TAMACHTILIS 02
Biblia kijtoua ke uelis tikchiaskej tein kuali
Noyampa taltikpak onkak kuejmolmej tein miakej semi kintekipachoua, kintayokoltia uan kinyolkokoua. ¿No ijkon mitsonpanoua? Xa tiontajyouijtok porin tionmokokoua oso porin momikilij se akin tikontasojta, uan hasta tikonneki tikonmatis ox ejkos tonal keman kuali tinemiskej. Semi techyolchikaua tein Biblia techmelauilia.
1. ¿Toni kijtoua Biblia ke uelis tikchiaskej?
Biblia kimelaua keyej noyampa taltikpak mochiua tein amo kuali. Uan no, techiluia ke amo uejkaua tamis nejin ouijkayomej. Nejin tein Biblia kijtoua ke mochiuas mitsonpaleuis xikonchia tein kuali (xikonita Jeremías 29:11, 12). Tein Dios kijtoua ke kichiuas techpaleuia maj tiyolpakikan uan maj tikxikokan tein axkan tikpanouaj, no kinextia ke uelis tiyolpakiskej nochipaya.
2. ¿Keniuj Biblia kijtoua ke tinemiskej satepan?
Biblia kijtoua ke amo uejkaua “amo aken momikilis ok; uan amo aken mochoktis ok; uan amo aken motekipachos ok; uan amo aken yoltajyouis ok” (xikonita Apocalipsis 21:4). Amo titajyouiskej porin amo tatasojtisok, amo akin techchiuilisok tein amo kuali, amo akin kokolispeuas nion momikilis. Biblia kijtoua ke uelis tiyolpakiskej nochipaya nikan taltikpak keman yeski takualtsinkan.
3. ¿Toni mitsonpaleuis xikonneltoka tein Biblia kijtoua?
Maski miakej kichiaj kuali nemiskej, amo semi kineltokaj ke ijkon mochiuas. Sayoj ke, yekmelauj mochiuas tein Biblia kijtoua uan okachi tikneltokaskej komo kuali timomachtiaj “in Tajtoltsin de Dios” (Hechos 17:11). Komo tejuatsin ijkon tikonchiua, mitsonpaleuis moselti xikonita ke yekmelauj mochiuas tein Biblia kijtoua.
MAJ OKACHI TIMOMACHTIKAN
Maj tikitakan seki taman tein Biblia kijtoua ke mochiuas satepan uan keniuj semi miakej kinpaleuijtok.
4. Biblia kijtoua ke tinemiskej nochipaya uan amo titajyouiskejok
Maj tikitakan seki taman tein Biblia kijtoua ke mochiuas. ¿Toni okachi tikonuelitaskia maj mochiua? ¿Keyej tikonuelitaskia nejon?
Xikitakan textos uan ika xitajtokan nejin:
-
¿Techyolchikauaj nejin textos? ¿Tikonnemilia ke no kinyolchikauas mochankauan oso akin kuali iniuan tionmouika?
Xikonnemili keniuj tionnemis keman:
|
AMO AKIN... |
NOCHIN... |
|---|---|
|
|
|
|
|
|
|
|
|
|
5. Keman tikmatij tein Biblia kijtoua ke mochiuas techpaleuia maj axkan kuali tinemikan
Kemej onkak miak kuejmolmej, miakej tayokoyaj oso hasta kualanij uan sekin kitemouaj keniuj kichiuaskej maj amo ijkon kisentokaok. Xikonita keniuj axkan miakej kinpaleuiani tein Biblia kijtoua ke mochiuas. Xikitakan VIDEO uan ika xitajtokan nejin:
-
¿Toni kitemouaya Rafika maj amo mochiuaok?
-
Maski amo mochiuak tein kinekia, ¿keniuj kipaleuij Biblia?
Tein Biblia kijtoua ke mochiuas techpaleuia maj tiyolpakikan maski tikpiaskej ouijkayomej. Xikitakan Proverbios 17:22 uan Romanos 12:12 uan ika xitajtokan nejin:
-
¿Uelis mitsonpaleuis axkan tein Biblia kijtoua ke mochiuas? ¿Keyej ijkon tikonnemilia?
TEIN SEKIN KIJTOUAJ: “Kualtsin tein Biblia kijtoua ke mochiuas, sayoj ke ouij maj mochiua”.
-
Onkak miak taman tein kinextia ke yekmelauj mochiuas tein Biblia kijtoua, ¿tikonuelitaskia maj tikitakan? ¿Keniuj uelis mitsonpaleuis?
TEIN TIKITAKEJ
Biblia kijtoua ke kualtsin tinemiskej, nejon techpaleuia maj tiyolpakikan maski tikpiaskej ouijkayomej uan maj tikchiakan tein kuali.
Maj tikelnamikikan
-
¿Keyej moneki maj nochin kimatikan tein Dios kijtoua ke kichiuas?
-
¿Toni Biblia kijtoua ke mochiuas satepan?
-
¿Keniuj mitsonpaleuia xikonchia tein kuali?
NO XIKONITA NEJIN
Xikonita keniuj tikchiaskej tein kuali techpaleuia maj tikxikokan ouijkayomej.
“Esperanza: ¿dónde hallarla?” (¡Despertad!, 22 de abril de 2004)
Xikonita keniuj kichiaskej tein kuali kinpaleuia akin semi mokokouaj.
“¿Puede la Biblia ayudarnos a sobrellevar una enfermedad?” (Artículo de jw.org)
Keman tikonitas nejin video ika tatsotson, xikonnemili ke tionyetokya nikan taltikpak kampa takualtsinkan iniuan mochankauan kemej Biblia kijtoua ke mochiuas.
Xikonita keniuj se takat kipatak kemej nemia keman momachtij tein Biblia kijtoua ke mochiuas. Yejua kitemouaya maj amo mochiuaok seki taman.
“Ya no siento la necesidad de cambiar el mundo” (La Atalaya, 1 de julio de 2013)
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
