut uan Noemí?

5. ¿Keniuj motokaytij imin koneuj Booz uan Rut, uan keyej moneki tikelnamikiskej?

Okseki netajtanilmej:

1. Xikixtajtolti Rut 1:1-17.

1) ¿Toni kualtsitsin tajtolmej kijtoj Rut tein kinextij netasojtalis tein amo tekaua? (Rut 1:16, 17.)

2) Ijkon kemej Rut kinextij netasojtalis tein amo tekaua, ¿keniuj moita ika okseki ichkamej no ijkon kininextiliaj taijitalmej tein yetokejok nikan Taltikpak uan yatij iluikak? (Juan 10:16; Zac. 8:23.)

2. Xikixtajtolti Rut 2:1-23.

Ika tein kichiuak Rut, ¿keniuj kinkauilij se kuali neskayot ichpochmej tein axkan nemij? (Rut 2:17, 18; Pro. 23:22; 31:15.)

3. Xikixtajtolti Rut 3:5-13.

1) ¿Keniuj momachilij Booz (Boaz) keman Rut kinekik ika miak pakilis monamiktis iuan, uan amo iuan se tein okachi telpochok?

2) ¿Keniuj technextilia itachiualis Rut tein kijtosneki se kinextis netasojtalis tein amo tekaua? (Rut 3:10; 1 Cor. 13:4, 5.)

4. Xikixtajtolti Rut 4:7-17.

¿Keniuj no ijkon uelis kichiuaskej kemej Booz tokniuan takamej? (Rut 4:9, 10; 1 Tim. 3:1, 12, 13; 5:8.)

Tanojnots 52

Gedeón uan 300 takamej

1. ¿Itech toni ouijkayomej mokalakijkej israelitas, uan keyej?

2. ¿Keyej kiiluij Jiova Gedeón ika kinpiaya tel miakej takamej tateuianij?

3. ¿Kanachi takamej mokaujkej satepan keman Gedeón kintitanik iminchan tein mojkamej katkaj?

4. Kemej moita itech taixkopin, ¿keniuj kichiuak Jiova maj itateuijkauan Gedeón, mokauanij sayoj 300 takamej?

5. ¿Keniuj kinixejxeloj Gedeón 300 takamej, uan keniuj tatankej israelitas itech neteuil?

Okseki netajtanilmej:

1. Xikixtajtolti Jueces 6:36-40.

1) ¿Toni kichiuak Gedeón uan ijkon kiyekmatiskia katiyejua itanejnekilis Jiova?

2) ¿Keniuj uelis tikmatiskej axkan katiyejua itanejnekilis Jiova? (Pro. 2:3-6; Mat. 7:7-11; 2 Tim. 3:16, 17.)

2. Xikixtajtolti Jueces 7:1-25.

1) ¿Toni technextilia 300 takamej tein motachilijtoyaj keman atitoyaj, uan amo kemej oksekin tein amo motachilijtoyaj? (Jue. 7:3, 6; Rom. 13:11, 12; Efe. 5:15-17.)

2) Ijkon kemej 300 takamej kichiujkej tein kiitayaj kichiuaya Gedeón, ¿keniuj no ijkon moneki tikchiuaskej kemej technextilij Ueyi Gedeón, Jesucristo? (Jue. 7:17; Mat. 11:29, 30; 28:19, 20; 1 Ped. 2:21, NM.)

3) ¿Keniuj techpaleuia Jueces 7:21 maj timotemakakan ika miak pakilis tiktekitiliskej Jiova kampa yeski techtalis? (1 Cor. 4:2; 12:14-18; Sant. 4:10.)

3. Xikixtajtolti Jueces 8:1-3.

Ijkon kemej Gedeón kimelauak kuejmol imiuan efraimitas, ¿keniuj no ijkon moneki tikmelauaskej se kuejmol iuan se tokniuj? (Pro. 15:1; Mat. 5:23, 24; Luc. 9:48.)

Tanojnots 53

Jefté kichiuak se netenkaualis

1. ¿Akoni katka Jefté, uan toni mochiujtoya keman yej nemia?

2. ¿Toni motenkauak Jefté iuan Jiova?

3. ¿Keyej motayokoltij Jefté keman mokepak ichan satepan keman kintanik amonitas?

4. ¿Toni kijtoj iichpoch Jefté keman kimatik tein motenkaujka ipopaj?

5. ¿Keyej israelitas kitasojtayaj iichpoch Jefté?

Okseki netajtanilmej:

1. Xikixtajtolti Jueces 10:6-18.

¿Keniuj techpaleuia kemej se tanejmachtilis, tikmatiskej tein kipanouayaj israelitas keman kikauayaj Jiova? (Jue. 10:6, 15, 16; Rom. 15:4; Apo. 2:10.)

2. Xikixtajtolti Jueces 11:1-11, 29-40.

1) ¿Keniuj tikmatij, keman Jefté kijtoj ika kitemakaskia iichpoch kemej se nemaktil tachichinol, amo kijtosnekia ika kitemakaskia maj kichichinokan kemej se netetayokolil? (Jue. 11:31; Lev. 16:24; Deu. 18:10, 12.)

2) ¿Toni kijtosnekia keman Jefté kitemakak iichpoch kemej se netetayokolil?

3) ¿Toni technextilia tikmatiskej tein kichiuak Jefté ika tein motenkaujka iuan Jiova? (Jue. 11:35, 39; Ecl. 5:4, 5; Mat. 16:24.)

4) Ijkon kemej kichiuak iichpoch Jefté, ¿keniuj no ijkon uelis tokniuan telpochmej uan ichpochmej motemakaskej okachiok kitekitiliskej Jiova? (Jue. 11:36; Mat. 6:24; Fili. 3:8.)

Tanojnots 54

Takat tein okachi chikauak

1. ¿Keniuj motokaytij takat tein okachi chikauak katka, uan akoni kimakak chikaualis?

2. Kemej moita itech taixkopin, ¿toni kichiuilij se tonal Sansón se tekuani?

3. Kemej moita itech taixkopin, ¿toni Sansón kitapouijtok Dalila tein amo monekia kijtos, uan keyej kichiuak nejon maj kikitskianij filisteos?

4. ¿Keniuj kinimiktij Sansón 3,000 filisteos taixnamikinij keman yej momikilij?

Okseki netajtanilmej:

1. Xikixtajtolti Jueces 13:1-14.

¿Keyej Manóah uan inamik kinkauilijkej se kuali neskayot tetatmej kemej moneki kiniskaltiskej imin koneuan? (Jue. 13:8; Sal. 127:3; Efe. 6:4.)

2. Xikixtajtolti Jueces 14:5-9 uan 15:9-16.

1) Keman Sansón kimiktij se tekuani, kikokototsak yankuik tamalin tein ika kilpijkaj uan kinimiktij 1,000 takamej ika ikamachalomiyo se asno, ¿keniuj kinextia nejin kemej tekiti iyektikatsin espíritu Jiova?

2) ¿Keniuj techpaleuia axkan yektikatsin espíritu? (Jue. 14:6; 15:14; Zac. 4:6; Hech. 4:31.)

3. Xikixtajtolti Jueces 16:18-31.

¿Keniuj kiijtakoj Sansón keman mokuik imiuan tein amo katkaj kuali tasojiknimej, uan toni technextilia nejin? (Jue. 16:18, 19; 1 Cor. 15:33.)

Tanojnots 55

Se konet kitekitilij Dios

1. ¿Keniuj motokaytia konet tein yetok itech taixkopin, uan akonimej oksekin?

2. Keman Ana yajki tabernáculo, ¿toni tajtanik itech inetataujtil, uan keniuj kinankilij Jiova?

3. ¿Kanachi xiuit kipiaya Samuel keman kiuikakej itech tabernáculo maj kitekitiliti Jiova, uan toni kichijchiuiliaya imomaj xijxiujtika?

4. ¿Keniuj motokaytijkej ikoneuan Elí, uan toni kichiuayaj?

5. ¿Keniuj kinotsak Jiova Samuel, uan toni tanauatil kimakak?

6. ¿Toni mochiuako Samuel keman moskaltij, uan toni mochiuak keman ueuentsintiak?

Okseki netajtanilmej:

1. Xikixtajtolti 1 Samuel 1:1-28.

1) Ijkon kemej Elqaná kinixyekanak ichankauan ika taueyichiualis tein melauak, ¿keniuj kinkauilij se kuali neskayot tetatmej? (1 Sam. 1:3, 21; Mat. 6:33, NM; Fili. 1:10.)

2) ¿Toni technextilia tikmatiskej kemej kiixnamikik Ana se kuejmol tein tel ouij? (1 Sam. 1:10, 11; Sal. 55:22; Rom. 12:12.)

2. Xikixtajtolti 1 Samuel 2:11-36.

¿Keniuj Elí okachi kintasojtak ikoneuan uan amo Jiova, uan toni technejmachtia nejin? (1 Sam. 2:22-24, 27, 29; Deu. 21:18-21; Mat. 10:36, 37.)

3. Xikixtajtolti 1 Samuel 4:16-18.

¿Toni naui amo kuali tanauatilmej kiiluijkej Elí tein mochiuak kampa moteuijtoyaj, uan toni kipanok keman kikakik?

4. Xikixtajtolti 1 Samuel 8:4-9.

¿Keniuj israelitas kikualantijkej Jiova, uan keniuj axkan uelis senkis tikpaleuiskej itekiuajyo Dios? (1 Sam. 8:5, 7; Juan 17:16; Sant. 4:4.)

Tanojnots 56

Saúl yekinika imin tekiuaj israelitas

1. Kemej moita itech taixkopin, ¿toni kichiujtok Samuel, uan keyej?

2. ¿Keyej Saúl kiyolpaktij Jiova, uan keniuj katka?

3. ¿Keniuj motokaytij ikoneuj Saúl, uan toni kichiuak?

4. ¿Keyej kinchichinoj tapialmej Saúl uan amo mochiak maj Samuel kichiuani?

5. ¿Toni technextilia tein kichiuak Saúl?

Okseki netajtanilmej:

1. Xikixtajtolti 1 Samuel 9:15-21 uan 10:17-27.

¿Keniuj kipaleuij iyolyemanilis Saúl, maj amo ijsiujka mokualantiani keman seki takamej kijijtojkej? (1 Sam. 9:21; 10:21, 22, 27; Pro. 17:27.)

2. Xikixtajtolti 1 Samuel 13:5-14.

Keman Saúl moajsia Guilgal, ¿toni tajtakol kichiuak ompa? (1 Sam. 10:8; 13:8, 9, 13.)

3. Xikixtajtolti 1 Samuel 15:1-35.

1) ¿Toni ueyi tajtakol kichiuak Saúl keman kikitskijkaya Agag, tein tekiuajtia Amaleq? (1 Sam. 15:2, 3, 8, 9, 22.)

2) ¿Keniuj kitemoj Saúl motenpaleuis, uan kinpantis oksekin ika nochi tein kichiuak? (1 Sam. 15:24.)

3) ¿Toni tanejmachtilis moneki tikelnamikiskej keman techyolmajxitiskej? (1 Sam. 15:19-21; Sal. 141:5; Pro. 9:8, 9; 11:2.)

Tanojnots 57

Dios kijitak David

1. ¿Keniuj motokaytia konet tein yetok itech taixkopin, uan keniuj tikmatij ika katka yolchikauak?

2. ¿Kani nemia David, uan keniuj motokaytij ipopaj uan iueyitat?

3. ¿Keyej Jiova kiiluij Samuel maj yani Belén, ichan Isaí?

4. ¿Toni mochiuak keman Isaí kiniuikilij Samuel chikome ikoneuan?

5. ¿Toni kiiluij Jiova Samuel keman kiuikilijkej David?

Okseki netajtanilmej:

1. Xikixtajtolti 1 Samuel 17:34, 35.

Ika tein kichiuak David, ¿keniuj kinextij ika katka yolchikauak uan takuaujtamatia iuan Jiova? (1 Sam. 17:37.)

2. Xikixtajtolti 1 Samuel 16:1-14.

1) ¿Keniuj itajtoluan Jiova tein ijkuiliujtokej itech 1 Samuel 16:7, techpaleuia maj amo titachichikouikan niono maj titaijijtokan sayoj ika tein moita tapani? (Hech. 10:34, 35; 1 Tim. 2:4.)

2) Ika tein kipanok Saúl, ¿keniuj kinextia ika keman Jiova kikuilia aksa iyektikatsin espíritu, uelis moixpatas ika se amo kuali espíritu tein kiolinis itech iyolo maj kichiua tein amo kuali? (1 Sam. 16:14; Mat. 12:43-45; Gál. 5:16.)

Tanojnots 58

David uan Goliat

1. ¿Keniuj kinpejpeualtiaya Goliat tateuianij israelitas?

2. ¿Kanachi ika uejkapantik katka Goliat, uan toni kimakaskia Saúl takat tein kimiktiskia?

3. ¿Keniuj tanankilij David, keman Saúl kiiluij ika katka konetok uan amo ueliskia moteuiskia iuan Goliat?

4. Keman David kinankilij Goliat, ¿keniuj kinextij ika takuaujtamatia iuan Jiova?

5. Kemej moita itech taixkopin, ¿toni ika kimiktij David Goliat, uan toni kinpanok filisteos satepan?

Okseki netajtanilmej:

1. Xikixtajtolti 1 Samuel 17:1-54.

1) ¿Keyej tel yolchikauak David katka, uan keniuj no ijkon uelis timochiuaskej tiyolchikaujkej? (1 Sam. 17:37, 45; Efe. 6:10, 11.)

2) Tein kichiuaj kemej Cristo, ¿keyej maj amo kitelnejnekikan motataniskej, kemej kichiuak Goliat, ijkuak mauiltiskej oso teuantiskej itech okse taman neixpetanilis? (1 Sam. 17:8; Gál. 5:26; 1 Tim. 4:8.)

3) ¿Keniuj kinextij itajtoluan David ika takuaujtamatia ika Dios kipaleuiskia? (1 Sam. 17:45-47; 2 Cró. 20:15.)

4) Keman moteuijkej filisteos imiuan israelitas, ¿keniuj kinextia nejin tanojnots ika tein yekmelauj moteuijkej, katkaj tiotsitsin iuan Dios tein melauak, Jiova? (1 Sam. 17:43, 46, 47.)

