TAXELOL 3

Peua keman kiskej Egipto uan tami ika yekinika imin tekiuaj israelitas

Keman Moisés kinkixtij israelitas Egipto kampa kinteltekitiltiayaj, kinajxitij itech tepet Sinaí kampa Dios kinimakak Itanauatiluan. Satepan, Moisés kintitanik 12 takamej maj kionpijpianij tal tein pouia Canaán. Keman mokepkej, majtakti kitemakakej se tanauatil tein amo kualtsin. Kichiujkej maj israelitas kinekikan mokepaskej Egipto. Kemej amo takuaujtamatiaj iuan Dios, yej kintatsakuiltij israelitas maj nentinemikan taluakyan 40 xiujmej.

Satepan, kijitakej Josué maj yejua kinpanoltiani israelitas itech tal tein pouia Canaán. Ika mouiskatekimej Jiova kinpaleuij maj moaxkatilianij talmej. Kichiuak maj motsakuiliani ueyiat Jordán, tepamit tein kiyoualouaya Jericó maj xitinini uan Tonaltsin maj motsakuiliani se tonal ajsitok. Chikuasen xiuit satepan, israelitas kintalkuilijkej cananeos.

Tamelauanij kinixyekankej israelitas 356 xiujmej, uan peujteuak Josué. Timomachtiskej tein kichiujkej tamelauanij kemej Barac, Gedeón, Jefté, Sansón uan Samuel. No tikixtajtoltiskej tein kichiujkej siuamej kemej Rahab, Débora, Jael, Rut, Noemí uan Dalila. Nochi tein mochiuak itech Taxelol EYI, panok 396 xiujmej.