¡Tiknekij okachi kuali tinemiskej!
“Tinemij ika miak kuejmolmej”, kijtoj António Guterres akin tajkuiloua itech Naciones Unidas. ¿No ijkon tikonnemilia?
Axkan okachi mochiua tein amo kuali kemej nejin:
Kokolismej uan uejueyi kokolismej
Tetsaujmej
Mayan uan tatasojti
Semi tona uan miak taman kijtakojtok taltikpak
Mochiua tein amo kuali, moteuiaj uan takajkayauaj
Uejueyi neteuilismej
Tiknekij okachi kuali tinemiskej uan maj mochiua nejin:
Maj amo akin kokolispeuaok
Maj kuali tietokan uan maj amo timoujkanemikan
Maj nochin kipiakan tein kikuaskej
Maj noyampa tachipaujkan
Maj amo akin kichiuilikan tein amo kuali
Maj nochin yolseujtokan noyampa taltikpak
Sayoj ke, ¿toni kijtosneki nochi nejin?
¿Toni kipanos taltikpak kampa tinemij?
¿Toni moneki tikchiuaskej para okachi kuali tinemiskej?
Keman tikonitas tein kijtoua nejin amaix, tikonmatis kemej kinankilia Biblia nejin uan okseki netajtanilmej uan mitsonpaleuis xikonchia tein kuali.
Xa no tikonuelitas
TANEJMACHTIJKEJ
¿Keyej moneki maj techixyekana iTekiuajyo Dios?
Onkak miak kuejmolmej porin toselti timoixyekanaj.