5) Ijkon kemej David kinextij ika takuaujtamatia iuan Jiova, ¿keniuj no ijkon kinextiaj taijitalmej tein yetokejok nikan Taltikpak uan yatij iluikak? (1 Sam. 17:37; Jer. 1:17-19; Apo. 12:17.)

Tanojnots 59

Keyej choloj David

1. ¿Keyej Saúl kinexikoluiaya David, uan keniuj taman katka ikoneuj Jonatán?

2. ¿Toni mochiuak se tonal keman David kitatsotsonilijtoya Saúl?

3. ¿Toni kijtoj Saúl ika monekia kichiuas David achtopa keman monamiktiskia iuan iichpoch Mical, uan keyej kijtoj nejon?

4. Kemej moita itech taixkopin, ¿toni ika expa kichiuak Saúl, tonal keman David kitsotsoniliaya arpa?

5. ¿Keniuj Mical kimakixtij David, uan toni monekia kichiujtinemis chikome xiuit?

Okseki netajtanilmej:

1. Xikixtajtolti 1 Samuel 18:1-30.

1) Ijkon kemej Jonatán uan David nochipa moteltasojtakej, ¿keniuj no ijkon moteltasojtaj ‘okseki ichkamej’ imiuan ‘amo ueyi oloch ichkamej’? (1 Sam. 18:1; Juan 10:16; Luc. 12:32, NM; Zac. 8:23.)

2) Maski Jonatán kinamikia mochiuas tekiuaj satepan keman Saúl momikiliskia, ¿keniuj kinextia tein kijtoua 1 Samuel 18:4 ika yej kinextilij ueyi poujkaitalis akin Jiova kijitaka maj mochiuaskia tekiuaj?

3) ¿Keniuj kinextia tein kichiuak Saúl, ika nexikolot uelis techuikas maj tikchiuakan uejueyi tajtakolmej, uan toni technejmachtia nejin? (1 Sam. 18:7-9, 25; Sant. 3:14-16.)

2. Xikixtajtolti 1 Samuel 19:1-17.

¿Keyej ueliskia kipoloskia inemilis Jonatán keman kinojnotsato taixnamikkej Saúl? (1 Samuel 19:1, 4-6; Prov. 16:14.)

Tanojnots 60

Abigail uan David

1. Kemej moita itech taixkopin, ¿keniuj motokaytia siuat tein kiitaki David, uan keniuj moixmati siuat?

2. ¿Akoni katka Nabal?

3. ¿Keyej kintitanik David seki takamej maj kiontajtanianij Nabal se kualtakayot?

4. ¿Toni kininankilij Nabal itekitikauan David, uan keniuj tanankilij David?

5. ¿Keniuj kinextij Abigail ika katka se siuat tamatkej?

Okseki netajtanilmej:

1. Xikixtajtolti 1 Samuel 22:1-4.

¿Toni se kuali neskayot techkauilijkej ichankauan David kemej moneki timopaleuiskej tioloch tokniuan? (Pro. 17:17; 1 Tes. 5:14.)

2. Xikixtajtolti 1 Samuel 25:1-43.

1) ¿Keyej kitenkuij Nabal ika tein amo kuali? (1 Sam. 25:2-5, 10, 14, 21, 25.)

2) ¿Toni se kuali neskayot kinkauilij Abigail tokniuan siuamej tein kipiaj imin namik? (1 Sam. 25:32, 33; Pro. 31:26; Efe. 5:24.)

3) ¿Toni ome taman tein amo kuali kitsakuiltij Abigail maj amo kichiuani David? (1 Sam. 25:31, 33; Rom. 12:19; Efe. 4:26.)

4) Ijkon kemej David kikakik itajtoluan Abigail, ¿keniuj kinpaleuia takamej maj kinitakan siuamej ijkon kemej Jiova kinita? (Hech. 21:8, 9; Rom. 2:11; 1 Ped. 3:7.)

Tanojnots 61

David mochiuak tekiuaj

1. ¿Toni kichiujkej David uan Abisai keman Saúl kochtoya?

2. ¿Toni netajtanilmej David kichiuilij Saúl?

3. ¿Kani yajki David satepan keman tajtoj iuan Saúl?

4. ¿Keyej moteltayokoltij David uan kijkuiloj se kualtsin nekuikatil?

5. ¿Kanachi xiuit kipiaya David keman kitalijkej maj mochiuani tekiuaj Hebrón, uan keniuj motokaytijkej sekin ikoneuan?

6. ¿Kani tekiuajtik David satepan?

Okseki netajtanilmej:

1. Xikixtajtolti 1 Samuel 26:1-25.

1) Kemej moita itech 1 Samuel 26:11, ¿keniuj kiitaya David akin Jiova kijitaka? (Sal. 37:7; Rom. 13:2.)

2) Komo timochikauaj ika nochi toyolo tiknextiliskej kualtakayot uan netasojtalis aksa uan amo techtasojkamatilia, ¿keniuj uelis techpaleuis itajtoluan David tein ijkuiliujtokej itech 1 Samuel 26:23 maj tiksentokakan tiknextijtokan? (1 Rey. 8:32; Sal. 18:20.)

2. Xikixtajtolti 2 Samuel 1:26.

Tein kichiuaj kemej Cristo, ¿keniuj uelis monextiliskej se ueyi netasojtalis se ika okse, ijkon kemej David uan Jonatán monextilijkej? (1 Ped. 4:8; Col. 3:14; 1 Juan 4:12.)

3. Xikixtajtolti 2 Samuel 5:1-10.

1) ¿Kanachi xiuit tekiuajtik David, kajkani tekiuajtik uan kajkanachi xiuit? (2 Sam. 5:4, 5.)

2) ¿Keyej uelik mochiuak ueyi David, uan toni techelnamiktia axkan? (2 Sam. 5:10; 1 Sam. 16:13; 1 Cor. 1:31, NM; 2 Cor. 4:7.)

Tanojnots 62

Onkaya tajyouilis ichan David

1. Ika inepaleuil Jiova, ¿toni mochiuak ika talmej tein pouia Canaán?

2. ¿Toni mochiuak se tiotak, keman David yetoya kalkuako itech ikaltekiuaj?

3. ¿Keyej David kitelkualantij Jiova?

4. Kemej moita itech taixkopin, ¿akoni takat tein Jiova kititanik maj kiiluiani David nochi tajtakolmej tein kichiuak, uan toni kiiluij ika kipanoskia?

5. ¿Toni ouijkayomej kipanok David?

6. ¿Akoni mochiuak imin tekiuaj israelitas, satepan keman David momikilij?

Okseki netajtanilmej:

1. Xikixtajtolti 2 Samuel 11:1-27.

1) ¿Keniuj techpaleuia nochipa tiktekitilijtoskej Jiova?

2) ¿Toni kiuikak maj tajtakouani David, uan toni technejmachtia axkan tein tiktekitiliaj Jiova? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. Xikixtajtolti 2 Samuel 12:1-18.

1) ¿Toni kininextilia tokniuan ueuentsitsin uan tetatmej kemej Natán kiyolmajxitij David? (2 Sam. 12:1-4; Pro. 12:18; Mat. 13:34.)

2) ¿Keyej kinextilij Jiova teiknelilis David? (2 Sam. 12:13; Sal. 32:5; 2 Cor. 7:9, 10.)

Tanojnots 63

Salomón se tekiuaj tamatkej

1. ¿Toni netajtanil kichiuilij Jiova Salomón, uan keniuj tanankilij Salomón?

2. Kemej Jiova kiyolpaktij tein tajtanik Salomón, ¿toni motenkauak ika kimakaskia?

3. ¿Toni kuejmol tel ouij kiiluitoj Salomón ome siuamej?

4. Kemej moita itech taixkopin, ¿keniuj kimelauak kuejmol Salomón?

5. ¿Keniuj katka itekiuajyo Salomón, uan keyej?

Okseki netajtanilmej:

1. Xikixtajtolti 1 Reyes 3:3-28.

1) Tajtolmej tein Salomón kijtoj ika nochi iyolo tein ixnesi itech 1 Reyes 3:7, ¿toni kininextilia takamej tein Jiova kinixtalia maj taixyekanakan? (Sal. 119:105; Pro. 3:5, 6.)

2) Ika tein Salomón tajtanik, ¿toni technextilia ika uelis titajtaniskej itech tonetataujtiluan? (1 Rey. 3:9, 11; Pro. 30:8, 9; 1 Juan 5:14.)

3) Ijkon kemej Salomón kimelauak kuejmol tein kipiayaj ome siuamej, ¿toni takuaujtamatilis techmaka nejin, ijkuak tekiuajtis Ueyi Salomón, Jesucristo? (1 Rey. 3:28; Isa. 9:6, 7; 11:2-4.)

2. Xikixtajtolti 1 Reyes 4:29-34.

1) ¿Keniuj kinankilij Jiova Salomón, keman kitataujtij maj kimakani se iyolo tatakamatkej? (1 Rey. 4:29.)

2) Ijkon kemej mochikaujkej taltikpakneminij kikakitiuij itamatilis Salomón, ¿keniuj moneki tikitaskej tonemachtil ika iTajtol Dios? (1 Rey. 4:29, 34; Juan 17:3; 2 Tim. 3:16.)

Tanojnots 64

Salomón kichijchiuak templo

1. ¿Kanachi xiujmej kiuikilij Salomón kitamichijchiuas templo, uan keyej kiuikak miak tomin?

2. ¿Kanachi cuartos kipiaya templo, uan toni kitalijkej itech cuarto tein moajsia takaltech?

3. Keman matankej templo, ¿toni kijtoj Salomón itech inetataujtil?

4. ¿Keniuj kinextij Jiova ika kiyolpaktij inetataujtil Salomón?

5. ¿Toni kichiualtijkej inamikuan Salomón, uan toni kipanok?

6. ¿Keyej Salomón kikualantij Jiova, uan toni kiiluij?

Okseki netajtanilmej:

1. Xikixtajtolti 1 Crónicas 28:9, 10.

Kemej ixnesi itajtoluan David tein ijkuiliujtokej itech 1 Crónicas 28:9, 10, ¿toni moneki timochikauaskej tikchiuaskej mojmostaj itech tonemilis? (Sal. 19:14; Fili. 4:8, 9.)

2. Xikixtajtolti 2 Crónicas 6:12-21, 32-42.

1) ¿Keniuj kinextij Salomón ika niose ueyi kali tamachijchiuj uelis ompa mokalotis Ueyichiujkej Jiova? (2 Cró. 6:18; Hech. 17:24, 25.)

2) ¿Toni technextilia itajtoluan Salomón tein ijkuiliujtokej itech 2 Crónicas 6:32, 33, kemej Jiova kinita taltikpakneminij? (Hech. 10:34, 35; Gál. 2:6.)

3. Xikixtajtolti 2 Crónicas 7:1-5.

Ijkon kemej israelitas kinolinij maj kiueyichiuanij Jiova keman kiitakej tanex tein kitauilij templo, ¿toni moneki techolinis maj tikchiuakan keman tikitaj ika Jiova kintatiochiuia itekitikauan? (2 Cró. 7:3; Sal. 22:22; 34:1; 96:2.)

4. Xikixtajtolti 1 Reyes 11:9-13.

¿Keniuj kinextia tein kipanok Salomón itech inemilis, ika motelneki maj amo keman tikauakan Jiova? (1 Rey. 11:4, 9; Mat. 10:22; Apo. 2:10.)

Tanojnots 65

Tekiuajyot moxeloj

1. ¿Keniuj motokaytiaj ome takamej tein yetokej itech taixkopin, uan akonimej?

2. ¿Toni kichiuilij Ahíya itaken tein kiuikaya, uan toni kijtosnekia tein kichiuak?

3. ¿Toni Salomón kichiuilisnekia Jeroboán?

4. ¿Keyej kichiujkej israelitas maj Jeroboán kinixyekanani majtakti kalyetouanij?

5. ¿Keyej kinchijchiuak Jeroboán ome kuakuejkonemej ika oro, uan toni mochiuak satepan?

6. ¿Toni kinpanok ome kalyetouanij tein kinixyekanaya Roboam uan itemplo Jiova tein moajsia Jerusalén?

Okseki netajtanilmej:

1. Xikixtajtolti 1 Reyes 11:26-43.

¿Keniuj katka Jeroboán, uan toni kimakaskia Jiova komo kitakamatiskia Itanauatiluan? (1 Rey. 11:28, 38.)

2. Xikixtajtolti 1 Reyes 12:1-33.

1) Ijkon kemej Roboam (Rehoboam) amo kiyektekitiltij tanauatil tein kipiaya, ¿toni kininextilia tetatmej uan tokniuan ueuentsitsin? (1 Rey. 12:13; Ecl. 7:7; 1 Ped. 5:2, 3.)

2) Keman telpochmej uan ichpochmej kinemiliskej kichiuaskej teisa tein motelneki itech imin nemilis, ¿kani moneki kitemoskej se kuali yolmajxitilis? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

3) ¿Keyej Jeroboán kitalij ojkan kampa kiniueyichiuaskiaj kuakuejkonemej, uan keniuj kinextij tein kichiuak ika amo nenken takuaujtamatia iuan Jiova? (1 Rey. 11:37; 12:26-28.)

4) ¿Akoni yekinika kinchiualtij majtakti kalyetouanij maj kikauanij taueyichiualis tein melauak? (1 Rey. 12:32, 33.)

Tanojnots 66

Siuatekiuaj Jezabel tel amo yolkuali

1. ¿Akoni katka Jezabel?

2. ¿Keyej tayokoxtoya tekiuaj Acab se tonal?

3. ¿Toni kichiuak Jezabel uan ijkon kiaxkatiliskia inamik Acab iuvajtal Nabot?

4. ¿Akoni kititanik Jiova maj kitatsakuiltiti Jezabel?

5. Kemej moita itech taixkopin, ¿toni mochiuak keman Jehú ajsik itech ikaltekiuaj Jezabel?

Okseki netajtanilmej:

1. Xikixtajtolti 1 Reyes 16:29-33 uan 18:3, 4.

¿Keniuj katkaj imin tachiualisuan israelitas tein amo kuali keman tekiuajtitoya Acab? (1 Rey. 16:33.)

2. Xikixtajtolti 1 Reyes 21:1-16.

1) ¿Keniuj kinextij Nabot yolchikaualis uan tatakamatilis iuan Jiova? (1 Rey. 21:1-3; Lev. 25:23-28.)

