NETAJTANIL 7
¿Toni achtook kijtojka Biblia ika totonaluan?
“Peuas moajokuiske pueblojuani uan moteuiske se uan okse pueblojuani, uan in tagayot den se país moajokuiske uan moteuiske se uan okse tagayot. [...] Uan kuak nochi nijin mochiuas ya, yej ne kijtosneki ke yekin peutiu mochiutiu ueyi tajyouilis.”
“Miakke monextiske naken xolopijtijtinemiske uan kijtojtinemiske ke yejuan ya tanauatiani de Dios uan ijkon kinkajkayauaske miakke taneltokani. Uan ijkon momiaktilis miak ten amo kuali tachiualisme, uan ika nojon miakke taneltokani kikauaske ne tasojtalis se uan okse.”
“Uan kuak nankikakiske de ne teuilis uan miak ne moutil de ne teuilis, ijkuakon amo ximoyoltapololtikan porin ipa moneki ma ijkon mochiuas. Pero ayamo ejkos in tamilis.”
“Mochiuas ke miakkan talolinis. Uan tech miakkan pueblojme mochiuati mayanti uan tetsaukakokolisti. Uan no ejekaixko nankitaske tetsaukaneskayome uan no uejueyi nemoutil mochiuakiu.”
“Tech ne takuitapan tonalme topan uetsikiu ne ueyi tajyouilis. Uan nemiske in tagayot ijkuin: Motasojtatinemiske yejuan san, uan yejuan xijxikuintinemiske ika tomin san, uan moueyichiutinemiske uan moueyinektinemiske. Uan ijkon yejuan kitelchiutinemiske Totajtsin Dios, uan amo kintakamatiske ok nintatuan. Uan amo no teyi ika motasojkamachiliske [...]. Uan ijkon nochi nojonkes amo kipiaj ok tetasojtalis nion no teiknelijtinemij. Uan yejuan sayo tepajpantinemiske [...], uan amo ueli motsakuiliaj ok den nintanejnekilis ten kualkui tajtakol. Uan nojonkes no kuelitaj san kintajyouiltiske aksame ika toneukayot, uan no kitauelitstinemij nochi ten kuali. Uan yejuan nojonkes amo uelis se takuautamatis inuan porin sayo takajkayauaj. Uan yejuan nojonkes eliuistijtinemij san; uan mopoutinemij ke semi ueyi chiuanime. Uan yejuan sayo kitemojtinemij kenin moyolpaktijtinemiske pero amo kitemojtinemij kenin para kiyolpaktijtinemiske Dios. Yejuan nojonkes mopoutinemiske no keme taneltokani uan kinejneuililtiske keme in takuautamatilis ten melau, pero yejuan kimajpeutiyoue.”