TAXELOL 8

Tein Biblia achtook kijtoua mochiua

Biblia amo sayoj kijtoua tein yekmelauj mochiuak ne uejkauj, ta no kijtoua tein mochiuas amo uejkaua. Taltikpakneminij amo uelij kijtouaj tein mochiuas satepan. Yejika ueli tikmatij ika Biblia ualeua imako Dios. ¿Toni kijtoua Biblia ika mochiuas satepan?

Kijtoua ika Dios kiualkuiti se ueyi neteuil. Itech nejon neteuil, Jiova kijkuanis tein amo kuali uan taltikpakneminij tein amo yolkualmej, sayoj kinimakixtis tein kitekitiliaj. Jesucristo, akin Dios kijitak, kiitas maj itekitikauan Dios kipiakan yekyetolis uan yolpakilis, uan maj amo keman kokolispeuakan niono maj momikilikan.

¿Melauj ika semi tiyolpakij tikmatiskej ika Dios kiualkuiti se yankuik xochital nikan Taltikpak? Sayoj ika moneki tikchiuaskej teisa komo tiknekij tinemiskej itech xochital. Nejin amaix, itech itamian tanojnots, timomachtiskej tein moneki tikchiuaskej, uan ijkon uelis tiyolpakiskej ika uejueyi tachiualismej tein Dios kinimakati tein kitekitiliaj. Yejika, xikixtajtolti Taxelol CHIKUEYI uan xikmati toni kijtoua Biblia tein mochiuati amo uejkaua.