Komo tiknekij maj aksa kisentoka mochiujto totasojikniuj, moneki titajtoskej iuan. Tiktajtolkakij uan yej no techtajtolkaki. Keman timonojnotsaj imiuan oksekin titajtouaj ika ikuali tachiualisuan. No ijkui chiui komo tiknekij maj kisentoka mochiujto totasojikniuj Dios. Xikita toni kijtoua Biblia tein moneki maj tikchiuakan.

Maj timotatataujtilikan iuan Jiova mojmostaj. «Xiksentokakan de nanmotatataujtiliskej iuan Dios.» (Romanos 12:12.)

Maj tikixtajtoltikan Biblia, iTajtol Dios. «Uan nochi in Tajkuilolamatsitsin nochi yejuan Dios kichiuak ika ichikaualisuan. [...] Uelis se kikuitinemis para ika se tamachtijtinemis [...] para ika se kintaneltoktijtinemis [...] para ika kinyolmelaujtiyas uan para ika se kinmachtijtiyas.» (2 Timoteo 3:16.)

Maj tikinimachtikan oksekin maj kixmatikan Dios. «Uan axkan xiyakan nochi itech in semanauak uan xikinnextilikan nochi in taltikpakuanij maj yejuan no maj mochiuakan nomomachtijkauan. Uan xikinmachtikan maj tatakamatikan nochi ika in tanextililismej tein namechnajnauatiaj maj no xikchiuakan.» (Mateo 28:19, 20.)

 Maj timotokikan imiuan itasojikniuan Dios. «Akin nentinemi imiuan tein tamatinij mochiuas tamatkej.» (Proverbios 13:20, NM.)

Maj tiakan nechikolmej tein mochiuaj itech Kali kampa mosentiliaj iTaixpantijkauan Jiova. «Moneki maj tiktemolijtiyakan de keniuj timopaleuijtiyaskej se uan okse uan de keniuj timotasojtatiyaskej se uan okse uan de keniuj tikchiujtiyaskej in kuali tachiualismej. [...] Uan okachi ok maj timopaleuijtiyakan se uan okse.» (Hebreos 10:24, 25.)

Maj titapaleuikan maj mosentoka tekit ika iTekiuajyo Dios. «Uan kada semej taneltokanij maj kitemaka itapaleuilis ijkon kemej yejua kinemilij ya ke kitemakas. Uan kada tokniuj, maj amo kitemaka itapaleuilis ika ne yolkokolis. Uan amo no maj kitemaka tapaleuilis porin kimachilia ke Dios kifuersajuia maj kitemaka. Porin toTajtsin Dios kitasojta se takat tein kitemaka itapaleuilis ika yolpakilis.» (2 Corintios 9:7.)