2) Ika tein kipanok Acab, ¿toni technextilia tein moneki tikchiuaskej keman amo tikseliskej tein tikchiayaj? (1 Rey. 21:4; Rom. 5:3-5.)

3. Xikixtajtolti 2 Reyes 9:30-37.

¿Toni technextilia kemej Jehú kichiuak itanejnekilis Jiova ika se chauatilis tein chipauak? (2 Rey. 9:4-10; 2 Cor. 9:1, 2; 2 Tim. 4:2.)

[Tajtolmej]

Tanojnots 67

Josafat takuaujtamatik iuan Jiova

1. ¿Akoni katka Josafat, uan akonimej katkaj iuampoyuan?

2. ¿Keyej momoujtiayaj israelitas, uan toni kichiujkej miakej?

3. ¿Keniuj kinankilij Jiova inetataujtil Josafat?

4. ¿Toni kichiuak Jiova achtopa keman ajsiskiaj israelitas kampa moteuiskiaj?

5. ¿Toni technextilia tein kichiuak Josafat?

Okseki netajtanilmej:

1. Xikixtajtolti 2 Crónicas 20:1-30.

1) ¿Keniuj kinextij Josafat (Jehosafat) tein moneki kichiuaskej itekitikauan Dios keman kintemojmoujtiskej? (2 Cró. 20:12; Sal. 25:15; 62:1.)

2) Kemej Jiova nochipa kikui aksa maj kinimatilti teisa itekitikauan, ¿akonimej kintekitiltia axkan? (2 Cró. 20:14, 15; Mat. 24:45-47; Juan 15:15.)

3) Keman Jiova kipeualtis ‘neteuil itech iueyi tonal Dios tein kipia Nochiuelilis’, ¿keniuj ijkuitik tikpanoskej kemej Josafat? (2 Cró. 20:15, 17; 32:8; Apo. 16:14, 16.)

4) Ijkon kemej kichiujkej levitas, ¿keniuj tapaleuiaj tayekananij ika tanojnotsalis uan tein tanojnotsatij itech okseki uejueyi altepemej, maj semanauak motetapoui kuali tanauatilmej? (2 Cró. 20:19, 21; Rom. 10:13-15; 2 Tim. 4:2.)

Tanojnots 68

Ome konemej oksepa nenkej

1. ¿Akonimej eyi taltikpakneminij tein yetokej itech taixkopin, uan toni kipanok konet se tonal?

2. ¿Toni tajtanik Elías itech inetataujtil maj kichiuiliani Jiova konet, uan toni mochiuak satepan?

3. ¿Keniuj motokaytij itapaleuijkauj Elías?

4. ¿Keyej kitatitauijkej Eliseo maj yani ichan siuat tein nemia Sunem?

5. ¿Toni kichiuak Eliseo, uan toni kipanok konet tein momikilijka?

6. ¿Toni ueli kichiua Jiova, ijkon kemej kinextij imin techkopa Elías uan Eliseo?

Okseki netajtanilmej:

1. Xikixtajtolti 1 Reyes 17:8-24.

1) ¿Keniuj motalij itech tayejyekolis itatakamatilis uan itakuaujtamatilis Elías? (1 Rey. 17:9; 19:1-4, 10.)

2) ¿Keniuj kinextij se ueyi takuaujtamatilis siuat tein katka kayot Sarepta tein amo nemiaok inamik? (1 Rey. 17:12-16; Luc. 4:25, 26.)

3) Ika tein kipanok siuat tein katka kayot Sarepta tein amo nemiaok inamik, ¿keniuj kinextij ika katka melauj itajtoluan Jesús tein ijkuiliujtokej itech Mateo 10:41, 42? (1 Rey. 17:10-12, 17, 23, 24.)

2. Xikixtajtolti 2 Reyes 4:8-37.

1) Ika tein kichiuak siuat tein nemia Sunem, ¿toni technextilia ika moneki tikchiuaskej keman aksa techkalpanoua? (2 Rey. 4:8; Luc. 6:38; Rom. 12:13; 1 Juan 3:17.)

2) ¿Toni tachiualismej tein kuali uelis tikinchiuiliskej itekitikauan Dios axkan tonalmej? (Hech. 20:35; 28:1, 2; Gál. 6:9, 10; Heb. 6:10.)

Tanojnots 69

Siuapil kipaleuij se tayekankej

1. Kemej moita itech taixkopin, ¿toni siuapil kiiluijtok siuat?

2. ¿Akoni siuat tein yetok itech taixkopin, uan keyej siuapil yetok ichan siuat?

3. ¿Toni kinauatij Eliseo itekitikauj maj kiiluiani Naamán, uan keyej kualanik Naamán?

4. ¿Toni mochiuak keman Naamán kintajtolkakik itekitikauan?

5. ¿Keyej amo kiselij Eliseo inetetayokolil Naamán, sayoj ika toni kichiuak Guehazí?

6. ¿Toni kipanok Guehazí, uan toni technextilia tein kipanok?

Okseki netajtanilmej:

1. Xikixtajtolti 2 Reyes 5:1-27.

1) ¿Keniuj uelis kiniyolchikauas telpochmej uan ichpochmej neskayot tein kikauak siuapil israelita? (2 Rey. 5:3; Sal. 8:2; 148:12, 13.)

2) ¿Keyej semi kuali maj tikelnamikikan neskayot tein kikauak Naamán, keman techmakaskej se neyolmajxitilis tein motaksaltia itech Biblia? (2 Rey. 5:15; Heb. 12:5, 6; Sant. 4:6.)

3) ¿Toni technextilia tikitaskej tataman neskayomej tein kikaujkej Eliseo uan Guehazí? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

Tanojnots 70

Jonás uan ueyi amichij

1. ¿Akoni katka Jonás, uan toni kinauatijka Jiova?

2. Kemej Jonás amo kinekik yas kampa Jiova kititania, ¿toni kichiuak?

3. ¿Toni kiniluij Jonás maj kichiuanij tein yayaj itech barco uan ijkon motsakuiliskia kiouaejekat?

4. Kemej moita itech taixkopin, ¿toni mochiuak keman Jonás pankalakik?

5. ¿Kanachi tonal uan youal yetoya Jonás iijtik ueyi amichij, uan toni kichiuak ompa?

6. ¿Kani yajki Jonás satepan keman kijsotak ueyi amichij, uan toni technextilia nejin?

Okseki netajtanilmej:

1. Xikixtajtolti Jonás 1:1-17.

¿Toni moajsikamati ika moluiaya Jonás keman Jiova kititanik maj kininojnotsati ninivitas? (Jon. 1:2, 3; Pro. 3:7; Ecl. 8:12.)

2. Xikixtajtolti Jonás 2:1, 2, 10.

¿Keniuj technextilia tein kipanok Jonás ika uelis titakuaujtamatiskej ika Jiova kinankilis tonetataujtiluan? (Sal. 22:24; 34:6; 1 Juan 5:14.)

3. Xikixtajtolti Jonás 3:1-10.

1) ¿Keniuj techyolchikaua tikmatiskej ika Jiova kisentokak kitekitiltij Jonás maski yekinika amo kitakamatik tein kinauatijka? (Sal. 103:14; 1 Ped. 5:10.)

2) Ijkon kemej Jonás kinpialiaya se tanemilil tein amo kuali ninivitas, ¿keyej maj amo ijkon tikinitakan taltikpakneminij kampa titanojnotsaj? (Jon. 3:6-9; Ecl. 11:6; Hech. 13:48.)

Tanojnots 71

Dios motenkauak kichiuas se xochital

1. ¿Akoni katka Isaías, kemanian nemik, uan toni kinextilij Jiova?

2. ¿Keniuj moixmati xochital, uan toni techelnamiktia?

3. ¿Toni Jiova kiiluij Isaías maj kijkuilouani kemej eski yankuik Xochital?

4. ¿Keyej kipolojkej Adán uan Eva xochital kampa nemiaj?

5. ¿Toni motenkaua Jiova kinimakas tein kitasojtaj?

Okseki netajtanilmej:

1. Xikixtajtolti Isaías 11:6-9.

1) ¿Keniuj kimelaua iTajtol Dios yekyetolis tein kipiaskej taltikpakneminij uan tapialmej itech yankuik taltikpak? (Sal. 148:10, 13; Isa. 65:25; Eze. 34:25.)

2) Maski ayamo onkak yekyetolis kemej kijtoj Isaías, ¿keniuj mochiujtok itech itekitikauan Dios nejin tajtolmej? (Rom. 12:2; Efe. 4:23, 24.)

3) ¿Akoni kinamiki maj tikueyichiuakan keman tikitaj ika taltikpakneminij mopataj, axkan uan kemej itech yankuik taltikpak? (Isa. 48:17, 18; Gál. 5:22, 23; Fili. 4:7.)

2. Xikixtajtolti Apocalipsis 21:3, 4.

1) ¿Toni kijtosneki keman Biblia kijtoua ika Dios nemi imiuan taltikpakneminij? (Lev. 26:11, 12; 2 Cró. 6:18; Isa. 66:1; Apo. 21:2, 3, 22-24.)

2) ¿Toni tataman ixayot uan tekokojkayot poliuis? (Luc. 8:49-52; Rom. 8:21, 22; Apo. 21:4.)

Tanojnots 72

Dios kipaleuij Ezequías

1. ¿Akoni takat tein yetok itech taixkopin, uan keyej kipia se ueyi ouijkayot?

2. ¿Toni kijtouaya amamej tein Ezequías kitalij iixpan Dios, uan toni kitajtanij itech inetataujtil?

3. ¿Keniuj katka tekiuaj Ezequías, uan toni tajtolmej kimakak Jiova tanauatijkej Isaías maj kiiluiani Ezequías?

4. Kemej moita itech taixkopin, ¿toni kinchiuilij asirios iángel Jiova?

5. Maski ijkuak Ezequías kinixyekanaya ome kalyetouanij kipiayaj yekyetolis se ome eyi xiujmej, ¿toni mochiuak satepan keman yej momikilij?

Okseki netajtanilmej:

1. Xikixtajtolti 2 Reyes 18:1-36.

1) Rabsaqué, imin tanauatijkauj asirios, ¿keniuj kitemouaya kinpolouilis israelitas imin takuaujtamatilis iuan Jiova? (2 Rey. 18:19, 21; Éxo. 5:2; Sal. 64:3.)

2) ¿Keniuj no ijkon kichiuaj itaixpantijkauan Jiova kemej Ezequías keman kinixnamikij tein kintauelitaj? (2 Rey. 18:36; Sal. 39:1; Pro. 26:4; 2 Tim. 2:24.)

2. Xikixtajtolti 2 Reyes 19:1-37.

1) Keman itekitikauan Jiova kipanouaj ouijkayomej, ¿keniuj no ijkon kichiuaj kemej Ezequías? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

2) ¿Toni eyi taman kipanok tekiuaj Senaquerib tein kipinaujtij, uan akoni no ijkuitik kipanos amo uejkaua? (2 Rey. 19:32, 35, 37; Apo. 20:2, 3.)

3. Xikixtajtolti 2 Reyes 21:1-6, 16.

¿Keyej ueli moyekijtoua ika Manasés katka semej tekiuanij okachi amo yolkuali tein tekiuajtik Jerusalén? (2 Cró. 33:4-6, 9.)

Tanojnots 73

Ika tamika imin kuali tekiuaj israelitas

1. ¿Kanachi xiuit kipiaya Josías keman mochiuak tekiuaj, uan toni peuak kichiua keman tekiuajtikaya chikome xiuit?

2. ¿Toni kichiujtok Josías itech yekinika taixkopin?

3. ¿Toni kiajsik tayekankej tiopixkat keman kiyekchiujtoyaj templo?

4. ¿Keyej kitsayanak itaken Josías?

5. ¿Toni tajtolmej kimakak Jiova siuatanauatijkej Huldá maj kimatiltiani Josías?

Okseki netajtanilmej:

1. Xikixtajtolti 2 Crónicas 34:1-28.

1) ¿Toni neskayot kinkauilij Josías akin kipanokej ouijkayomej keman katkaj konemej? (2 Cró. 33:21-25; 34:1, 2; Sal. 27:10.)

2) Keman Josías kiuikatoya chikueyi, majtaktiomome uan kaxtolomeyi xiuit itech itekiuajyo, ¿toni kichiuak tein motelnekia uan ijkon taixyekanak ika taueyichiualis tein melauak? (2 Cró. 34:3, 8.)

3) ¿Toni technextilia ineskayo tekiuaj Josías uan tayekankej tiopixkat Hilquías, ika moneki maj titayekchiuakan kampa tikueyichiuaj Dios? (2 Cró. 34:9-13; Pro. 11:14; 1 Cor. 10:31.)

Tanojnots 74

Se takat tein amo mouik

1. ¿Akoni telpoch tein moita itech taixkopin?

2. ¿Keniuj momachilij Jeremías keman Jiova kijitak maj mochiuani itanauatijkauj, sayoj ika toni kiiluij Jiova?

3. ¿Toni tanauatil kisentokaya kiniluiaya Jeremías israelitas?

4. ¿Keniuj kinekiaj tiopixkamej kitsakuiliskej Jeremías, sayoj ika keniuj kinextij ika amo mouik?

5. Kemej israelitas amo kikaujkej tachiualismej tein amo kuali, ¿toni kinpanok?

Okseki netajtanilmej:

1. Xikixtajtolti Jeremías 1:1-8.

1) Kemej kinextia ineskayo Jeremías, ¿toni kipaleuia se taltikpaknenkej maj kichiua itekiyo Jiova? (2 Cor. 3:5, 6.)

2) ¿Keniuj kiniyolchikaua tokniuan telpochmej uan ichpochmej ineskayo Jeremías? (Ecl. 12:1; 1 Tim. 4:12.)

2. Xikixtajtolti Jeremías 10:1-5.

¿Toni neskayot kikuik Jeremías tein ika kiyeknextij ika amo nenken kualtia maj iminka se takuaujtamati tiotsitsin? (Jer. 10:5; Isa. 46:7; Hab. 2:19.)

