TAXELOL SE
“Tein poliujtok niktemos”
Ichkat senkis mopoloj. Keman takuajtoya amo kiitak keniuj mouejkatilij. Axkan amo kinitaok okseki ichkamej nion ichkatajpixkej. Moajsi iselti kampa ouijkan uan onkak tekuanimej, uan peua tayouaya. Sayoj ke, ompa kikaki aksa akin kitenixmati: ¡yejua ichkatajpixkej! Yejua kiajsiti ichkat, kiajokui, kipiki ika itaken uan kiuika ichan.
MIAKPA Jiova moneskayotia kemej se ichkatajpixkej. Itech iTajtol techyekiluia: “Nikintemos noichkauan uan nikinyekpias” (Ezequiel 34:11, 12).
“Nikinyekpias noichkauan”
¿Akonimej iichkauan Jiova? Ika amo miak tajtolmej, yejuan akin kitasojtaj uan kiueyichiuaj. Biblia kijtoua: “Xikalakikan, maj tikueyichiuakan uan maj timoixpilokan; maj timotankuaketsakan iixpan Jiova akin techchijchiuak. Porin yejua toDios, uan tejuan timochiuaj xolal akin kintakualtia, ichkamej tein kinyekpia” (Salmo 95:6, 7). Akin kiueyichiuaj Jiova kinekij kitojtokaskej ininichkatajpixkauj, ijkon kemej kichiuaj ichkamej. Sayoj ke amo nochipa uelij. Kemansa itekitikauan Dios tamatij kemej ichkamej tein moyaujtokej oso poliujtokej (Ezequiel 34:12; Mateo 15:24; 1 Pedro 2:25). Maski ijkon, keman aksa mouejkatilia, Jiova amo kisenkaua, ta kiita kemej se ichkat tein uelis mokepas.
¿Tikonsentoka tikonita Jiova kemej moichkatajpixkauj? Itech totonaluan, ¿keniuj techyekpia kemej se ichkatajpixkej?
Jiova kemej yeskia techtamaka. Jiova kijtoua: “Nikintakualtis kampa tel onkak sakat”. No motenkaua: “Ompa motekaskej itech talmej kampa tel sakataj uan takuaskej ixtauat kampa tel taselistok” (Ezequiel 34:14). Jiova nochipa techmakani miak taman tamachtilis keman moneki tein kemej yeskia takual. ¿Tikonelnamiki se tamachtilis, tanojnots oso video tein kinankilij monetataujtil? ¿Tikonmachilij ke Jiova moka motekipachoua?
Techyekpia uan techpaleuia. Jiova motenkaua: “Tein moxeloj oksepa nikualkuis, tein takokol nikpajtis, uan tein taxokolil nikchikauas” (Ezequiel 34:16). Jiova kinyolchikaua akin kinekij mosenkauaskej oso amo kuali momachiliaj porin motekipachojtokej. Yejuatsin kinpajtia ichkamej tein kinkokojkej, hasta komo kinyolkokoj se tokniuj itech nechikol. Uan kinpaleuia maj mokepakan akin poliujtokej uan akin amo kuali momachiliaj.
Techtemoua komo timopolouaj. Jiova kijtoua: “Nikinmakixtis itech nochi kampa momoyaujkej”. Uan no motenkaua: “Tein poliujtok niktemos” (Ezequiel 34:12, 16). Jiova kiita ke se ichkat tein poliujtok uelis mokepas. Yejuatsin kimati keman se ichkat poliui, yejua ika, kitemoua uan yolpaki keman kiajsi (Mateo 18:12-14). Tein melauj, yejuatsin kintokaytia itekitikauan ‘noichkauan, ichkamej akin nikinyekpia’ (Ezequiel 34:31). Tejuatsin semej nejon ichkamej.
Jiova kiita ke se ichkat tein poliujtok uelis mokepas. Yejuatsin semi yolpaki keman kiajsi
“Xitechualkuili tonalmej tein yankuikej ijkon kemej ne uejkauj”
¿Tikonmati keyej Jiova mitsonyoleujtok iuan xionmokepa? Porin kineki xionyolpaki. Yejuatsin motenkaua kinmakas miak tatiochiualismej iichkauan (Ezequiel 34:26). Uan Jiova amo keman takajkayaua. Tejuatsin tikonitaniya itech monemilis ke melauak nejon.
Xikonelnamiki tein tikonmachilij keman peuak tikonixmatik Jiova. Kemej neskayot, keman tikonmatik itokay uan tein kiixtalijtok kinmakas taltikpakneminij. ¿Tikonelnamiki keniuj semi mitsonyolchikauaya tionyetos iniuan tokniuan itech uejueyi nechikolmej? Uan keman tikonteixmatiltiaya kuali tanauatilmej tein kitemaka Biblia, ¿melauj ke tionyolpakia uan kuali tionmomachiliaya keman tionmokepaya mochan?
Uelis oksepa ijkon tionmomachilis. Ne uejkauj itekitikauan Dios motataujtijkej: “Xitechkepa mouan, Jiova, uan niman timokepaskej. Xitechualkuili tonalmej tein yankuikej ijkon kemej ne uejkauj” (Lamentaciones 5:21). Jiova kinnankilij, uan ixolal oksepa kitekitilij ika yolpakilis (Nehemías 8:17). Yejuatsin no ijkon kichiuas mouan.
Maski ijkon, akin kiixtaliaj mokepaskej iuan Jiova kimachiliskej ke ouij kichiuaskej. Itech okse tamachtilis tikitaskej seki nejon ouijkayomej uan keniuj uelis tikonixnamikis.
Xa no tikonuelitas
VIDEOS
Itamachtilis Dios tesentilia
Uejueyi nechikolmej “Itamachtilis Dios” kinpaleuij miakej akin kayomej itech tataman altepemej. ¿Keniuj?
VIDEOS
Itaixpantijkauan Jiova: kinextiaj ueyi takuaujtamatilis. Taxelol 1: Kisaj itech tayouayanilot
Xikonita tein kipanokej seki itatojtokakauan Cristo akin kiixtalijkej kiteixmatiltiskej tein yekmelauj tamachtia Biblia ika yolchikaualis uan kichiuaskej ijkon kemej kijtoua. Tein kichiujkej mitsonpaleuis xikontekitili Dios uan amo xikonkaua.
VIDEOS
Itaixpantijkauan Jiova: kinextiaj ueyi takuaujtamatilis. Taxelol 2: Kikauaj maj petani tanex
Jesús tanauatij maj noyampa tikinpaleuikan taltikpakneminij maj mochiuakan itatojtokakauan. Satepan ke kixikojkej tel miak ouijkayomej, Momachtianij ika Biblia kiajsikamatkej tein yekmelauj kijtosneki maj kikauakan maj petani tanex ika tein melauak.
