KENIUJ TIKCHIUASKEJ MAJ MOTSAKUILI NETAUELITALIS
2 | Amo xionmomakepa
Biblia kijtoua:
“Amo ximomakepakan [...]. Komo ueli uan namomako yetok, xiyolseujkanemikan iniuan nochin. Nokniuantsitsin, amo ximomakepakan [...]. Porin ijkuiliujtok: “Jiova kijtoua: ‘Nejua nimomakepas; nejua nikinmakas tein kinnamiki’” (ROMANOS 12:17-19, TNM).
¿Toni kijtosneki?
Maski tikualanij keman aksa techchiuilia tein amo kuali, Dios amo kineki maj timomakepakan, ta techyolchikaua maj timochiakan porin kijtoua ke amo uejkaua kiixpolos nochi tein amo kuali (Salmo 37:7, 10).
Uelis tikonchiuas nejin:
Keman timomakepaj tikchiuaj maj netauelitalis amo keman tami. Yejua ika, komo aksa mitsonyolkokoj amo xikontemo tionmomakepas. Amo xionyolijsiui. Okachi kuali xikonkaua (Proverbios 19:11). Sayoj ke kemansa xa monekis tikonixnamikis. Kemej neskayot, komo aksa mitsonchiuilij tein amo kuali xa uelis tikonteluilis iniuan tekiuanij.
Komo timomakepaj kichiua maj titajyouikan
¿Uan komo amo ueli moyektalia kuejmol? ¿Oso tikonchiuakya nochi sayoj ke amo ueli moyektalia ika yolseuilis? Maski ijkon, amo xionmomakepa porin nejon kichiuas maj okachi ueyia kuejmol. Xionmochikaua amo tiontetauelitasok. Xiontakuaujtamati ke Dios kiyektalis kuejmol. Itech Salmo 37:3-5 kijtoua: “Xitakuaujtamati iuan uan yejuatsin mitspaleuis”.
Xa no tikonuelitas
ITAJTOL DIOS KIPATAK ININNEMILIS
Kitemouaya maj amo akin techikoita
Rafika peuak mosentilia iniuan seki taltikpakneminij akin kitemouayaj maj amo kinchikoitakanok akin okseko kayomej. Satepan kimatik ke Biblia kijtoua ke iTekiuajyo Dios kichiuas maj itech taltikpak onka yolseuilis uan maj mochiua tein kuali.
ITAJTOL DIOS KIPATAK ININNEMILIS
¿Kemanian netasojtalis tein amo tekaua kitanis netauelitalis?
Semi ouij se mokixtilis netauelitalis. Xikonita keniuj se judío uan se palestino uelik mokixtilijkej netauelitalis.
