¿Tikonitakya tein kinextia ox melauj?
“Keman nochi sepasaj nesik mochiuak nochi tein onkak” (Stephen Hawking uan Leonard Mlodinow: El gran diseño [trad. David Jou i Mirabent], 2010).
“Dios kichijchiuak iluikak uan taltikpak” (La Biblia, Génesis 1:1).
¿Kichijchiuak Dios nochi tein onkak uan tein yoltok oso iselti nesik? Inintajtoluan taixmatinij tein nesi ipeujyan nejin tamachtilis uan tein kijtoua Biblia kinextia ke senkis tataman kemej kinankiliaj nejin netajtanil. Sekin kineltokaj uan kitajtouiaj nejin tanemilil. Oksekin semi kitajtouiaj tein kineltokaj itech amaixmej tein semi moixmatij uan itech televisión. Yejua ika, miakej amo kimatij toni kineltokaskej.
Xa tamachtianij mitsoniluijkej ke nochi tein onkak uan tein yoltok yekmelauj sepasaj nesik uan yejua ika amo Akin tachijchiuak. Sayoj ke, ¿mitsonnextilijkej ke yekmelauj tein kijtouaj? Uan xa no tikonkakini ke akin taixyekanaj itech taneltokalis kijtouaj ke aksa tachijchiuak. Sayoj ke, ¿mitsonnextilijkej ke melauj, oso sayoj mitsoniluijkej ke moneki tikonneltokas Dios?
Xa tejuatsin semi ika tiontanemiliani nejin uan xa tikonnemilia ke amo uelis tikmatiskej ox aksa tachijchiuak. Xa no tionmotajtania ox yekmelauj moneki tikmatiskej tanankilil.
Itech nejin amaix tikonajsis tein kinextia ke yekmelauj aksa tachijchiuak, tein kinpaleuiani miakej maj kineltokakan nejin. No tikonitas keyej moneki maj tikmatikan keniuj peuak nochi tein yoltok.
Xa no tikonuelitas
TAMACHTILISMEJ TEIN MOTELNEKIJ TEIN MOAJSIJ ITECH BIBLIA
¿Aksa kichijchiuak nochi tein onkak?
Sekin kimelauaj keniuj peuak nochi kemej amo yekmelauj kijtosneki Biblia oso kijtouaj ke sayoj se tetapouilis. Sayoj ke, ¿melauak tein kijtoua Biblia keniuj peuak nochi?
TIAKONIMEJ
Xiontajtani maj mitsonkalpanokan
Xikonmati itanankilil se netajtanil tein kisa itech Biblia, oso okachi xikonixmati itaixpantijkauan Jiova.