3. Xikixtajtolti Jeremías 26:1-16.

1) Keman taijitalmej tein yetokejok nikan Taltikpak kiuikaj tanauatil tein kipia tanejmachtilis, ¿keniuj kichiuaj ijkon kemej Jiova kinauatij Jeremías maj ‘amo kikuiliani niose tajtol’? (Jer. 26:2; Deu. 4:2; Hech. 20:27.)

2) ¿Toni kuali neskayot kinkauilij Jeremías itaixpantijkauan Jiova axkan tonalmej, keman kiniuikiliaj taltikpakneminij tanejmachtilis tein Jiova kitemaka? (Jer. 26:8, 12, 14, 15; 2 Tim. 4:1-5.)

4. Xikixtajtolti 2 Reyes 24:1-17.

¿Toni tein tetayokoltij kinpanok tein pouiaj Judá keman kikaujkej Jiova? (2 Rey. 24:2-4, 14.)

Tanojnots 75

Naui konemej tein moajsiaj Babilonia

1. ¿Akonimej naui konemej tein moitaj itech taixkopin, uan keyej moajsij Babilonia?

2. ¿Toni kininekiliaya Nabucodonosor naui konemej, uan toni kininauatij itekitikauan?

3. ¿Toni tajtanik Daniel maj kinimakanij tein kikuaskiaj uan tein tayiskiaj yejua uan eyi itasojikniuan?

4. Keman panok majtakti tonalmej kikuajtoyaj tein se kitoka, ¿keniuj yetoyaj Daniel uan eyi itasojikniuan, uan keniuj yetoyaj oksekin telpochmej?

5. ¿Keyej kiniuikakej Daniel uan eyi itasojikniuan itech iueyichan tekiuaj, uan keniuj kinextijkej ika okachi kipiayaj tamatilis ke tiopixkamej uan tamatinij?

Okseki netajtanilmej:

1. Xikixtajtolti Daniel 1:1-21.

1) ¿Toni chikaujkayot moneki tikchiuaskej tein techpaleuis maj amo titajtakokan, uan timotekitiliskej kampa timomachiliskej ika uelis techtanis tajtakol? (Dan. 1:8; Gén. 39:7, 10; Gál. 6:9.)

2) ¿Keniuj axkan telpochmej uan ichpochmej uelis kinejnekiskej kichiuaskej, oso kiniluiskej maj kichiuakan tachiualismej tein oksekin kiitaj ika tel teyolpaktij? (Dan. 1:8; Pro. 20:1; 2 Cor. 6:17, 18; 1 Pe. 1:15, 16.)

3) Keman tikitaj itech Biblia tein kipanokej naui telpochmej hebreos, ¿keniuj techpaleuia maj tikajsikamatikan kemej moneki tikitaskej tamachtilis, tein motemaka itech uejueyi kaltamachtiloyamej? (Dan. 1:20; Isa. 54:13; 1 Cor. 3:18-20.)

Tanojnots 76

Kiixpolojkej Jerusalén

1. Kemej moita itech taixkopin, ¿toni kinpanotok israelitas uan Jerusalén?

2. ¿Akoni katka Ezequiel, uan toni tachiualismej tein tel amo kualtsin kinextilij Jiova?

3. Kemej israelitas amo kipoujkaitayaj Jiova, ¿toni motenkauak kichiuas?

4. ¿Toni kichiuak tekiuaj Nabucodonosor satepan keman israelitas kiixnamikkej?

5. ¿Keyej kikauak Jiova maj israelitas kijyouianij se ueyi poliuilis?

6. ¿Keyej amo akin mokauak itech tal tein pouia Israel, uan kanachi xiujmej?

Okseki netajtanilmej:

1. Xikixtajtolti 2 Reyes 25:1-26.

1) ¿Akoni katka Sedequías, toni kipanok, uan keniuj itech mochiuak tajtolmej tein kijtojka Ezequiel? (2 Rey. 25:5-7; Eze. 12:13-15.)

2) ¿Akonimej kiitak Jiova ika kipiayaj tajtakol maj israelitas kikauanij taueyichiualis tein melauak? (2 Rey. 25:9, 11, 12, 18, 19; 2 Cró. 36:14, 17.)

2. Xikixtajtolti Ezequiel 8:1-18.

Kemej israelitas tein moixkepkej itech taneltokalis tein melauak uan kiueyichiuayaj Tonaltsin, ¿keniuj no ijkon kichiuaj tein kijtouaj kitojtokaj Cristo? (Eze. 8:16; Isa. 5:20, 21; Juan 3:19-21; 2 Tim. 4:3.)

Tanojnots 77

Amo teyi kichiuak maj motankuaketsanij

1. ¿Toni tanauatij Nabucodonosor, tein tekiuajtia Babilonia?

2. ¿Keyej amo motankuaketskej eyi itasojikniuan Daniel iixpan tiotsin tachijchiuj ika oro?

3. Keman Nabucodonosor kiniluij ika ojpa eyi hebreos maj motankuaketsanij, ¿keniuj kinextijkej ika takuaujtamatiaj iuan Jiova?

4. ¿Toni kininauatij itakeualuan Nabucodonosor maj kinchiuilianij Sadrac, Mesac uan Abednego?

5. ¿Toni kiitak Nabucodonosor keman naltachiak tikoijtik?

6. ¿Keyej tekiuaj kiueyichiuak imin Dios Sadrac, Mesac uan Abednego, uan toni neskayot techkauiliaj telpochmej?

Okseki netajtanilmej:

1. Xikixtajtolti Daniel 3:1-30.

1) Ijkon kemej kichiujkej eyi telpochmej hebreos, ¿keniuj no ijkon moneki tikchiuaskej keman motalis itech tayejyekolis totatakamatilis iuan Jiova? (Dan. 3:17, 18; Mat. 10:28; Rom. 14:7, 8.)

2) ¿Toni kinextilij Jiova Dios, Nabucodonosor? (Dan. 3:28, 29; 4:34, 35.)

Tanojnots 78

Tajkuilol itech tepamit

1. ¿Toni mochiuak keman tein tekiuajtia Babilonia kichiuak se ueyi iluit, uan kikuik tatayilonimej tein kikixtijkej itech itemplo Jiova tein moajsia Jerusalén?

2. ¿Toni kiniluij Belsasar tamatinij, sayoj ika toni amo uelik kichiujkej?

3. ¿Toni kiiluij imomaj Belsasar maj kichiuani?

4. Kemej kiiluij Daniel tekiuaj, ¿keyej Jiova kichiuak maj se mayit tajkuilouani itech tepamit?

5. ¿Toni kijtoj Daniel ika kijtosnekia tajtolmej tein ijkuiliujtoyaj itech tepamit?

6. ¿Toni mochiuak keman Daniel tajtojtoyaok?

Okseki netajtanilmej:

1. Xikixtajtolti Daniel 5:1-31.

1) Xikijto keniuj taman kijtosneki tamoujkatokalis iuan Dios, uan nemoujtil tein kimachilij Belsasar keman kiitak tajkuilol itech tepamit (Dan. 5:6, 7; Sal. 19:9; Rom. 8:35-39).

2) ¿Keniuj kinextij ueyi yolchikaualis Daniel keman tajtoj iixpan Belsasar uan oksekin uejueyi chiuanimej? (Dan. 5:17, 18, 22, 26-28; Hech. 4:29.)

3) Kemej kinextia Daniel, itech iueyi tapoual 5, ¿keniuj moueyitalia iueyitayekanalis Jiova ipan iluikak uan Taltikpak? (Dan. 4:17, 25; 5:21.)

Tanojnots 79

Daniel kipantamotkej kampa yetoyaj tekuanimej

1. ¿Akoni katka Darío, uan keniuj kiitaya Daniel?

2. ¿Toni uelik kichiualtijkej Darío seki takamej nexikolmej?

3. ¿Toni kichiuak Daniel keman kimatik yankuik tanauatil tein motemakaka?

4. ¿Keyej moteltayokoltij Darío uan niono uelik kochik, uan toni kichiuak mostika kualkan?

5. ¿Toni kinankilij Daniel tekiuaj Darío?

6. ¿Toni kinpanok takamej tein kinekiaj maj mikini Daniel, uan toni kinijkuilouilij Darío nochin tein kinixyekanaya?

Okseki netajtanilmej:

1. Xikixtajtolti Daniel 6:1-28.

1) Ijkon kemej seki takamej motenkaujkej kichiuiliskej Daniel tein amo kuali, ¿keniuj no ijkuitik kichiuaj axkan tonalmej taixnamikinij, tein ika kinekij kitsakuiltiskej imin tekiuj itaixpantijkauan Jiova? (Dan. 6:7; Sal. 94:20; Isa. 10:1; Rom. 8:31.)

2) Tein tiktekitiliaj Dios, ¿keniuj no ijkon moneki tikinitaskej “tekiuanij” kemej Daniel kinitaya? (Dan. 6:5, 10; Rom. 13:1; Hech. 5:29.)

3) ¿Keniuj uelis tiktekitiliskej Jiova ‘nochipa’ kemej kichiuak Daniel? (Dan. 6:16, 20; Fili. 3:16; Apo. 7:15.)

Tanojnots 80

Israelitas kiskej Babilonia

1. Kemej moita itech taixkopin, ¿toni kichiujtokej israelitas?

2. ¿Keniuj kichiuak Ciro ijkon kemej kijtojka Jiova itenkopa Isaías?

3. ¿Toni kiniluij Ciro israelitas tein amo ueliskiaj mokepaskiaj Jerusalén?

4. ¿Toni Ciro kinimakak israelitas maj kiuikanij Jerusalén?

5. ¿Kanachi metsti kiniuikilij israelitas ajsiskej Jerusalén?

6. ¿Kanachi xiuit mokaujka taseltijkan imin talpan Israelitas?

Okseki netajtanilmej:

1. Xikixtajtolti Isaías 44:28 uan 45:1-4.

1) Keman Jiova achtook kijtoj tein kichiuaskia Ciro, ¿keniuj kiyeknextij ika melauj mochiuaskia? (Isa. 55:10, 11; Rom. 4:17.)

2) Keman Isaías achtook kijtojka tein kichiuaskia Ciro, ¿keniuj kinextia ika Jiova ueli kijtoua tein mochiua satepan? (Isa. 42:9; 45:21; 46:10, 11; 2 Ped. 1:20.)

2. Xikixtajtolti Esdras 1:1-11.

Ijkon kemej kichiujkej israelitas tein amo uelik mokepkej Jerusalén, ¿keniuj no ijkon uelis tikinpaleuiskej tein motemakaj okachiok kitekitiliskej Jiova? (Esd. 1:4, 6; Rom. 12:13; Col. 4:12.)

Tanojnots 81

Takuaujtamatkej itech inepaleuil Dios

1. ¿Kanachi israelitas kiskej Babilonia uan moojketskej Jerusalén, uan keniuj tachiujtoya keman ajsikej?

2. ¿Toni peuak kichijchiuaj israelitas keman ajsikej, sayoj ika toni kichiujkej taixnamikinij?

3. ¿Akonimej katkaj Ageo uan Zacarías, uan toni kiniluijkej israelitas?

4. ¿Keyej Tatenai kititanik Babilonia se amat, uan toni kinankilijkej?

5. ¿Toni kichiuak Esdras keman kimatik ika moyekchiujtania itemplo Dios?

6. Kemej moita itech taixkopin, ¿toni Esdras kitajtanij Jiova? ¿Keniuj kinankilij inetataujtil, uan toni technextilia nejin?

Okseki netajtanilmej:

1. Xikixtajtolti Esdras 3:1-13.

Komo timoajsij kanajika kampa amo onkak tokniuan tein monechikouaj, ¿toni moneki tiksentokaskej tikchiujtoskej? (Esd. 3:3, 6; Hech. 17:16, 17; Heb. 13:15.)

2. Xikixtajtolti Esdras 4:1-7.

¿Toni neskayot kinkauilij Zorobabel itekitikauan Jiova, tein kininextilia maj amo kimanelokan taneltokalis tein melauak iuan tein amo melauak? (Éxo. 34:12; 1 Cor. 15:33; 2 Cor. 6:14-17.)

3. Xikixtajtolti Esdras 5:1-5, 17 uan 6:1-22.

1) ¿Keyej taixnamikinij amo uelik kintsakuiltijkej israelitas keman kichijchiujtoyaj templo? (Esd. 5:5; Isa. 54:17.)

2) Neskayot tein kikaujkej tayekananij judíos, ¿keniuj kiniyolchikaua tokniuan ueuentsitsin maj kitajtanikan Jiova, maj kinixyekana keman moajsiskej itech taixnamikilis? (Esd. 6:14; Sal. 32:8; Rom. 8:31; Sant. 1:5.)

4. Xikixtajtolti Esdras 8:21-23, 28-36.

Achtopa keman tikchiuaskej tein motelneki, ¿toni semi kuali maj tikchiuakan kemej kichiuak Esdras? (Esd. 8:23; Sal. 127:1; Pro. 10:22; Sant. 4:13-15.)

Tanojnots 82

Mardoqueo uan Ester

1. ¿Akonimej katkaj Mardoqueo uan Ester?

2. ¿Keyej kinekia tekiuaj Asuero okse yankuik inamik, uan akoni kijitak?

3. ¿Akoni katka Hamán, uan keyej tel kualanik?

4. ¿Toni tanauatil moijkuiloj, uan toni kichiuak Ester satepan keman kiselij se tanauatil, tein kititanilij Mardoqueo?

5. ¿Toni kipanok Hamán, uan toni kipanok Mardoqueo?

6. ¿Keniuj momakixtijkej israelitas imimako taixnamikinij?

Okseki netajtanilmej:

1. Xikixtajtolti Ester 2:12-18.

¿Keniuj kinextij tein kichiuak Ester ika motelneki timotekitiliskej maj amo ijsiujka timokualantikan, ta maj tiyolseujtokan? (Est. 2:15; 1 Ped. 3:1-5.)

2. Xikixtajtolti Ester 4:1-17.

Ijkon kemej Ester uelik kipaleuij taueyichiualis tein melauak, ¿keniuj no ijkon axkan uelis tiknextiskej ika tikueyichiuaj Jiova uan tikpialiaj netasojtalis? (Est. 4:13, 14; Mat. 5:14-16; Mar. 13:10.)

3. Xikixtajtolti Ester 7:1-6.

Ijkon kemej kipanok Ester, ¿keniuj no ijkon axkan uelis kipanoskej taixnamikilis miakej itekitikauan Dios? (Est. 7:4; Mat. 10:16-22; 1 Ped. 2:12.)

