NETAJTANIL 2
¿Keniuj uelis tikonixmatis Dios?
“Nejin amaix tein kipia tanauatil maj amo kitalkaui motenoj, uan youal uan tonal moneki tikixtajtoltis ika tajtol amo chikauak, uan ijkon uelis tikyekitas keniuj tikchiuas nochi tein ompa ijkuiliujtok; porin ijkon tein tikchiuas kuali kisas uan tikchiuas teisa ika tamatilis.”
“Uan kisentokakej kiixtajtoltijkej chikauak amaix, tein kipia iTanauatil Dios akin melauak, tein kuali kimelauayaj uan kijtouayaj tein kijtosnekia; ijkon yejuan kinpaleuiayaj taltikpakneminij maj kiajsikamatikan tein moixtajtoltijtoya.”
(Nehemías 8:8)
“Yolpaki takat akin amo kitojtoka inintayolmajxitilis akin amo yolkualmej [...]. Ta itanejnekilis yetok itech itanauatil Jiova, uan youal uan tonal kiixtajtoltia ika tajtol amo chikauak [...], uan nochi tein kichiuas kuali kisas.”
(Salmo 1:1-3)
“Uan kuak motalo uan motokito in Felipe, ijkuakon kikayik ke ne tayekanke kileerojtoya in Tajkuilolamatsin ten kijkuiloko ne tanauatijke Isaías. Ijkuakon in Felipe kitajtoltij ne tagat ijkuin: —¿Xe tikonajsikamatilia de nojon tikinleerojtok? Uan in tayekanke kinankilij ijkuin: —¿Kenin uelis nikajsikamatis? Ta, amo aken nechyekmejmelauilia.”
“Maski Yejuatsin amo mota, [...] kuali tikitstinemij itachijchiu de Dios desde kuak Yejuatsin kitsineualtij in taltikpak. Uan ijkon tikajsikamatij ke Yejuatsin se Dios uan ke ne Dios kipixtinemi nochi uelilis para sen nachipa.”
“Xiksentoka xikchiutinemi nijin tanauatilme. Xiksenkui ximomachtijtiu nijin tamachtilme para ma kitakan in taneltokani ke motakuautamatilis kachi momajxitijtiu.”
“Ma tiktemolijtiyakan de keniu timopaleuijtiyaske se uan okse uan de keniu timotasojtatiyaske se uan okse uan de keniu tikchiutiyaske in kuali tachiualisme. Uan sekin tokniuan amo mosentilijtinemij para kimouistiliske Dios pero ma amo ijkon ma tikchiutinemikan tejuan.”
“Komo aksame tokniuan taneltokani kipoloaj in kuali taixejekolis, ijkuakon ma kitajtanilikan Totajtsin Dios uan Yejuatsin kinmakas ne tamachilis ten [kinpoloua]. Porin Yejuatsin nachipa kitetayokolijtika.”
