Miakej kinouijmaka kiajsiskej tein ika moixpanoltiskej mojmostaj. Uan okachiok porin mochiuaj miak kuejmolmej noyampa. ¿Keyej ijkon panoua?

• Keman mochiuaj kuejmolmej itech se altepet, okachi patiyoua tein kikuaskej uan kampa nemiskej.

• Amo semi onkakok tekit uan amo kuali kintaxtauiaj.

• Tetsaujmej kiuejuelouaj kalmej kampa nemij uan tanamakaj taltikpakneminij. Nejin kichiua maj miakej kipanokan tatasojtilis.

• Komo kuali tikontekitiltia motomin, okachi kuali tikonixnamikis se kuejmol.

• Tomin amo nochipa uelis techpaleuis porin tomin tein aksa motanilia uan moeuilia, uan tataman tein kipia amo nochipa kipias ipatiuj.

• Tomin amo uelis techpaleuis maj tiyolpakikan oso maj kuali timouikakan kemej kalyetouanij.

Biblia kijtoua: “Komo tikpiaj tein tikuaskej uan tein timotaliliskej, maj ika nejon tiyolpakikan” (1 Timoteo 6:8, TNM).

Para se yolpakis amo moneki maj se kipia nochi tein se kineki, ta uelis tiyolpakiskej komo tikpiaj sayoj tein techpoloua. Tikelnamikiskej nejin techpaleuis okachiok keman amo tikpiaskej miak tomin.

Xa moneki amo tikonkouas miak taman. Komo semi tiontakojkoua uan tionmotauikaltia, tikonpias miak kuejmolmej.