TAMACHTILIS 11
Xiontajto ika yolpakilis
Hechos 18:24, 25
TEIN MONEKI TIKONCHIUAS: Xiontajto kemej kinolinis akin mitsonkakij maj kichiuakan tein tikonijtoua.
KENIUJ TIKONCHIUAS:
-
Xikonchiua maj tamachtilis ajsi itech moyolo. Keman tionmomachtis, xiontanemili keyej motelneki nejon tamachtilis. Kuali xionmomachti tein tikonpanoltis, ijkon uelis tikonnextis ke tikonneltoka tamachtilis.
-
Inintech xiontanemili akin mitsonkakij. Xiontanemili keniuj kinpaleuis oksekin tein tikonijtos oso tikonixtajtoltis. Xikonnemili keniuj uelis tikonchiuas maj akin mitsonkakij okachi kuali kiajsikamatikan uan maj kipatiuitakan tamachtilis.
-
Xikonchiua maj teyolnotsa motamachtilis. Xiontajto ika yolpakilis. Xikonnexti ika moixko tein yekmelauj tikonmachilia uan xionmomaolini kemej kinamikis.