Biblia kijtoua tein Dios kineki maj kimatikan taltikpakneminij. Yejua ika moijtoua ke yejua nejin iTajtol Dios. Techmachtia toni moneki tikchiuaskej tein techpaleuis maj tiyolpakikan, uan maj tikyolpaktikan Akin techchijchiuak, uan kinankilia netajtanilmej tein motelnekij kemej nejin:

Biblia kipia 66 amatajkuilolmej. Moxeloua ika Escrituras Hebreoarameas uan Escrituras Griegas Cristianas. Sekin no kitokaytiaj Antiguo Testamento uan Nuevo Testamento. Itech Biblia, sejse amatajkuilol moxeloua ika capítulos, uan sejse capítulo moxeloua ika versículos. Keman ixnesi se texto, achto moita itokay amatajkuilol, satepan se tapoual tein kijtosneki capítulo, uan satepan se oso seki tapoualmej tein kijtosneki versículo oso versículos. Kemej neskayot, Génesis 1:1 kijtosneki Génesis capítulo 1, versículo 1.