Porin ouijkayomej tein tikpanouaj uelis techkokolispeualtiskej.

• Keman mochiua tein amo kuali, taltikpakneminij semi motekipachouaj uan niman peuaj mokokouaj.

• Kemansa, tapajtianij amo uelijok kinpajtiaj nochin oso amo ajsi pajti.

• Uan no, miakej amo kinajsi tomin para kikouaskej tein kikuaskej oso pajti.

• Komo tionmokokoua oso tionmotekipachojtok uelis kichiuas amo xionmoyekpia. Uan nejon kichiuas okachi xionkokolispeua.

• Komo amo tionmopajtia, kokolis uelis moueyitalis uan hasta ika tionmomikilis.

• Komo tionpaktok, okachi kuali tiontaixpejpenas keman tikonpias se ouijkayot.

• Uelis tikonchiuas seki taman para tionpaktos, maski tikonpias miak tomin oso amo.

Akin kuali taixejekoua kiita tein amo kuali tein uelis panos uan kiita maj amo mochiua. Yejua ika, komo amo tikonneki tionkokolispeuas oso maj kokolis okachi mochikaua, moneki tikontayekanaltis tachipaualis. Okachi kuali komo tikontsakuilia kokolis.

“Komo timochipauaj uan timotachipauiaj kampa tinemij, amo semi monekis tiaskej iniuan tapajtianij nion tikouaskej miak pajti” (Andreas). a