Tanojnots 83

Tepamit tein kiyoualouaya Jerusalén

1. ¿Keniuj momachiliayaj israelitas keman amo kipiayaj tepamit tein kiyoualouaya altepet Jerusalén?

2. ¿Akoni katka Nehemías?

3. ¿Toni tekit kipiaya Nehemías, uan keyej kichiuaya ika nejmachkayot?

4. ¿Toni kimatik Nehemías tein kitayokoltij, uan toni kichiuak?

5. ¿Keniuj tekiuaj Artajerjes kinextilij kualtakayot Nehemías?

6. ¿Toni Nehemías kiniluij israelitas uan ijkon taixnamikinij amo kitsakuiltiskiaj tekit?

Okseki netajtanilmej:

1. Xikixtajtolti Nehemías 1:4-6 uan 2:1-20.

¿Keniuj kitemoj Nehemías maj kiyekanani Jiova? (Neh. 2:4, 5; Rom. 12:12; 1 Ped. 4:7.)

2. Xikixtajtolti Nehemías 3:3-5.

¿Toni kininextilia tokniuan ueuentsitsin uan tapaleuianij, kiitaskej tataman neskayomej tein kikaujkej teqoítas uan tein tayekanayaj Teqoa? (Neh. 3:5, 27; 2 Tes. 3:7-10; 1 Ped. 5:5.)

3. Xikixtajtolti Nehemías 4:1-23.

1) ¿Toni kinolinij israelitas maj kisentokanij tekitinij maski taixnamikinij kinekiaj kinimiktiskej? (Neh. 4:6, 8, 9; Sal. 50:15; Isa. 65:13, 14.)

2) ¿Keniuj techyolchikaua axkan neskayot tein kikaujkej israelitas?

4. Xikixtajtolti Nehemías 6:15.

Tikmatiskej ika kiniuikilij sayoj 52 tonalmej matamiskej tepamit, ¿keniuj kinextia nejin, chikaualis tein kipia takuaujtamatilis? (Sal. 56:3, 4; Mat. 17:20; 19:26.)

Tanojnots 84

Se ángel kikalpanoj María

1. ¿Akoni siuat tein yetok itech taixkopin?

2. ¿Toni Gabriel kiiluij María?

3. Maski María ayamo nemia iuan se takat, ¿keniuj kiiluij Gabriel ika kipiaskia se konet?

4. ¿Toni mochiuak keman María kikalpanoj ichankauj Elisabet?

5. ¿Toni kinemiliaya José keman kimatik ika María yaya kipiati se konet, uan keyej kipatak itanemilil?

Okseki netajtanilmej:

1. Xikixtajtolti Lucas 1:26-56.

1) Keman Dios kikuik inemilis iKoneuj ne iluikak uan kipanoltij iijtik María, ¿keniuj kichiuak Dios uan ijkon tajtakol tein kipiaya María amo kipanoltiliskia Jesús, ijkon kemej kijtoua Lucas 1:35? (Ageo 2:11-13; Juan 6:69; Heb. 7:26; 10:5.)

2) ¿Keniuj kiueyichiujkej Jesús maski ayamo nemia? (Luc. 1:41-43.)

3) ¿Toni kuali neskayot kinkauilij María tokniuan, tein kiseliaj se tekit tein Jiova kinimaka? (Luc. 1:38, 46-49; 17:10; Pro. 11:2.)

2. Xikixtajtolti Mateo 1:18-25.

Maski Jesús amo kitokaytijkej Emanuel, ¿keniuj kinextij itech inemilis nikan taltikpak tein kijtosnekia nejin tokayit? (Mat. 1:22, 23; Juan 14:8-10; Heb. 1:1-3.)

Tanojnots 85

Jesús nemik kampa kineuayaj tapialmej

1. ¿Akoni konet tein yetok itech taixkopin, uan kani kitektok María?

2. ¿Keyej nemik Jesús kampa kineuayaj tapialmej?

3. ¿Akonimej takamej tein kalaktokej kampa kineuaj tapialmej, uan toni kiniluij se ángel?

4. ¿Keyej taman katka Jesús?

5. ¿Keyej uelis se kitokaytis Jesús iKoneuj Dios?

Okseki netajtanilmej:

1. Xikixtajtolti Lucas 2:1-20.

1) Ika tein kichiuak César Augusto, ¿keniuj mochiuak ijkon kemej moijtojka kani nemiskia Jesús? (Luc. 2:1-4; Miq. 5:2.)

2) ¿Keniuj uelis se aksa mopouas imiuan taltikpakneminij tein kiyolpaktiaj Dios? (Luc. 2:14; Mat. 16:24; Juan 17:3; Hech. 3:19; Heb. 11:6.)

3) Komo nejon tajpianij yolyemankej tein nemiaj Judea, yolpakkej keman nemik Temakixtijkej, ¿keyej axkan moneki okachiok yolpakiskej itekitikauan Dios? (Luc. 2:10, 11; Efe. 3:8, 9; Apo. 11:15; 14:6.)

Tanojnots 86

Kitojtokakej se sitalij

1. ¿Akonimej nejin takamej tein moitaj itech taixkopin, uan keyej se takat kimajpiluijtok ne sitalij tein tel petantok?

2. ¿Keyej mokuejmoloj tekiuaj Herodes, uan toni kichiuak?

3. ¿Kani kinixyekanak takamej nejon sitalij tein petantoya, uan keyej mokepkej imin ueyi altepeuj itech okse ojti?

4. ¿Toni tanauatil kitemakak Herodes, uan keyej?

5. ¿Toni Jiova kiiluij José?

6. ¿Akoni kichiuak maj petanini nejon yankuik sitalij, uan keyej?

Okse netajtanil:

1. Xikixtajtolti Mateo 2:1-23.

¿Kanachi xiuit kipiaya Jesús uan kani nemia, keman kikalpanotoj takamej tein kinixmatiaj sitalimej? (Mat. 2:1, 11, 16.)

Tanojnots 87

Telpoch Jesús moajsik templo

1. ¿Kanachi xiuit kipia Jesús nikan itech taixkopin, uan kani yetok?

2. ¿Toni kichiuaya José xijxiujtika iuan ichankauan?

3. Satepan keman José uan María nejnenkajya se tonal keman mokeptoyaj iminchan, ¿keyej oksepa mokepkej Jerusalén?

4. ¿Kani José uan María kiajsikej Jesús, uan keyej taltikpakneminij kimojkaitayaj Jesús?

5. ¿Toni Jesús kiiluij imomaj?

6. ¿Keniuj uelis tiktojtokaskej ineskayo Jesús keman timomachtiskej tein Dios kijtoua?

Okseki netajtanilmej:

1. Xikixtajtolti Lucas 2:41-52.

1) Maski Tanauatil kijtouaya ika sayoj takamej monekia yaskej iluit tein mochiuaya xijxiujtika, ¿toni kuali neskayot kinkauilijkej José uan María axkan tetatmej? (Luc. 2:41; Deu. 16:16; 31:12; Pro. 22:6.)

2) Ijkon kemej Jesús kintakamatik itatuan, ¿toni se kuali neskayot kinkauilij axkan telpochmej uan ichpochmej? (Luc. 2:51; Deu. 5:16; Pro. 23:22; Col. 3:20.)

2. Xikixtajtolti Mateo 13:53-56.

¿Keniuj motokaytijkej naui ikniuan Jesús tein ixnesij itech Biblia? Uan ¿keniuj kinkuikej satepan Jacobo (tein no motokaytij Santiago) uan Judas kemej itekitikauan Dios? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1:1.)

Tanojnots 88

Juan kiauij Jesús

1. ¿Akonimej ome takamej tein moitaj itech taixkopin?

2. ¿Keniuj kiauiaj se taltikpaknenkej?

3. ¿Akonimej kinauiaya Juan?

4. ¿Keyej motelnekia maj Jesús kiiluiani Juan maj kiauiani?

5. ¿Keniuj kinextij Dios ika kiyolpaktij maj Jesús moauiani?

6. ¿Toni kipanok Jesús keman yajki kampa taseltijkan ome poual tonal?

7. ¿Akonimej katkaj yekinika itatojtokakauan oso imomachtijkauan Jesús, uan toni yekinika mouiskatekit kichiuak?

Okseki netajtanilmej:

1. Xikixtajtolti Mateo 3:13-17.

¿Keniuj kinextij Jesús ika moneki moauiskej imomachtijkauan? (Sal. 40:7, 8; Mat. 28:19, 20; Luc. 3:21, 22.)

2. Xikixtajtolti Mateo 4:1-11.

Tikmatiskej ika Jesús kuali kiixmatia uan kikuia iTajtol Dios, ¿keniuj techolinia maj timomachtikan Biblia mojmostaj? (Mat. 4:5-7; 2 Ped. 3:17, 18; 1 Juan 4:1.)

3. Xikixtajtolti Juan 1:29-51.

¿Akoni iuan kinojtokaltiaya Juan Taauijkej imomachtijkauan, uan keniuj no ijkon moneki tikchiuaskej? (Juan 1:29, 35, 36; 3:30; Mat. 23:10.)

4. Xikixtajtolti Juan 2:1-12.

¿Keniuj kinextia yekinika mouiskatekit tein kichiuak Jesús, ika Jiova amo teyi kintsakuiltilia tein kuali Itekitikauan? (Juan 2:9, 10; Sal. 84:11; Sant. 1:17.)

Tanojnots 89

Jesús kichipauak templo

1. ¿Keyej kininamakayaj tapialmej itech templo?

2. ¿Keyej kualanik Jesús?

3. Kemej moita itech taixkopin, ¿toni kichiuak Jesús uan toni kininauatij takamej tein kininamakayaj uiltsitsin?

4. ¿Toni kielnamikkej itatojtokakauan Jesús keman kimouisojkej tein kichiuak?

5. ¿Kanikauin panok Jesús keman mokepak Galilea?

Okse netajtanil:

1. Xikixtajtolti Juan 2:13-25.

Tikmatiskej ika Jesús kikualantijkej tominpatanij tein yetoyaj itech templo, ¿keniuj moneki tikitaskej maj ika se tajto tanamakalis itech Kali kampa timonechikouaj? (Juan 2:15, 16; 1 Cor. 10:24, 31-33.)

Tanojnots 90

Jesús tajtoj iuan se siuat itech ameyal

1. ¿Keyej motsakuilij Jesús ameyaltenoj tein moajsia Samaria, uan toni kiiluij se siuat tein ompa ajsik?

2. ¿Toni kimojkakakik siuat, toni kiiluij Jesús, uan keyej?

3. ¿Katiyejua at moluiaya siuat ika kinojnotstoya Jesús, sayoj ika tein yekmelauj katiyejua at ika tajtouaya Jesús?

4. ¿Keyej kimojkakakik siuat maj Jesús kimatiliani inemilis, uan akoni kimatiltij Jesús?

5. ¿Toni technextilia nejin tanojnots?

Okseki netajtanilmej:

1. Xikixtajtolti Juan 4:5-43.

1) Ijkon kemej kichiuak Jesús, ¿keniuj moneki tikinitaskej nochin taltikpakneminij? (Juan 4:9; 1 Cor. 9:22; 1 Tim. 2:3, 4; Tito 2:11.)

2) ¿Toni tatiochiualismej tein ualeua imako Dios kiselia akin mochiua imomachtijkauj Jesús? (Juan 4:14; Isa. 58:11; 1 Ped. 5:10.)

3) Kemej samaritana tein kitelnekik kitetapouis tein kikakik, ¿keniuj no ijkon uelis tiknextiskej ika tikpatiujitaj nemachtil tein kipia Biblia? (Juan 4:7, 28; Mat. 6:33, NM; Luc. 10:40-42.)

Tanojnots 91

Jesús tamachtij talkuatipan

1. Kemej moita itech taixkopin, ¿kani tamachtijtok Jesús, uan akonimej tein okachi achka iuan yetokej?

2. ¿Keniuj motokaytijkej majtaktiomome tatitanilmej?

3. ¿Toni iTekiuajyo Dios tein Jesús ika tanojnotsak?

4. ¿Toni kininextilij Jesús taltikpakneminij maj tajtanikan itech netataujtil?

5. ¿Toni kinimachtij Jesús taltikpakneminij kemej moneki mouikaskej se iuan okse?

Okseki netajtanilmej:

1. Xikixtajtolti Mateo 5:1-12.

¿Keniuj uelis tiknextiskej ika tikmachiliaj motelneki maj timotokikan iuan Dios? (Mat. 5:3, NM; Rom. 10:13-15; 1 Tim. 4:13, 15, 16.)

2. Xikixtajtolti Mateo 5:21-26.

¿Keniuj kinextia Mateo 5:23, 24 ika kemej timouikaskej imiuan tokniuan no ijkon eski iuan Jiova? (Mat. 6:14, 15; Sal. 133:1; Col. 3:13; 1 Juan 4:20.)

3. Xikixtajtolti Mateo 6:1-8.

Tein kichiuaj kemej Cristo, ¿toni tachiualismej tein kichiuayaj fariseos moneki kiixtopeuaskej? (Luc. 18:11, 12; 1 Cor. 4:6, 7; 2 Cor. 9:7.)

4. Xikixtajtolti Mateo 6:25-34.

¿Toni tamachtij Jesús tein kinextij ika moneki titakuaujtamatiskej ika Jiova techmakas toixpanolis? (Éxo. 16:4; Sal. 37:25; Fili. 4:6.)

5. Xikixtajtolti Mateo 7:1-11.

¿Toni technextilia itajtoluan Jesús tein moajsij itech Mateo 7:5? (Pro. 26:12; Rom. 2:1; 14:10; Sant. 4:11, 12.)

Tanojnots 92

Jesús kinajokuik mikemej

1. ¿Toni chiujkej katka ipopaj ichpoch tein moita itech taixkopin, uan keyej moteltekipachojtoyaj tepopaj uan temomaj?

2. ¿Toni kichiuak Jairo keman kiajsik Jesús?

3. ¿Toni mochiuak keman Jesús yajtoya ichan Jairo, uan toni tanauatil kiselij Jairo?

4. ¿Keyej kiueuetskilijkej Jesús taltikpakneminij tein yetoyaj ichan Jairo?

