Komo tikpia netasojtalis uelis tikpias se motasojikniuj. Komo tiksentoka tikixmati Jiova, okachi tiktasojtas uan okachi tiknejnekis tiktekitilis. Nejin mitspaleuis ximochiua xiimomachtijkauj Jesucristo (Mateo 28:19). Uelis tikpias Dios kemej motasojikniuj nochipaya, komo timosentilia imiuan itaixpantijkauan Jiova, kemej eskia timosentilijtoskia imiuan kalyetouanij tein yolpakij. ¿Toni moneki tikchiuas komo tikneki tipouis imiuan?

Komo tiktakamati itanauatiluan Dios tiknextijtos ika tiktasojta. «Uan nestinemi ke melauj tikpiaj ne netasojtalis de Dios, ijkuak no tiktakamatij ya in tanauatil tein Dios technauatilia maj tikchiujtinemikan. Uan in tanauatilmej de Dios amo techmachililtia ke ox semi ouij para se kintakamattinemis.» (1 Juan 5:3.)

Xikchiua tein timomachtia. Jesús kitetapouij se neskayot tein kinextia nejin tanemilil. Se takat yolmajsitok kichijchiuj ichan tepani, uan se takat tein amo yolmajsitok kichijchiuj ichan xalpani. Keman ualaj se tel ueyi kiouit, kali tein tachijchiuj tepani amo uetsik, sayoj ika kali tein tachijchiuj xalpani uetsik uan neli takakistik. Jesús kijtoj ika taltikpakneminij tein kikakij itamachtilisuan, ijkuitikej kemej takat yolmajsitok tein kichijchiuj ichan tepani. No kijtoj ika tein kikakij itamachtilisuan uan amo kichiuaj, ijkuitikej kemej nejon takat tein amo yolmajsitok uan kichijchiuj ichan xalpani. ¿Katiyej takat tikneki titamatis? (Mateo 7:24-27.)

 Ximotemakti iuan Dios. Uelis tikiluis Jiova itech se netatataujtilis ika tikneki tikchiuas nochipaya tein yej kiyolpaktia. Komo tikchiua tein Dios kiyolpaktia tiknextijtos ika tiimomachtijkauj Jesucristo (Mateo 11:29).

Ximoaui. «Maj mitsauikan. [...] Ijkon toTajtsin Dios mitschijchipauilis motajtakoluan.» (Hechos 22:16.)

Xiktekitili Dios nochi tein tiuelis. «Nochi tein yeski tekit nankichiujtoskej, xikchiuakan ika yolpakilis, ijkon kemej nankitekitilijtoskiaj Jiova, uan amo taltikpakneminij.» (Colosenses 3:23, NM.)