Tinochin moneki tikpiaskej tomin porin ika tikinixpanoltiaj tochankauan (Proverbios 30:8). Kemej tikmatij, “tomin tapaleuia” (Eclesiastés 7:12). Kemansa uelis teouijmakas se tajtos keniuj mokuitok tomin, sayoj ke amo xikonkaua maj nejon mitsonualkuili kuejmolmej iuan monamik (Efesios 4:32). Moneki nanmoyekiluiskej tein moneki uan nankisenixejekoskej keniuj nankitekitiltiskej tomin.

TEIN BIBLIA KIJTOUA: “Kuak nankinekij nankichiuaske se uejkapan tepan, ijkuakon achto nanmosentiliaj para nankixejekoaj de kanachi tomin monekis [...], ijkuakon nankimatij ya ke melau nankitamichiuaske ya ne tekit” (Lucas 14:28). Semi moneki xiksenixejekokan keniuj nankitekitiltiskej nanmotomin (Amós 3:3). Xikitakan toni moneki nankikouaskej uan kanachi tomin uelis nankikuiskej (Proverbios 31:16). Maski nankipiaskej tomin tein ika uelis nankikouaskej teisa, amo kijtosneki ke moneki nanmokouiliskej. Amo ximotauikaltikan, ta sayoj xitakouakan ika tomin tein nankipiaj (Proverbios 21:5; 22:7).

TEIN UELIS TIKONCHIUAS:

• Komo ijkuak tami semana oso metsti nanmopialiajok tepitsin tomin, xikonixejeko iuan monamik keniuj nankikuiskej

• Komo namechpoloua tomin, xikitakan toni amo moneki nankikouaskej. Kemej neskayot, amo xikouakan tein amo semi moneki

TEIN BIBLIA KIJTOUA: Xionmonejnemilti “ika ne yolmelaukayot iixpantsinko [Jiova] [...] uan inixpan in tagayot” (2 Corintios 8:21). Xikonyekilui monamik kanachi tikontani uan kanachi tikonkui tein ika tiontakoua.

Xikonixejeko nochipa iuan monamik achto ke tikonixpejpenas tikonkuis miak tomin (Proverbios 13:10). Komo kuali ika nanmonojnotsaj tapaleuis maj onka yolseuilis itech nanmonemilis kemej namikuanij. Tomin tein tikontanis amo sayoj xikonita kemej moaxka, ta no kemej ininaxka mokalyetouanij (1 Timoteo 5:8).

TEIN UELIS TIKONCHIUAS:

• Xikonixtali iuan monamik kanachi tomin uelis nankikuiskej tein amo monekis nanmoixpantiliskej

• Amo xikonchia maj onka se kuejmol ika tomin uan ijkon ika nantajtoskej