Xochital amo eski kemej yekintsin taltikpak chiujtok. Dios amo keman kinekik maj pexontoni taltikpak ika miak nekuejmololmej, tekokojkayot uan tajyouilis. Amo uejkaua, Dios kichiuas Taltikpak se xochital. ¿Kenijkui eski? Maj tikitakan toni kijtoua Biblia.

Taltikpakneminij yolkualmej. Itech Xochital nemiskej itasojikniuan Dios. Yejuan kichiuaskej tachiualismej tein kuali se iuan okse uan kitakamatiskej itanauatiluan Jiova tein melaujkej (Proverbios 2:21).

Tel miak takual. Itech Xochital, amo akinok mayanpanos. Biblia kijtoua: «Amo keman mayantinemiskej ok, niono keman amiktinemiskej ok» (Apocalipsis [Revelación] 7:16).

Kuali kalmej uan tekit tein teyolpaktis. Keman Taltikpak eski se xochital, nochin kalyetouanij kipiaskej iminchan, uan nochin taltikpakneminij kipiaskej se tekit tein kiniyolpaktis (Isaías 65:21-23).

 Yekyetolis semanauak taltikpak. Taltikpakneminij amo kemanok moteuiskej niono mikiskej itech neteuilismej. ITajtol Dios kijtoua: «[Dios] kitamia neteuilismej» (Salmo 46:8, 9, Nuevo Mundo [NM]).

Amo akinok kokoliskuis. Biblia motentalia: «Niose taltikpaknenkej [itech Xochital] kijtos: “Nimokokoua”» (Isaías 33:24, NM). Amo no onkasok koxojmej, tein amo tachiaj, tein amo takakij, niono tein amo uelij tajtouaj (Isaías 35:5, 6).

Amo onkasok tayokol, tekokojkayot niono mikilis. ITajtol Dios kijtoua: «Uan amo akin momikilis ok; uan amo akin mochoktis ok; uan amo akin motekipachos ok; uan amo akin yoltajyouis ok. Uan ijkon eski porin nochi tajtamik ya de ne achtopa onkaya» (Apocalipsis 21:4).

Amo onkaskejok taltikpakneminij tein amo yolkualmej. Jiova motentalia: «Uan nochi namejuan den tatelchiualmej nantamelauaskej kampa ne tatsakuiltilis tein amo keman tamis» (Mateo 25:46).

Taltikpakneminij motasojtaskej uan mopoujkaitaskej se iuan okse. Amo onkasok tachichikouilis, tajyouilis, xijxikuiyot niono netauelitalis. Taltikpakneminij moyekuikaskej uan kitakamatiskej itanauatiluan Dios tein melaujkej (Isaías 26:9).