¿Toni uelis techpaleuis maj tikchiakan kuali tinemiskej?
Kemej tikitakejya, miakej kitemouaj okachi kuali nemiskej keman takuaujtamatij itech nemachtil, tomin oso kinemiliaj ke moneki maj yolkualmej uan ke ixyetokya tein kinpanos. Sayoj ke, tikchiuaskej nejin kemej yeskia tiknekiskej tiajsiskej kansaika uan tikuij se mapa tein amo kuali yetok. Nejin amo kijtosneki ke amo tikpiaj tein uelis techpaleuis maj tikchiakan kuali tinemiskej.
TEIN KUALI TECHIXYEKANAS UAN TAKUAUJTAMACH
Keman moneki tikixpejpenaskej teisa, miakpa tiktajtaniaj aksa akin okachi kimati ke tejuan oso akin techyekana. Yejua ika, komo tiknekij kuali tinemiskej moneki iuan titakuaujtamatiskej akin okachi kimati ke tejuan uan okachi tamatkej. Uelis tikleroskej tein techyolmajxitia itech se amatajkuilol tein monotsa Biblia, tein peuak moijkuiloua kemej 3,500 xiujmejya.
¿Keyej uelis tiontakuaujtamatis itech Biblia? Porin akin kichiuak maj moijkuilo yejua akin okachi tamatkej. Yejuatsin “Akin xiuejya itech Tonalmej”, akin nemini “itech tonalmej tein amo kipia ipeujyan uan hasta itech tonalmej tein amo kipia itamian” (Daniel 7:9; Salmo 90:2). Yejuatsin “akin kichijchiuak iluikak, Dios akin melauak, akin Kichijchiuak taltikpak” (Isaías 45:18). Yejuatsin techiluia katiyejua itokay: Jiova (Salmo 83:18).
Kemej Biblia ualeua imako Akin techchijchiuak, amo tamachtia ke kemej nemij sekin uan kemej ixtamatij okachi kuali ke oksekin. Tein tayolmajxitia nochipa tapaleuiani uan kinpaleuiani akin seseko kayomej. Se amatajkuilol tein okachi motajtolkepani uan tein okachi momoyauani itech nochi taltikpak. * Yejua ika akin yeski uelis kimatis tein kijtoua uan ika uelis moixyekanas. Biblia kijtoua:
“Dios amo kinchichikojtasojta in tagayot. Ta, Yejuatsin kiniknelia [...] tech nochi in senmanauak komo yejuan kimouistiliaj [...] uan chipaukanentinemij” (HECHOS 10:34, 35).
Ijkon kemej se tepopaj akin kintasojta ikoneuan uan kinpaleuia, Jiova toTajtsin akin techtasojta uan techpaleuia ika iTajtol, Biblia (2 Timoteo 3:16). Tejuatsin uelis tiontakuaujtamatis itech iTajtol Dios, kemej yejuatsin techchijchiuak kimati keniuj okachi kuali tietoskej.
¿Toni moneki tikonchiuas para tikonselis nejin? Tikonitas itech okse tamachtilis.
^ párr. 6 Komo tikonneki tikonmatis okachi keniuj momoyaua uan motajtolkepa Biblia, xikonita www.pr418.com/ncj. Xikonpatskili TEIN BIBLIA TAMACHTIA > BIBLIA UAN TEIN MOCHIUJTIUALAJ.
^ párr. 16 Komo tikonneki okachi tikonmatis xikonita amatajkuilol La Biblia... ¿la Palabra de Dios, o palabra del hombre?, itech capítulo 9 tein kichijchiujkej itaixpantijkauan Jiova. Tikonajsis itech www.pr418.com. Xikonpatskili itech BIBLIOTECA > OTRAS PUBLICACIONES.
Xa no tikonuelitas
TANEJMACHTIJKEJ
¿Toni panos satepan?
Uelis tikonneltokas tein Dios kichiuas nikan taltikpak uan keniuj kichiuas maj kualtsin tinemikan.
TANEJMACHTIJKEJ
¿Tapaleuia tein Biblia tayolmajxitia?
Sekin kinemiliaj ke Biblia senkis amo tapaleuia. ¿Keyej aksa moyekanaskia ika se amatajkuilol tein moijkuiloj ajsitokya ome mil xiuit?
TANEJMACHTIJKEJ
¿Akoni ueli kiita toni mochiuas satepan?
Moajsi aksa akin kijtoua ke tikpiaskej se kualtsin nemilis satepan. ¿Uelis tikneltokaskej tein kijtoua?
TANEJMACHTIJKEJ
Biblia uan kemej tinemiskej satepan
ITajtol Dios techpaleuia maj tikixnamikikan ouijkayomej tein tikpanouaj mojmostaj itech nejin taltikpak kampa amo tikmatij toni panos satepan. Sayoj ke, no techmatiltia ke satepan mochiuas tein kuali.
