TAXELOL 3
¿Keniuj katka nemilis itech xochital tein moajsia Edén?
Dios kinmakak Adán uan Eva miak taman tein kuali (Génesis 1:28)
Jiova kichijchiuak yekinika siuat, Eva, uan kimaktilij Adán maj mochiua inamik (Génesis 2:21, 22).
Dios kinchijchiuak Adán uan Eva yektikej. Imin tanemilil uan imin nakayo nion tepitsin kipiaya tein amo kuali.
Nemiaj itech xochital tein moajsia Edén kampa onkayaj koujmej, tapialmej uan se ueyiat. Katka tel takualtsinkan.
Jiova kinnojnotsaya uan kinnextiliaya miak taman. Komo kikakiskiaj Dios nemiskiaj nochipaya nikan taltikpak.
Dios kinnauatij maj amo kikuakan itakilo semej koujmej (Génesis 2:16, 17)
Se ángel tein amo yolkuali kiixnamikik Dios. Nejon ángel yejua Amokuali Satanás.
Dios kinnauatij Adán uan Eva maj amo kikuakan itakilo semej koujmej tein moajsiaj itech xochital. Komo kikuaskiaj, momikiliskiaj.
Satanás amo kinekia maj kitakamatikan Jiova. Ika se kouat kiiluij Eva ke amo melauak momikiliskia komo kikuaskia nejon takilot tein kiiluijkaj maj amo kikua. Kiiluij ke mochiuaskia kemej Dios. ¡Nejon se tel ueyi takajkayaualis! (Génesis 3:1-5.)
Xa no tikonuelitas
SEKI TAMAN TEIN BIBLIA TAMACHTIA TEIN TAYEKANTOKEJ
¿Keyej Dios kichijchiuak taltikpak?
Taltikpak tel kualtsin. Xeliujtok iuan tonaltsin kemej kinamiki, nakasikayetok, uan momalakachoua kemej kinamiki. ¿Keyej Dios semi mochikauak kichijchiuas taltikpak?
BIBLIA, ¿TONI IKA TAJTOUA?
Dios kintayokolij taltikpakneminij se xochital
¿Keniuj kijtoua Biblia ke Dios kinchijchiuak taltikpakneminij? ¿Toni tanauatilmej yejuatsin kinmakak yekinika takat uan yekinika siuat?
