Se tonal, se tokniuj siuat akin nemi Nueva Zelanda, kiitak se video itech jw.org tein kijtoua ke Jehová amo sayoj techiknelia, ta no kinextia (Is. 63:7-9). Yejua ika niman kitemoj kipaleuis aksa. Nejon tonal yajki takouato uan kiitak se siuatsin akin nemia ojti, tokniuj kiluij ke kikouiliskia toni kikuas, uan siuat kinekik. Keman tokniuj kiualkuilij, peuak ika kinojnotsa Biblia uan kinextilij tratado ¿Ejkos tonal keman tamis tajyouilis?

Siuat peuak choka uan kiluij ke itatuan kimachtijkaj ika Biblia, sayoj ke miak xiujmejya amo yayaok nechikolmej. Uan ke yankuixtok kitajtanijka Jehová maj kipaleui maj mokepa iuan. Tokniuj siuat kimakak se Biblia uan kiluij ke kimachtiskia. a

Tejuan no uelis tikinikneliskej tochankauan, tokniuan itech nechikol uan oksekin ijkon kemej Jehová kichiua. No tiknextiaj ke titeikneliaj keman tikinnojnotsaj oksekin ika Biblia.