Jesús kiixyekana nechikol (Efesios 5:​23). Axkan Jesús kinixyekana itatojtokakauan nikan taltikpak itechkopa “takeual takuaujtamach uan tamatkej” (xikonita Mateo 24:​45, TNM). Jesús kiixtalij nejon “takeual” yejua ika no kipia tanauatil uan kiixtalia seki taman. Maski ijkon, moneki tatakamatis uan kinpaleuia ikniuan Cristo. ¿Akoni nejon takeual? ¿Uan keniuj techyekpia?

1. ¿Akoni “takeual takuaujtamach uan tamatkej”?

Jiova nochipa kikuini se takat oso takamej para kinixyekanas itekitikauan (Malaquías 2:7; Hebreos 1:1). Keman Jesús momikilij, tatitanilmej uan tayekananij ompa Jerusalén peuak kiixyekanaj nechikol (Hechos 15:2). Ijkon kemej mochiuak ijkuak, axkan amo miak tayekananij akin moixmatij kemej Oloch Taojtokaltianij akin kinixyekanaj itaixpantijkauan Jiova, kitemakaj tamachtilis uan kiixyekanaj keniuj motanojnotsas. Yejuan “takeual takuaujtamach uan tamatkej akin iteko [Jesús] kiixtalij maj kinixyekana” nejon tekimej (Mateo 24:​45a, TNM). Nochin akin pouij iniuan Oloch Taojtokaltianij taixpejpenalmej ika yektikatsin espíritu, uan kichixtokej keman tekiuajtiskej iuan Cristo itech iTekiuajyo ompa iluikak, keman tamis ininnemilis nikan taltikpak.

2. ¿Katiyejua tamachtilis techmaka takeual takuaujtamach?

Jesús kijtoj ke takeual takuaujtamach monekia “kintamakas [okseki tokniuan] keman moneki” (Mateo 24:​45b, TNM). Ijkon kemej takual techpaleuia maj tichikaujkej uan maj tipaktokan, nejin tamachtilis tein mokixtia itech iTajtol Dios techpaleuia maj timochikauakan amo tikauaskej Jiova uan maj tikchiuakan tein Jesús technauatij (1 Timoteo 4:6). Nejin tamachtilis tikseliaj itech nechikolmej, uejueyi nechikolmej, amaixmej uan videos tein mokixtiaj itech Biblia. Nochi nejin techmachtia tein Jiova kineki uan okachi kuali timouikaj iuan.

 MAJ OKACHI TIMOMACHTIKAN

3. Moneki ixyetos keniuj tekitiskej itekitikauan Jiova

Jesús kinixyekana Oloch Taojtokaltianij para maj kiixtalikan keniuj tekitiskej itaixpantijkauan Jiova, itech yekinika siglo itech inechikol Dios no ijkon katka. Xikitakan VIDEO.

Xikitakan 1 Corintios 14:​33, 40 uan ika xitajtokan nejin:

• ¿Keniuj kinextiaj nejin versículos ke Jiova kineki maj ixyeto keniuj tekitiskej itaixpantijkauan?

4. Takeual takuaujtamach kiixtalia keniuj titanojnotsaskej

Akin yekinika kichiuayaj kemej Cristo kiitayaj ke tanojnotsaskej yejua tein okachi monekia. Xikitakan Hechos 8:​14, 25 uan ika xitajtokan nejin:

• Itech yekinika siglo, ¿akonimej kiixyekanayaj tanojnotsalis?

• ¿Toni kichiujkej Pedro uan Juan ika tein kiixtalijkej okseki tatitanilmej?

Tanojnotsalis yejua tekit tein okachi moneki uan Oloch Taojtokaltianij kiixtaliaj keniuj mochiuas. Xikitakan VIDEO.

 Jesús kijtoj ke semi moneki titanojnotsaskej. Xikitakan Marcos 13:​10 uan ika xitajtokan nejin:

• ¿Keyej Oloch Taojtokaltianij kiitaj ke semi moneki maj se tanojnotsa?

• ¿Keyej moneki maj “takeual takuaujtamach uan tamatkej” kiixtali keniuj motanojnotsas itech nochi taltikpak?

5. Takeual takuaujtamach techixyekana

Oloch Taojtokaltianij kinixyekanaj itekitikauan Dios itech nochi taltikpak. ¿Keniuj kiixtaliaj tanauatilmej tein kitemakaj? Xikonita keniuj kichiuayaj oloch taojtokaltianij keman kinixyekanayaj akin yekinika kichiuayaj kemej Cristo. Xikitakan Hechos 15:​1, 2 uan ika xitajtokan nejin:

• ¿Toni ika motajtolteuijkej sekin akin kichiuayaj kemej Cristo itech yekinika siglo?

• Para kiyektaliskej kuejmol, ¿akonimej kinitatoj Pablo, Bernabé uan okseki tokniuan?

Xikitakan Hechos 15:​12-​18 uan 23-​29 uan ika xitajtokan nejin:

• Achto ke kiixtaliskiaj tein kichiuaskiaj, ¿toni kichiujkej oloch taojtokaltianij itech yekinika siglo para maj Dios kinixyekana? (Xikitakan versículos 12, 15 uan 28).

Xikitakan Hechos 15:​30, 31 uan 16:​4, 5 uan ika xitajtokan nejin:

• ¿Keniuj kiselijkej akin yekinika kichiuayaj kemej Cristo tein kiixtalijkej oloch taojtokaltianij?

• ¿Keniuj tikmatij ke Jiova kintatiochiuij porin tatakamatkej?

Xikitakan 2 Timoteo 3:​16 uan Santiago 1:5, uan ika xitajtokan nejin:

• ¿Toni kichiuaj axkan Oloch Taojtokaltianij keman moneki kiixtaliskej teisa?

 TEIN TIKITAKEJ

Oloch Taojtokaltianij yejua “takeual takuaujtamach uan tamatkej” tein Jesús kiixpejpenak. Nejin takeual kinmaka tanauatilmej uan tamachtilis tokniuan itech nochi taltikpak.

Maj tikelnamikikan

• ¿Akoni kiixpejpenak “takeual takuaujtamach uan tamatkej”?

• ¿Keniuj techyekpiaj Oloch Taojtokaltianij?

• ¿Tikonneltoka ke Oloch Taojtokaltianij yejuan “takeual takuaujtamach uan tamatkej”?