5. ¿Toni kichiuak Jesús keman kalakik iuan tepopaj uan temomaj uan eyi tatitanilmej?

6. ¿Akonimej no kinajokuik Jesús, uan toni kinextia nejin?

Okseki netajtanilmej:

1. Xikixtajtolti Lucas 8:40-56.

¿Keyej uelis tikijtoskej ika Jesús kiknelij uan kiajsikamatik tein kipanotoya siuat tein esmeyaya, uan toni kininextilia tokniuan ueuentsitsin? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Xikixtajtolti Lucas 7:11-17.

Tikitaskej ika Jesús kiknelij siuat tein amo nemiaok inamik tein katka kayot Naín, ¿keniuj uelis kiyolchikauas se taltikpaknenkej tein momikilia se itasojikniuj? (Luc. 7:13; 2 Cor. 1:3, 4; Heb. 4:15.)

3. Xikixtajtolti Juan 11:17-44.

¿Keniuj kinextij Jesús ika amo temoujtij maj se kichokili se itasojikniuj keman momikilia? (Juan 11:33-36, 38; 2 Sam. 18:33; 19:1-4.)

Tanojnots 93

Jesús kintamakak miakej taltikpakneminij

1. ¿Toni tel amo kuali kichiuilijkej Juan Taauijkej, uan keniuj momachilij Jesús?

2. ¿Keniuj kintamakak Jesús tel miakej taltikpakneminij tein kitojtokakej, uan kanachi chikiuit kipexontijkej ika takual tein mokauak?

3. ¿Keyej se youak momoujtijkej imomachtijkauan, uan toni kipanok Pedro?

4. ¿Keniuj ika ojpa kintamakak Jesús tel miakej taltikpakneminij?

5. ¿Keyej tel kualtsin eski keman Jesús tekiuajtis ipan Taltikpak kemej Tekiuaj tein Dios kijitak?

Okseki netajtanilmej:

1. Xikixtajtolti Mateo 14:1-32.

1) ¿Keniuj kinextia tein kijtoua Mateo 14:23-32 kemej katka Pedro?

2) ¿Keniuj kinextia Biblia ika tatitanil Pedro satepan mopatak uan achto kinemiliaya tein kichiuaya oso tein kijtouaya? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

2. Xikixtajtolti Mateo 15:29-38.

¿Keniuj kinextij Jesús ika kipoujkaitaya takual tein iPopaj kitemakak? (Mat. 15:37; Juan 6:12; Col. 3:15.)

3. Xikixtajtolti Juan 6:1-21.

Tein kitekitiliaj Dios, ¿keniuj moneki kinitaskej tekiuanij kemej Jesús kinitaya? (Juan 6:15; Mat. 22:21; Rom. 12:2; 13:1-4.)

Tanojnots 94

Jesús kintasojtak konemej

1. ¿Keyej motajtolteuijkej tatitanilmej keman uejka yajkaj uan mokeptoyajya?

2. ¿Keyej kinotsak Jesús se konet uan kitalij imin ixpan tatitanilmej?

3. ¿Toni kijtosnekia Jesús keman kiniluij itatitaniluan ika monekia mochiuaskej kemej konemej?

4. ¿Keniuj kinextij Jesús ika kintasojtaya konemej se ome eyi metsti satepan?

Okseki netajtanilmej:

1. Xikixtajtolti Mateo 18:1-4.

¿Keyej Jesús kikuia neskayomej keman tamachtiaya? (Mat. 13:34, 36; Mar. 4:33, 34.)

2. Xikixtajtolti Mateo 19:13-15, NM.

¿Toni kualneskayomej tein kipiaj konemej moneki tikixualtiskej komo tiknekij tikseliskej itatiochiualisuan Tekiuajyot? (Sal. 25:9; 138:6; 1 Cor. 14:20.)

3. Xikixtajtolti Marcos 9:33-37.

¿Toni kinimachtij Jesús imomachtijkauan tein kinekiaj mochiuaskej tayekananij oso uejueyimej? (Mar. 9:35; Mat. 20:25, 26; Gál. 6:3; Fili. 2:5-8.)

4. Xikixtajtolti Marcos 10:13-16.

¿Keniuj kiniseliaya Jesús taltikpakneminij, uan toni kininextilia nejin tokniuan ueuentsitsin? (Mar. 6:30-34; Fili. 2:1-4; 1 Tim. 4:12.)

Tanojnots 95

Keniuj tamachtij Jesús

1. ¿Toni netajtanil kichiuilij se takat Jesús, uan keyej?

2. ¿Toni kikuia iksa Jesús keman tamachtiaya, uan keniuj timomachtijkejya ika mouikayaj judíos uan samaritanos?

3. Itech tanojnots tein Jesús kijtoj, ¿toni kipanok se judío tein temouaya itech ojti tein yaya Jericó?

4. ¿Toni mochiuak keman se tiopixkat judío uan se levita panokej itech nejon ojti?

5. Kemej moita itech taixkopin, ¿akoni kipaleuijtok judío tein kikojkokojkej?

6. Keman Jesús kitamiijtoj tanojnots, ¿toni kitajtanij takat, uan keniuj tanankilij?

Okseki netajtanilmej:

1. Xikixtajtolti Lucas 10:25-37.

1) Ijkuak se taltikpaknenkej tein kitelixmatia iTanauatil Dios kitajtanij Jesús akoni monekia kitasojtas, ¿keniuj kipaleuij Jesús maj iselti monankiliani? (Luc. 10:26; Mat. 16:13-16.)

2) ¿Keniuj kikuia neskayomej Jesús kemej kinpaleuiskia tein kikaktoyaj maj amo kinpialianij se tanemilil tein amo kuali taltikpakneminij, maski ayamo kinixmatiaj? (Luc. 10:36, 37; 18:9-14; Tito 1:9.)

Tanojnots 96

Jesús kinpajtij kokoyanij

1. ¿Toni kichiujtiaya Jesús keman panotiaya itech altepemej?

2. Kemej eyi xiuit satepan keman Jesús moauij, ¿toni kiniluij itatitaniluan?

3. ¿Akonimej taltikpakneminij tein moitaj itech taixkopin, uan toni kichiuilij Jesús nejin siuat?

4. ¿Keyej kinpinaujtij tayekananij itech taneltokalis tanankilil tein kitemakak Jesús?

5. Keman Jesús uan itatitaniluan kiskej Jericó uan ayamo uejka moajsiaj, ¿toni kinchiuilij Jesús ome ixpopoyomej?

6. ¿Keyej kichiuak Jesús mouiskatekimej?

Okseki netajtanilmej:

1. Xikixtajtolti Mateo 15:30, 31.

¿Keniuj monextij ichikaujkauelilis Jiova itechkopa Jesús, uan keniuj moneki techpaleuis maj tikajsikamatikan, tein Jiova motenkaujtok kichiuas itech yankuik taltikpak? (Sal. 37:29; Isa. 33:24.)

2. Xikixtajtolti Lucas 13:10-17.

Keman Jesús kichiuak okachi uejueyi mouiskatekimej itech sábado, ¿keniuj kinextia ika keman Tekiuajtitos se Mil Xiujtika, kinijkuanilis tajyouilis taltikpakneminij? (Luc. 13:10-13; Sal. 46:9; Mat. 12:8; Col. 2:16, 17; Apo. 21:1-4.)

3. Xikixtajtolti Mateo 20:29-34.

¿Keniuj moita itech nejin tanojnots, ika Jesús amo keman kinextij ika amo kemantia kinpaleuis taltikpakneminij, uan toni technextilia nejin? (Deu. 15:7; Sant. 2:15, 16; 1 Juan 3:17.)

Tanojnots 97

Jesús ajsik kemej tekiuaj

1. Keman Jesús ajsik itech se altepekonet tein amo uejka moajsia Jerusalén, ¿toni kininauatij maj kichiuanij imomachtijkauan?

2. Kemej moita itech taixkopin, ¿toni mochiuak keman Jesús ajsitiayaya itech altepet Jerusalén?

3. ¿Toni kichiujkej konemej keman kiitakej ika Jesús kinpajtij tein sepoujtikej uan ixpopoyomej?

4. ¿Toni kiniluij Jesús tiopixkamej tein kualantoyaj?

5. ¿Keniuj no ijkon uelis timochiuaskej kemej konemej tein kiueyichiujkej Jesús?

6. ¿Toni kimatisnekiaj imomachtijkauan Jesús?

Okseki netajtanilmej:

1. Xikixtajtolti Mateo 21:1-17.

1) Ijkuak Jesús kalakik Jerusalén kemej tekiuaj, ¿keniuj amo ijkon katka kemej kalakiaj imin tayekankauan tateuianij romanos, tein tataniaj itech se neteuil? (Mat. 21:4, 5; Zac. 9:9; Fili. 2:5-8; Col. 2:15, NM.)

2) Ijkon kemej konemej tein kijtojkej tajtolmej tein ijkuiliujtokej itech Salmo 118, ijkuak Jesús kalakik itech templo, ¿toni kininextilia axkan telpochmej uan ichpochmej? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Xikixtajtolti Juan 12:12-16.

¿Toni kijtosnekik kuoujxiujmayit tein kikuikej taltikpakneminij keman kiueyichiujkej Jesús? (Juan 12:13; Fili. 2:10; Apo. 7:9, 10.)

Tanojnots 98

Itech Olivojtepet

1. Kemej moita itech taixkopin, ¿katiyejua Jesús, uan akonimej yetokej iuan?

2. ¿Toni kinekiaj tiopixkamej kichiuiliskej Jesús itech templo, uan toni kiniluij?

3. ¿Toni kitajtanijkej Jesús tatitanilmej?

4. ¿Keyej Jesús kiniluij tatitanilmej seki tachiualismej tein mochiujtoskiaj nikan Taltikpak, keman yej tekiuajtitoskia iluikak?

5. ¿Toni kijtoj Jesús ika mochiuaskia achtopa keman tamiskia nochi tein amo kuali nikan Taltikpak?

Okseki netajtanilmej:

1. Xikixtajtolti Mateo 23:1-39.

1) Maski Biblia kinextia ika uelis se kitokaytis aksa ika tekit tein kichiua, kemej tekiuaj oso tamachtijkej, ¿keniuj techpaleuia itajtoluan Jesús itech Mateo 23:8-11 kemej moneki tikitaskej maj se kinotsa aksa ika se tokayit tein kiueyichiuas inpan oloch tokniuan tein monechikouaj? (Hech. 26:25; Rom. 13:7; 1 Ped. 2:13, 14.)

2) ¿Toni kichiuayaj fariseos uan ijkon kintsakuiliayaj taltikpakneminij maj amo kitojtokanij Cristo, uan keniuj no ijkuitik kichiuaj axkan tayekananij itech taneltokalis? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Xikixtajtolti Mateo 24:1-14.

1) ¿Keniuj kinextia Mateo 24:13, [NM] ika motelneki maj tikpiakan taxikolis?

2) ¿Toni kijtosneki tajtol “tamilis” tein kijtoua Mateo 24:13, [NM]? (Mat. 16:27; Rom. 14:10-12; 2 Cor. 5:10.)

3. Xikixtajtolti Marcos 13:3-10.

¿Toni tajtolmej itech Marcos 13:10 kinextia ika moneki maj ijsiujka motetapoui kuali tanauatilmej, uan toni techolinia maj tikchiuakan itajtoluan Jesús? (Rom. 13:11, 12; 1 Cor. 7:29-31; 2 Tim. 4:2.)

Tanojnots 99

Moajsiaj ajko itech se kali

1. Kemej moita itech taixkopin, ¿keyej yetokej Jesús iuan majtaktiomome itatitaniluan ajko itech se kali?

2. ¿Akoni takat tein kistok, uan toni kichiuati?

3. ¿Toni takualis tein motelneki kipeualtij Jesús satepan keman kitamichiujkej Pascua?

4. ¿Toni kinelnamiktiaya israelitas Pascua, uan toni kinelnamiktiskia itatojtokakauan Jesús nejin takualis tein motelneki?

5. Satepan keman kitamichiujkej iTakualis toTekotsin, ¿toni kiniluij Jesús itatojtokakauan, uan toni kichiujkej yejuan?

Okseki netajtanilmej:

1. Xikixtajtolti Mateo 26:14-30.

1) ¿Keniuj kinextia Mateo 26:15 ika keman Judas kitemaktij Jesús ipa achto kinemilijkaya?

2) Xikijto ome taman keyej mimilauik iesyo Jesús (Mat. 26:27, 28; Jer. 31:31-33; Efe. 1:7; Heb. 9:19, 20).

2. Xikixtajtolti Lucas 22:1-39.

¿Toni kijtosneki keman moijtoua ika Satanás kalakik itech Judas? (Luc. 22:3; Juan 13:2; Hech. 1:24, 25.)

3. Xikixtajtolti Juan 13:1-20.

1) Ika tein kijtoua Juan 13:2, ¿uelis se kitajtakoltis Judas ika tein kichiuak, uan toni technextilia axkan tein tiktekitiliaj Dios? (Gén. 4:7; 2 Cor. 2:11; Gál. 6:1; Sant. 1:13, 14.)

2) ¿Toni se tel kuali neskayot kitemakak Jesús? (Juan 13:15; Mat. 23:11; 1 Ped. 2:21, NM.)

4. Xikixtajtolti Juan 17:1-26.

¿Toni kijtosnekik Jesús keman tajtanik itech netataujtil maj itatojtokakauan mochiuanij ‘sesaj’? (Juan 17:11, 21-23; Rom. 13:8; 14:19; Col. 3:14.)

Tanojnots 100

Jesús moajsik itech xochital

1. ¿Kani yajki Jesús iuan itatitaniluan satepan keman kiskej itech kali tein moajsia ajko, uan toni kiniluij maj kichiuanij?

2. ¿Keniuj kinajsia Jesús itatitaniluan keman mokepaya kampa yetoyaj, uan kanachpa ijkon kinajsito?

3. Kemej moita itech taixkopin, ¿akonimej ajsikej itech xochital, uan toni kichiuak Judas Iscariote?

4. ¿Keyej Judas kipitsoj Jesús, uan toni kichiuak Pedro?

5. ¿Toni Jesús kiiluij Pedro, uan keyej Jesús amo kitajtanij Dios maj kititaniliani niose ángel?

