¿Tikonixtajtoltiani ika nejmachkayot amaixmej Tanejmachtijkej tein yankuixtok kiskej? Xikonita ox ueli tikonnankilia nejin netajtanilmej:

¿Keniuj moneki tikinitaskej akin taixpejpenalmej?

Tikinpatiuitaj porin semi takuaujtamatij, sayoj ke amo semi tikintakachiuaj porin kipiaj se ueyi tekit (Jud. 16). Amo tikinchiuiliaj netajtanilmej tein mouikaj ika nechialis tein kipiaj (w20.01, página 28 uan 29).

¿Keyej tikneltokaj ke Jiova techita tisejsemej?

Biblia kijtoua ke Jiova techitak hasta achto ke tiyoliskiaj uan ke techkaki keman tiktataujtiaj. No kimati tein tikmachiliaj uan tein tiknemiliaj. Uan no, ika tein tikchiuaj tikyolpaktiaj oso tikyolkokouaj (1 Crón. 28:9; Prov. 27:11). Uan kichiuak maj iuan timotokikan (w20.02, página 12).

¿Kemanian moneki titajtoskej uan kemanian moneki amo teyi tikijtoskej?

Techyolpaktia tikintapouiskej oksekin akoni Jiova. No moneki titajtoskej keman tikitaj ke tein kichiujtok se tokniuj uelis kiuikas maj tajtako. Tayekananij kinyolmajxitiaj tokniuan keman moneki. Amo titajtanij nion tikintapouiaj oksekin keniuj motanojnotsa uan keniuj mochiuaj nechikolmej itech altepemej kampa tekiuanij amo kinkauaj tokniuan maj kiueyichiuakan Jiova. Amo titetapouiaj tein oksekin amo moneki kimatiskej (w20.03, página 20 uan 21).

¿Keyej tatamamej chapolimej tein ininka motajtoua itech Joel capítulo 2 uan Apocalipsis capítulo 9?

Joel 2:20-29 kijtoua ke Dios uejka kinuika chapolimej uan ke kinkepilis nochi tein kipoloskej kampa chapolimej tatamiskej. Satepan ke panoua nejon, kititani iespíritu. Nejin mochiuak keman babilonios kalakkej Israel uan satepan. Apocalipsis 9:1-11 ininka tajtoua taixpejpenalmej itech nejin tonalmej, akin kiteixmatiltiaj kemej yeskiaj chapolimej ke Dios kiixpolos tein amo kuali, uan nejin semi amo kiuelkakij akin kinyolpaktia tein mochiua nikan taltikpak (w20.04, páginas 3 hasta 6).

¿Akoni axkan tekiuaj akin taixyekana norte?

Rusia uan akin kipaleuiaj. Kiixnamikkej ixolal Dios keman kiixtalijkej maj amo tanojnotsakanok uan porin kintauelitaj itaixpantijkauan Jiova. Tekiuaj akin taixyekana norte moteuiani iuan tekiuaj akin taixyekana sur (w20.05, página 13).

¿“Itakilo espíritu” sayoj kipia chiknaui kualneskayomej tein ixnesij itech Gálatas 5:22, 23?

Amo. Yektikatsin espíritu no techpaleuia maj tikpiakan okseki kualneskayomej, kemej melaujkayot (Efes. 5:8, 9) (w20.06, página 17).

¿Toni uelis panos komo tiktaliaj itech redes sociales taixkopimej tein timokixtiliaj, videos oso tikijkuilouaj seki taman kampa toka titajtouaj?

Ika tein tiktaliaj itech redes sociales oksekin ueliskia kinemiliskej ke amo tiyolyemankej, ta ke timoueyimatij (w20.07, página 6 uan 7).

¿Toni techmachtiaj akin kimatij keniuj kintemoskej pescados?

Akin kimatij keniuj kintemoskej pescados kintemouaj keman kimatij ke uelis kinajsiskej uan kampa kimatij ke moajsij, kimatij kikuiskej tein ika kintemouaj uan tekitij ika yolchikaualis maski tein yeski panos. Tejuan no uelis ijkon tikchiuaskej itech tanojnotsalis (w20.09, página 5).

¿Keniuj uelis tikinpaleuiskej akin tikinmachtiaj ika Biblia maj okachi kitasojtakan Jiova?

Uelis tikinyolchikauaskej maj mojmostaj kiixtajtoltikan Biblia, tikinpaleuiskej maj itech tanemilikan tein kiixtajtoltiaj uan tikinmachtiskej maj kitataujtikan Jiova (w20.11, página 4).

¿Akonimej no ininka tajtojtoya Pablo keman kijtoj: “Komo tipoutinemij iuan Cristo, ijkuakon se tonal Totajtsin Dios techpankixtis tiyoltokke”? (1 Cor. 15:22).

Tatitanil Pablo amo kijtosnekia ke nochin taltikpakneminij oksepa kiseliskiaj ininnemilis. Keman kijtoj “techpankixtis” no ininka tajtojtoya taixpejpenalmej, tein ‘Dios kinyolchipauak ya para pouij iuan Cristo Jesús’ (1 Cor. 1:2; 15:18) (w20.12, página 5 uan 6).

¿Toni kichiuaskej tokniuan taixpejpenalmej satepan ke ‘Dios kintakayojpatas ijkon keme kuak se tetsilijkopi’ uan “kuak mokakis ne ten sayo tapitsalis den trompeta”? (1 Cor. 15:51-53).

Kipaleuiskej Jesús maj kinixyekana taltikpakneminij “ika ueyi chikaualis” (Apoc. 2:26, 27) (w20.12, página 12 uan 13).