TAXELOL 9
¿Kemanian mochiuas taltikpak se xochital?
Kuejmolmej tein onkak axkan kinextiaj ke nejon Tekiuajyot amo uejkaua tekitis (Lucas 21:10, 11; 2 Timoteo 3:1-5)
Ne uejkauj, Biblia kijtoj ke onkaskia kuejmolmej tein axkan tikitaj. Kinextij ke konemej amo tatakamatiskiaj uan oksekin eskiaj tel amo yolkualmej uan sayoj kitelnekiskiaj tomin uan okseki taman tein ika moyolpaktiskiaj.
No moijtoj ke onkaskia uejueyi talolinilis, neteuilis, mayanti uan miak kokolismej. Nochi nejon mochiujtok axkan.
Jesús kijtoj ke noyampa motetapouiskia iTekiuajyo Dios (Mateo 24:14).
ITekiuajyo Dios kiixpolos nochi tein amo kuali (2 Pedro 3:13)
Amo uejkaua Jiova kinixpolos tein amo yolkualmej.
Satanás uan iamokuali ejekauan kintatsakuiltiskej.
Tein kitakamatiskej Dios nemiskej itech taltikpak kampa nochin kipiaskej netasojtalis, yolseuilis, melaujkayot uan amo akin moujkanemis. Nochin takuaujtamatiskej se iuan okse.
Xa no tikonuelitas
LIBROS UAN FOLLETOS
¿Toni iTekiuajyo Dios?
Keman Jesús ualaj nikan taltikpak, uelik kinextij tein kichiuas itaixyekanalis Dios.
LIBROS UAN FOLLETOS
¿Ejkos tonal keman tamis tajyouilis?
Biblia kijtoua ke Dios kitauelita teikamauiltilis uan yekmelauj kitekipachoua tein kinpanoua taltikpakneminij. ¿Keniuj mitsonpaleuis komo tikonmati nejon?