Okseki netajtanilmej:

1. Xikixtajtolti Mateo 26:36-56.

1) Ijkon kemej Jesús kiniyolmajxitij imomachtijkauan, ¿keniuj kinkauilij se kuali neskayot tokniuan ueuentsitsin? (Mat. 20:25-28; 26:40, 41; Gál. 5:17; Efe. 4:29, 31, 32.)

2) ¿Keniuj kiitaya Jesús maj aksa kikuini tepos tein ika moteuis imiuan oksekin? (Mat. 26:52; Luc. 6:27, 28; Juan 18:36.)

2. Xikixtajtolti Lucas 22:39-53.

Keman se ángel kiyolchikauato Jesús itech xochital Getsemaní, ¿kijtosnekia ika itakuaujtamatilis amo katka chikauak? Xikmelaua (Luc. 22:41-43; Isa. 49:8; Mat. 4:10, 11; Heb. 5:7).

3. Xikixtajtolti Juan 18:1-12.

¿Keniuj kinpaleuij Jesús imomachtijkauan iminixpan taixnamikinij, uan toni technextilia nejin? (Juan 10:11, 12; 18:1, 6-9; Heb. 13:6; Sant. 2:25.)

Tanojnots 101

Kimiktijkej Jesús

1. ¿Akoni yekinika kichiuak maj kimiktianij Jesús?

2. ¿Toni kichiujkej tatitanilmej keman tayekananij itech taneltokalis kiuikakej Jesús?

3. ¿Toni mochiuak ichan tayekankej tiopixkat Caifás?

4. ¿Keyej kisak Pedro uan peuak choka?

5. Keman Jesús oksepa kiuikakej iixpan Pilato, ¿toni chikauak kijtojkej tayekananij tiopixkamej?

6. ¿Toni kipanok Jesús viernes keman tepitsin panokaya nepantaj, uan toni kiiluij se takat amo yolkuali tein inakastaj pilkatoya itech se kuouit?

7. ¿Kani moajsis xochital tein Jesús ika tajtoj?

Okseki netajtanilmej:

1. Xikixtajtolti Mateo 26:57-75.

¿Keniuj kinextijkej oloch tamelauanij judíos ika katkaj tel amo yolkualmej? (Mat. 26:59, 67, 68.)

2. Xikixtajtolti Mateo 27:1-50.

¿Keyej uelis tikijtoskej ika Judas amo yekmelauj moyolkokoj? (Mat. 27:3, 4; Mar. 3:29; 14:21; 2 Cor. 7:10, 11.)

3. Xikixtajtolti Lucas 22:54-71.

¿Toni technextilia ijkuak Pedro kijtoj ika amo kiixmatia Jesús, nejon youak keman kitemaktijkej uan kikitskijkej? (Luc. 22:60-62; Mat. 26:31-35; 1 Cor. 10:12.)

4. Xikixtajtolti Lucas 23:1-49.

¿Keniuj tanankilij Jesús keman kitajyouiltijkej maski amo teyi kichiujtoya tein amo kuali, uan toni technextilia nejin? (Luc. 23:33, 34; Rom. 12:17-19; 1 Ped. 2:23.)

5. Xikixtajtolti Juan 18:12-40.

Maski se tonal Pedro kinimouilij taltikpakneminij, ¿toni technextilia keman satepan moyolchikauak uan mochiuak se kuali tatitanil? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Xikixtajtolti Juan 19:1-30.

1) ¿Toni tanemilil tein taixejekol kipialiaya Jesús tein ika se moixpanoltia? (Juan 2:1, 2, 9, 10; 19:23, 24; Mat. 6:31, 32; 8:20.)

2) ¿Keyej tajtolmej tein kijtoj Jesús tepitsin achto keman momikiliskia, kinextij ika kipaleuij iueyitayekanalis Jiova? (Juan 16:33; 19:30; 2 Ped. 3:14; 1 Juan 5:4.)

Tanojnots 102

Moajokuik Jesús

1. ¿Akoni siuat tein moita itech taixkopin, akonimej ome takamej, uan kani yetokej?

2. ¿Keyej kininauatij Pilato tiopixkamej maj kintitaninij tajpianij uan maj kiyekpianij tekoyok kampa toktoya Jesús?

3. Eyi tonal satepan keman Jesús momikilij, ¿toni kichiuak se ángel kualkasaj, uan toni kichiujkej tiopixkamej?

4. ¿Keyej kimojkaitakej seki siuamej keman kiitatoj tekoyok kampa toktoya Jesús?

5. ¿Keyej motalojkej Pedro uan Juan itech tekoyok kampa toktoya Jesús, uan toni kiitakej?

6. ¿Toni kipanok inakayo Jesús, uan toni kichiuak tein ika kinimatiltij imomachtijkauan ika moajokkaya?

Okseki netajtanilmej:

1. Xikixtajtolti Mateo 27:62-66 uan 28:1-15.

¿Keniuj tajtakojkej tayekananij tiopixkamej, fariseos uan ueuentsitsin ipan yektikatsin espíritu keman Jesús moajokuik? (Mat. 12:24, 31, 32; 28:11-15.)

2. Xikixtajtolti Lucas 24:1-12.

Itech Biblia kampa ika motajtoua ineajokuilis Jesús, ¿keniuj kinextij Jiova ika uelis se kinineltokilis tein kijtouaj siuamej? (Luc. 24:4, 9, 10; Mat. 28:1-7.)

3. Xikixtajtolti Juan 20:1-12.

Ijkuak amo senkis tikajsikamatiskej keniuj mochiuas teisa tein Biblia achtook kijtoua, ¿keniuj techpaleuia Juan 20:8, 9 maj tikitakan ika moneki maj amo tiyolijsiuikan? (Pro. 4:18; Mat. 17:22, 23; Luc. 24:5-8; Juan 16:12.)

Tanojnots 103

Kalakik maski tatsaktoya

1. ¿Toni kiiluij María se takat tein yej moluiaya ika katka se xochitajtekitikej, uan keniuj kimatik ika yekmelauj katka Jesús?

2. ¿Toni kinpanok ome imomachtijkauan Jesús keman yajtoyaj altepekonet Emaús?

3. Keman ome imomachtijkauan Jesús kiniluijtoyaj tatitanilmej ika kiitakej, ¿toni mochiuak tein kimojkaitakej?

4. ¿Kanachpaya kinimonextilij Jesús itatojtokakauan?

5. ¿Toni kijtoj Tomás keman kikakik ika imomachtijkauan Jesús kiitakej, uan toni mochiuak chikueyi tonal satepan?

Okseki netajtanilmej:

1. Xikixtajtolti Juan 20:11-29.

¿Kijtojtoya Jesús itech Juan 20:23 ika taltikpakneminij kipiaj tanauatil maj kintapojpoluikan imin itajtakoluan aksamej? Xikmelaua (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

2. Xikixtajtolti Lucas 24:13-43.

¿Toni moneki tikchiuaskej uan ijkon toyolo uelis kiselis itamachtilis Biblia tein melauak? (Luc. 24: 32, 33; Esd. 7:10; Hech. 16:14; Heb. 5:11-14.)

Tanojnots 104

Jesús oksepa yajki iluikak

1. ¿Kanachimej imomachtijkauan se tonal kiitakej Jesús, uan toni ika kininojnotsak?

2. ¿Toni itekiuajyo Dios, uan keniuj eski taltikpaknemilis keman Jesús tekiuajtitos se mil xiujtika?

3. ¿Kanachi tonal Jesús kinimonextilij imomachtijkauan, sayoj ika toni monekiaya kichiuas?

4. Tepitsin achto keman Jesús kinkauaskia imomachtijkauan, ¿toni kininauatij?

5. ¿Toni mochiujtok itech taixkopin, uan keyej amo uelikok moitak Jesús?

Okseki netajtanilmej:

1. Xikixtajtolti 1 Corintios 15:3-8.

¿Keyej tatitanil Pablo uelik ika tajtoj ineajokuilis Jesús ika miak takuaujtamatilis, uan toni ika uelis tajtoskej ika miak takuaujtamatilis axkan tein kichiuaj kemej Cristo? (1 Cor. 15:4, 7, 8; Isa. 2:2, 3; Mar. 13:10; 2 Tim. 3:1-5.)

2. Xikixtajtolti Hechos 1:1-11.

Ijkon kemej moijtoj itech Hechos 1:8 ika mochiuaskia, ¿kani ajsik tanojnotsalis? (Hech. 6:7; 9:31; 11:19-21; Col. 1:23.)

Tanojnots 105

Mochixkej Jerusalén

1. Kemej moita itech taixkopin, ¿toni kinpanotok itatojtokakauan Jesús tein mochixtoyaj Jerusalén?

2. ¿Toni kimojkakakkej takalpanouanij tein moajsiaj Jerusalén?

3. ¿Toni kinimelauilij Pedro taltikpakneminij?

4. ¿Keniuj momachilijkej miakej taltikpakneminij satepan keman kikakkej Pedro, uan toni monekia kichiuaskej?

5. ¿Kanachimej moauijkej itech iluit tein motokaytiaya Pentecostés?

Okseki netajtanilmej:

1. Xikixtajtolti Hechos 2:1-47.

1) ¿Keniuj kinextia itajtoluan Pedro itech Hechos 2:23, 36 ika nochin judíos kipiakej tajtakol maj kimiktianij Jesús? (1 Tes. 2:14, 15.)

2) ¿Toni kuali neskayot kikauak Pedro keman kimelauak tein kijtoua Biblia? (Hech. 2:16, 17, 29, 31, 36, 39; Col. 4:6.)

3) ¿Keniuj kitekitiltij Pedro yekinika “itatapoloni iluikak tekiuajyot” tein Jesús motenkaujka kimakaskia? (Hech. 2:14, 22-24, 37, 38; Mat. 16:19, NM.)

Tanojnots 106

Kiskej kampa tsaktoyaj

1. ¿Toni kinpanok Pedro uan Juan se tiotak keman kalaktiayaj templo?

2. Keman koxoj tajtanik tomin, ¿toni kiiluij Pedro uan toni kimakak tein okachi kipia ipatiuj ke tomin?

3. ¿Keyej kualankej tayekananij itech taneltokalis, uan toni kinchiuilijkej Pedro uan Juan?

4. ¿Toni kiniluij Pedro tayekananij itech taneltokalis, uan toni kininejmachtijkej tatitanilmej?

5. ¿Keyej tayekananij itech taneltokalis kininexikoluiayaj tatitanilmej, sayoj ika toni mochiuak keman ika ojpa kintsakkej?

6. ¿Keniuj tanankilijkej tatitanilmej keman kiniuikakej kampa yetoyaj oloch tamelauanij?

Okseki netajtanilmej:

1. Xikixtajtolti Hechos 3:1-10.

Maski axkan amo tiuelij tikchiuaj mouiskatekimej, ¿keniuj techpaleuia itajtoluan Pedro itech Hechos 3:6 maj tikitakan ika kitelpia ipatiuj kuali tanauatilmej ika iTekiuajyo Dios? (Juan 17:3; 2 Cor. 5:18-20; Fili. 3:8.)

2. Xikixtajtolti Hechos 4:1-31.

Keman tikpanoskej taixnamikilis ijkuak titanojnotsaskej, ¿keniuj no ijkon uelis tikchiuaskej kemej tokniuan kichiujkej itech imin tonaluan tatitanilmej? (Hech. 4:29, 31; Efe. 6:18-20; 1 Tes. 2:2.)

3. Xikixtajtolti Hechos 5:17-42.

Ijkon kemej ne uejkauj uan axkan, ¿keniuj tapaleuiaj taltikpakneminij maski amo itaixpantijkauan Jiova maj mosentoka tanojnotsalis? (Hech. 5:34-39.)

Tanojnots 107

Kitetenkej Esteban

1. ¿Akoni Esteban, uan toni kipaleuiaya Dios maj kichiua?

2. ¿Toni kijtoj Esteban tein kintelkualantij tayekananij itech taneltokalis?

3. Satepan keman kititilatskej Esteban uan kiajxitijkej altepetenoj, ¿toni kichiuilijkej?

4. Kemej moita itech taixkopin, ¿akoni telpoch tein ijkatok uan imets ixpan yetok seki taken?

5. ¿Toni Esteban kitajtanij Jiova itech netataujtil achtopa keman momikiliskia?

6. ¿Keniuj no ijkon uelis tikchiuaskej kemej Esteban keman aksa techchiuilis tein amo kuali?

Okseki netajtanilmej:

1. Xikixtajtolti Hechos 6:8-15.

¿Toni kichiuaj tayekananij itech taneltokalis tein ika kinekij kitsakuiltiskej imin tanojnotsalis itaixpantijkauan Jiova? (Hech. 6:9, 11, 13.)

2. Xikixtajtolti Hechos 7:1-60.

1) ¿Keyej uelik Esteban kipaleuij ika yolchikaualis kuali tanauatilmej imin ixpan oloch tamelauanij, uan toni technextilia nejin? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

2) ¿Toni tanemilil moneki tikixualtiskej uan tikinpialiskej tein kiixnamikij totanojnotsalis? (Hech. 7:58-60; Mat. 5:44; Luc. 23:33, 34.)

Tanojnots 108

Itech ojti tein yaya Damasco

1. ¿Toni kichiuak Saulo satepan keman kimiktijkej Esteban?

2. ¿Toni mochiuak tein kimojkaitakej keman Saulo yajtoya Damasco?

3. ¿Toni kinauatij Jesús maj kichiuani Saulo?

4. ¿Toni Jesús kinajnauatij Ananías, uan keniuj oksepa uelik tachiak Saulo?

5. ¿Ika toni tokayit satepan moixmatik Saulo, uan keniuj tel tekitik?

Okseki netajtanilmej:

1. Xikixtajtolti Hechos 8:1-4.

¿Keniuj kichiuak taixnamikilis, tein kipanokej yankuik oloch tokniuan tein monechikouayaj maj momoyauani kuali tanauatilmej, uan keniuj no ijkuitik mochiua axkan? (Hech. 8:4; Isa. 54:17.)

2. Xikixtajtolti Hechos 9:1-20.

¿Akonimej kinekia Jesús maj kininojnotsani Saulo? (Hech. 9:15; 13:5; 26:1; 27:24; Rom. 11:13.)

3. Xikixtajtolti Hechos 22:6-16.

¿Keniuj no ijkon uelis tikchiuaskej kemej Ananías, uan keyej motelneki? (Hech. 22:12; 1 Tim. 3:7; 1 Ped. 1:14-16; 2:12.)

