NETAJTANIL 17
¿Keniuj uelis tiyolpakiskej kemej kalyetouanij?
TAKAMEJ AKIN NAMIKYEJKEJ/TETATMEJ
“Teyokichuan ma kintasojtatinemikan ninsiuauan ika ne tetasojtalis tenika cada se teyokich mopialitinemi uan motasojtatinemi. Porin ne teyokich ten kitasotajtinemi isiuatsin, yejua nojon no mopialitinemi uan motasojtatinemi yejua san mismo. Uan amo aken kitauelitstinemi de yejua itakayo san. Ta, cada se tagat motasojtatinemi kuak motekipanoa uan moyekpia.” “Teyokich moneki kitasojtas isiuau ijkon keme in teyokich mopialitinemi yejua mismo ika ne yek tetasojtalis.”
“Tetatmej, amo xikinkualantijtokan nanmokoneuan, ta xiksentokakan xikiniskaltikan itech itamachtilis uan itayolmajxitilis Jiova.”
(Efesios 6:4, TNM)
SIUAMEJ AKIN NAMIKYEJKEJ
“Se tesiuau moneki ma momouiskauika iuan iyokich.”
“Namejuan nantesiuauan den nantaneltokani, moneki ximotekauilikan ma namechyekanakan namoyokichuan. Uan nochi nijin kimonekiltia Totekotsin.”
KONEMEJ
“Namejuan ten nankonetsitsin, moneki xikintakamatiyakan namotatuan para ma ijkon ixnestiyas ke nantakuautamatij iuan Totekotsin porin ijkon namechnamiki xikchiutinemikan. Uan in tanauatil de Dios kijtoa ijkuin: ‘Xikmouistilijtiu motajtsin uan monantsin, para ijkon tiyolpaktinemis uan ijkon tinentinemis miak xiuit nikan taltikpak’. Uan nijin achto tanauatil techyekilia ke tikselijtiyaske itatiochiualis de Dios.”
“Namejuan, nantekoneuan de nantaneltokani, moneki xikintakamatinemikan namoteiskaltijkauan tech nochi namonemilispan porin ika nijin namotatakamatilis nankiyolpaktiaj Totekotsin.”