XIKINPALEUI MAJ KITOJTOKAKAN CRISTO
TAMACHTILIS 10
Xikonpaleui akin tikonmachtia
Tein Biblia kijtoua: “Kemej semi tamechtasojtaj, ika miak pakilis tamechixmatiltijkej ikuali tajtoluan Dios, uan no hasta timotemakakej timikiskej para tamechpaleuiskej” (1 Tes. 2:8).
Tein Jesús kichiuak
1. Xikonita VIDEO oso xikonlero Juan 3:1, 2. Ompa xiontanemili itech nejin netajtanilmej:
-
1). ¿Keyej xa Nicodemo kiitato Jesús keman youakya katka? (Xikonita Juan 12:42, 43).
-
2). ¿Keniuj kinextij Jesús ke kinekia kinpaleuis oksekin maj kitojtokakan?
¿Toni techmachtia tein kichiuak Jesús?
2. Kemej tikintasojtaj oksekin, tikitaj ke moneki tikinpaleuiskej maj kitojtokakan Cristo.
Xikonchiua kemej Jesús
3. Xiontamachti itech hora keman uelis akin tikonmachtia uan no kampa yejua uelis. ¿Kiixtalijya se hora uan se tonal keman uelis momachtis? ¿Kani okachi kiuelitas: kampa tekiti, ichan oso okseko? Xionmochikaua nochipa tikonmachtis keman yejua uelis.
4. Xikonmachti nochi semanas. Maj momachti maski amo tionyetos ¿Uelis tikonchiuas nejin?
5. Xikontataujti Jehová para tikonitas tein kuali. Xikontajtani Jehová maj mitsonpaleui okachi xikonneki tikonpaleuis akin tikonmachtia. Nejin okachi moneki komo amo nochipa ueli momachtia oso kiouijkisa kichiuas tein momachtijtok (Filip. 2:13). Xikontajtani Jehová maj mitsonpaleui xikonita tein kuali tein kichiua uan kinextia akin tikonmachtia.
NO XIKONITA
Prov. 3:27; Hech. 20:35; 2 Cor. 12:15
