Xikontataujti Dios uan kuali xionmomachti. Xikontataujti Jiova maj mitsonpaleui okachi xiontanemili itech tamachtilis uan ijkon amo semi tionuiuiyokas. Kuali xikonita katiyejua tanemililmej tein tayekantokej tikonkuis itech motamachtilis. Amo sayoj xikonijto tein ijkuiliujtok, ta xikonmelaua ika motajtoluan.

Xikonijto tein tikonmachilia. Xikonnemili keyej taltikpakneminij moneki kikakiskej tamachtilis. Ijkon, tein tikonchiuas, kemej tionijkatos, tein tikonnextis itech moixko, kinextis ke yekmelauj tikonneltoka tein tikonijtojtok uan ke mitsonyolpaktia.

Xikonixita akin mitsonkakij. Komo kuali moita, xikonixita akin mitsonkakij. Keman tikontemakas se tanojnots, amo sayoj noyampa xiontachia, ta xikonixita sejsemej, yekinika se, satepan okse uan ijkon xikonsentoka.