KENIUJ TIKCHIUASKEJ MAJ MOTSAKUILI NETAUELITALIS
1 | Amo xiontechikoita
Biblia kijtoua:
“Dios amo techichikotasojta, ta kintasojta akin kimoujkatokaj uan kichiuaj tein kuali yetok maski kampa yeski kayomej” (HECHOS 10:34, 35, TNM).
¿Toni kijtosneki?
Jiova * amo techchichikotasojta maski kampa yeski tikayomej, tataman kemej tiixtamatij, tichijchipaujkej, titiltikej oso kemej tinemij. Ta kiita tein yekmelauj moneki, tein kijtosneki tein tiknemiliaj uan tikmachiliaj. Biblia kijtoua: “Taltikpaknenkej kiita sayoj tein moita tapani, sayoj ke Jiova kiita iyolo taltikpaknenkej” (1 Samuel 16:7).
Uelis tikonchiuas nejin:
Maski amo senkis ueli tikinixmatij taltikpakneminij no uelis amo tikinchikoitaskej kemej Jiova kichiua. Xionmochikaua amo tikinitas oksekin kemej miakej kinitaj ta kemej tanemiliaj sejsemej. Komo tikonita ke tikinchikoita oksekin, xa porin taman ixtamatij oso okseko kayomej, xikontajtani Dios maj mitsonpaleui amo xikinchikoitaok (Salmo 139:23, 24). Xiontakuaujtamati ke yejuatsin mitsonpaleuis (1 Pedro 3:12).
^ párr. 6 Jiova yejua itokay Dios (Salmo 83:18).
“Amo keman nitajtojtoya iuan aksa akin chijchipauak […]. Axkan nimoajsiaya iniuan miakej tokniuan akin seseko kayomej” (TITUS).
Xa no tikonuelitas
TANEJMACHTIJKEJ
Dios amo techikotasojta
Dios kikaki ininnetataujtiluan itekitikauan, maski tataman ixtamatij, seseko ininaltepeuj oso yeskij ueyichiuanimej oso amo. ¿Keniuj tikmatij?
