Xikonpaleui akin mitsonkakij maj kiitakan toni kiyolmachiliaj. Xikonchiua netajtanilmej tein kintanemililtis uan kinpaleuis maj kiitakan toni kinolinia maj kichiuakan teisa.

Xikonpaleui akin mitsonkakij maj netasojtalis kinolini kichiuaskej tein kuali. Xikonilui akin mitsonkakij maj kinemilikan toni kinolinia maj kichiuakan teisa. Xikonpaleui maj kichiuakan teisa porin kitasojtaj Jiova, oksekin uan tein Biblia tamachtia. Xikontanemililti akin mitsonkakij, amo xiontaajua. Keman tionmatamis, tein tiontamachtij monekiskia kinolinis maj kichiuakan tein kuali uan amo maj mopinaujmatikan.

Xikonchiua maj kiueyitalikan Jiova. Xikonnexti keniuj tayolmajxitilismej uan tanauatilmej tein moajsij itech Biblia techpaleuiaj maj tikixmatikan Dios uan technextiliaj ke yejua techtasojta. Xikonpaleui akin mitsonkakij maj kiitakan tein kimachilia Jiova uan maj kinekikan kiyolpaktiskej.