4. Xikixtajtolti Hechos 26:8-20.

Tikmatiskej ika Saulo mochiuak itekitikauj Dios, ¿keniuj kiniyolchikaua tokniuan akin kipiaj imin namik tein amo taneltokaj? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

Tanojnots 109

Pedro kikalpanoj Cornelio

1. Kemej moita itech taixkopin, ¿akoni takat tein tankuaijkatok?

2. ¿Toni se ángel kiiluij Cornelio?

3. ¿Toni Dios kiitaltij Pedro keman yetoya ikalkuako Simón tein moajsia Jope?

4. ¿Keyej Pedro kiiluij Cornelio maj amo motankuaketsani niono maj kiueyichiuani?

5. ¿Keyej tamojkaitakej imomachtijkauan Jesús tein katkaj judíos tein yetoyaj iuan Pedro?

6. ¿Toni nemachtil tein motelneki technextilia keman Pedro kikalpanoj Cornelio?

Okseki netajtanilmej:

1. Xikixtajtolti Hechos 10:1-48.

¿Toni kinextia itajtoluan Pedro tein ijkuiliujtok itech Hechos 10:42 ika moneki motetapouis kuali tanauatilmej ika iTekiuajyo Dios? (Mat. 28:19; Mar. 13:10; Hech. 1:8.)

2. Xikixtajtolti Hechos 11:1-18.

¿Toni kichiuak Pedro keman moyekitak ika iespíritu Jiova kiojtokaltiaya maj kininojnotsani tein amo judíos, uan keniuj no ijkon uelis tikchiuaskej? (Hech. 11:17, 18; 2 Cor. 10:5; Efe. 5:17.)

Tanojnots 110

Timoteo katka itapaleuijkauj Pablo

1. ¿Akoni telpoch tein moita itech taixkopin, kani nemia, uan keniuj motokaytijkej imomaj uan iueyinan?

2. ¿Toni tanankilij Timoteo keman Pablo kitajtanij ox kinekia yas iuan Silas uan yejua, maj kininojnotsatij taltikpakneminij tein uejuejka kayomej?

3. ¿Kani yekinika kintokaytijkej tokniuan, tein kichiuaj kemej Cristo?

4. ¿Katiyejuan seki altepemej kampa takalpanojkej Pablo, Silas uan Timoteo keman kiskej Listra?

5. ¿Keniuj Timoteo kipaleuij Pablo, uan toni netajtanil moneki mochiuiliskej telpochmej axkan tonalmej?

Okseki netajtanilmej:

1. Xikixtajtolti Hechos 9:19-30.

¿Keniuj mopiak Pablo keman kipanouaya taixnamikilis ijkuak kitetapouiaya kuali tanauatilmej? (Hech. 9:22-25, 29, 30; Mat. 10:16.)

2. Xikixtajtolti Hechos 11:19-26.

¿Keniuj kinextia tein kijtoua Hechos 11:19-21, 26 ika iespíritu Jiova kixyekana tanojnotsalis?

3. Xikixtajtolti Hechos 13:13-16, 42-52.

¿Keniuj kinextia Hechos 13:51, 52 ika imomachtijkauan Jesús amo mokaujkej maj taixnamikilis kinpolouiliani yolchikaualis? (Mat. 10:14; Hech. 18:6; 1 Ped. 4:14.)

4. Xikixtajtolti Hechos 14:1-6, 19-28.

¿Keniuj tajtolmej ‘kinkaujkej imako Jiova’ techpaleuia, maj amo timoteltekipachokan keniuj tikinpaleuiskej tokniuan yankuikej? (Hech. 14:21-23; 20:32; Juan 6:44.)

5. Xikixtajtolti Hechos 16:1-5.

Keman Timoteo motemakak ika miak pakilis maj kineskayotianij itech inakayo, ¿keniuj kinextia ika moneki timotemakaskej ‘tikchiuaskej nochi ipanpatika kuali tanauatilmej’? (Hech. 16:3; 1 Cor. 9:23; 1 Tes. 2:8.)

6. Xikixtajtolti Hechos 18:1-11, 18-22.

¿Toni kinextia Hechos 18:9, 10 ika Jesús kixyekana tanojnotsalis, uan keniuj techyolseuia axkan tikmatiskej nejon? (Mat. 28:20.)

Tanojnots 111

Se telpoch tein kochik

1. ¿Akoni telpoch tein uetstok talpan, uan toni kipanok?

2. ¿Toni kichiuak Pablo keman kiitak ika telpoch momikilij?

3. ¿Kani yajkej Pablo, Timoteo uan tein imiuan yayaj, uan toni mochiuak keman motsakuilijkej Mileto?

4. ¿Toni tanauatijkej Agabo kinejmachtij Pablo, uan keniuj mochiuak kemej kijtoj tanauatijkej?

Okseki netajtanilmej:

1. Xikixtajtolti Hechos 20:7-38.

1) Kemej kijtoua itajtoluan Pablo itech Hechos 20:26, 27, ¿toni moneki tikchiuaskej uan ijkon ‘amo totajtakol eski komo se taltikpaknenkej ixpoliui’? (Eze. 33:8; Hech. 18:6, 7.)

2) Keman tokniuan ueuentsitsin tamachtiskej, ¿keyej moneki maj amo ‘kisekokauakan itajtol Dios tein melauak’? (Hech. 20:17, 29, 30; Tito 1:7-9; 2 Tim. 1:13.)

2. Xikixtajtolti Hechos 26:24-32.

¿Keniuj kikuik Pablo tein kinamikia kiselis kemej romano, uan ika nejon uelik kiuikak tanojnotsalis tein Jesús kinauatijka? (Hech. 9:15; 16:37, 38; 25:11, 12; 26:32; Luc. 21:12, 13.)

Tanojnots 112

Makiskej Malta

1. ¿Toni kipanok barco tein itech yaya Pablo keman panotoya Cretajkopa, se tal tein kiyoualouaya ueyiat?

2. ¿Toni kiniluij Pablo tein yayaj itech barco?

3. ¿Keyej kojkopinik barco?

4. ¿Toni tanauatij imin tayekankauj tajpianij tein kinitaya tein tsaktoyaj, uan kanachi taltikpakneminij kuali ajsikej atenoj?

5. ¿Keniuj motokaytiaya tal tein kiyoualouaya ueyiat, uan toni kichiuilijkej Pablo keman motamatilij ejekat?

Okseki netajtanilmej:

1. Xikixtajtolti Hechos 27:1-44.

Tanojnots kampa ika motajtoua tein kipanok Pablo keman yajki Roma, ¿keniuj techpaleuia maj titakuaujtamatikan ika nochi tein ijkuiliujtok itech Biblia ajsitok? (Hech. 27:16-19, 27-32; Luc. 1:3; 2 Tim. 3:16, 17.)

2. Xikixtajtolti Hechos 28:1-14.

Komo tein nemiaj Malta, maski amo kitekitiliayaj Dios, kininextilijkej ‘ueyi kualtakayot’ tatitanil Pablo uan tein iuan yayaj itech barco, ¿toni techolinia maj tikchiuakan tein tiktekitiliaj Dios, uan keniuj? (Hech. 28:1, 2; Heb. 13:1, 2; 1 Ped. 4:9.)

Tanojnots 113

Pablo moajsik Roma

1. ¿Akonimej kininojnotsak Pablo keman tsaktoya Roma?

2. ¿Akoni takalpanojkej tein tokotsyetok mesajixpan, uan keniuj kipaleuia Pablo?

3. ¿Akoni katka Epafrodito, uan toni kiuikak keman mokepak Filipos?

4. ¿Keyej kijkuilouilij Pablo se amat iteltasojikniuj Filemón?

5. ¿Toni kichiuak Pablo keman kikixtijkej, uan toni kipanok satepan?

6. ¿Akoni kikuik Jiova maj kijkuilouani amaixmej tein ika tami Biblia, uan toni ika tajtoua amaix tein itokay Apocalipsis?

Okseki netajtanilmej:

1. Xikixtajtolti Hechos 28:16-31 uan Filipenses 1:13.

¿Keniuj kikuik Pablo itonaluan keman tsaktoya Roma, uan keniuj kinpaleuij oloch tokniuan ichikauak takuaujtamatilis? (Hech. 28:23, 30; Fili. 1:14.)

2. Xikixtajtolti Filipenses 2:19-30.

¿Toni tajtolmej Pablo kinijkuilouilij Timoteo uan Epafrodito tein kinextiaya ika kintasojtaya, uan keniuj no ijkon uelis tikchiuaskej kemej tatitanil? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Xikixtajtolti Filemón 1-25.

1) ¿Keniuj Pablo kitataujtij Filemón maj kichiuani tein kuali, uan keniuj nejin kinpaleuia axkan tokniuan ueuentsitsin? (File. 9; 2 Cor. 8:8; Gál. 5:13.)

2) ¿Keniuj kinextia itajtoluan Pablo itech Filemón 13, 14, ika kipoujkaitaya imin tanemilil oksekin tokniuan tein monechikouayaj? (1 Cor. 8:7, 13; 10:31-33.)

4. Xikixtajtolti 2 Timoteo 4:7-9.

Ijkon kemej tatitanil Pablo, ¿keyej uelis titakuaujtamatiskej ika Jiova techtatiochiuis komo amo keman tikauaj, ta tiksentokaj ijkuak ejkos tamilis? (Mat. 24:13, NM; Heb. 6:10.)

Tanojnots 114

Itamilis nochi tein amo kuali

1. ¿Keyej Biblia ika tajtoua caballos ne iluikak?

2. ¿Keniuj motokaytia ineteuil Dios imiuan taltikpakneminij tein amo yolkualmej, uan keyej kiualkuiti neteuil?

3. Kemej moita itech taixkopin, ¿akoni kixyekanas neteuil, keyej kiuika se corona, uan toni kijtosneki maj kiuika se espada?

4. Kemej tikitakejya itech tanojnotsmej 10, 15 uan 33, ¿keyej maj amo tikmojkaitakan ika Dios kinixpoloti taltikpakneminij tein amo yolkualmej?

5. ¿Keniuj kinextiaj tanojnotsmej 36 uan 76 ika Dios kinixpolos taltikpakneminij tein amo yolkualmej maski kijtouaj ika kiueyichiuaj?

Okseki netajtanilmej:

1. Xikixtajtolti Apocalipsis 19:11-16.

1) ¿Keniuj kiyeknextia Biblia ika tein ipan youi istak caballo yejua Jesucristo? (Apo. 1:5; 3:14; 19:11; Isa. 11:4.)

2) ¿Keniuj itaken Jesús tein kiuika pani maj esyoj, kiyeknextia ika yej amo ijkon kikauas neteuil, ta senkis tatanis? (Apo. 14:18-20; 19:13.)

3) ¿Akonimej acha no teuantij imiuan tateuianij tein kitojtokaj Jesús ika iistak caballo? (Apo. 2:26, 27; 12:7; 19:14; Mat. 25:31, 32.)

Tanojnots 115

Se yankuik xochital nikan Taltikpak

1. Kemej kijtoua Biblia, ¿keniuj tinemiskej itech Xochital nikan Taltikpak?

2. ¿Toni motenkaua Biblia tein kipanoskej akin nemiskej itech Xochital?

3. ¿Kemanian kiitas Jesús maj mochiua nochi tein kuali?

4. Keman Jesús yetoya nikan Taltikpak, ¿toni kichiuak uan ijkon kinextij tein kichiuaskia kemej Tekiuaj itech iTekiuajyo Dios?

5. Jesús uan tein iuan tekiuajtiskej ne iluikak ipan Taltikpak, ¿toni kiitaskej maj mochiua?

Okseki netajtanilmej:

1. Xikixtajtolti Apocalipsis 5:9, 10.

¿Keyej uelis titakuaujtamatiskej ika tekiuanij uan tiopixkamej tein Tekiuajtiskej se Mil Xiujtika ipan Taltikpak, techajsikamatiskej uan techikneliskej? (Efe. 4:20-24; 1 Ped. 1:7; 3:8; 5:6-10.)

2. Xikixtajtolti Apocalipsis 14:1-3.

¿Toni kijtosneki maj imin ixkuako 144,000 taijitalmej ijkuiliujtokan itokay toTajtsin uan itokay Ichkakonet? (1 Cor. 3:23; 2 Tim. 2:19; Apo. 3:12.)

Tanojnots 116

Keniuj uelis tinemiskej nochipaya

1. ¿Toni moneki timomachtiskej komo tiknekij tinemiskej nochipaya?

2. Ijkon kemej kichiujtokej siuapil uan itasojikniuan itech taixkopin, ¿keniuj uelis tikixmatiskej Jiova uan Jesús?

3. ¿Toni okse amaix moita itech taixkopin, uan keyej moneki tikixtajtoltiskej mojmostaj?

4. Maski tikixmattiaskejya Jiova uan Jesús, ¿toni okse taman moneki tikchiuaskej uan ijkon uelis tikpiaskej nemilis nochipaya?

5. ¿Toni technextilia tanojnots 69?

6. ¿Toni technextilia ikuali neskayot konet Samuel itech tanojnots 55?

7. ¿Keniuj uelis tiktojtokaskej ineskayo Jesucristo, uan komo tikchiuaj, toni uelis ika tiyolpakiskej amo uejkaua?

Okseki netajtanilmej:

1. Xikixtajtolti Juan 17:3.

¿Keniuj kinextia Biblia ika se kiixmatis Jiova uan Jesucristo, amo sayoj kijtosneki maj se kielnamiki tein se momachtia? (Mat. 7:21; Sant. 2:18-20; 1 Juan 2:17.)

2. Xikixtajtolti Salmo 145:1-21.

1) Onkak miak taman keyej moneki tikueyichiuaskej Jiova, ¿uelis tikijtos seki? (Sal. 145:8-11; Apo. 4:11.)

2) ¿Keniuj Jiova ‘yolkuali imiuan nochin taltikpakneminij’, uan keniuj nejin moneki techpaleuis maj okachi timotokikan iuan? (Sal. 145:9; Mat. 5:43-45.)

3) Komo tiktasojtaj Jiova, ¿toni techolinis maj tikchiuakan? (Sal. 119:171, 172, 175; 145:11, 12, 21.)