Se tokniuj takat iuan inamik akin mojmostaj kualkampa kiixtajtoltiaj tein kipanouanij tokniuan kijtouaj: “Nejin semi techyolpaktia uan techyolchikaua. Techelnamiktia ke tejuan no uelis tiktakamatiskej Jehová maski tikixnamikiskej tein yeski ouijkayot”. Se tokniuj siuat no kijtoua: “Nejin tein kipanouanij tokniuan nechpaleuia uan nechyolchikaua. Nikita ke yejuan semi yolpakij. Tein techtapouiaj nechyolchikaua maj okachi nitanojnotsa uan nechnextilia keniuj uelis nikinpaleuis nokoneuan maj kitekitilikan Jehová miak tonalmej”.

Nejin tein kipanouanij tokniuan uelis techpaleuis maj tiktemokan okachi tiktekitiliskej Jehová, maj ueli tikchiuakan tein techouijmaka uan maj titaxikokan ika yolpakilis keman tikpiaskej ouijkayomej. ¿Kani uelis tikonajsis kampa techtapouiaj ininnemilis tokniuan?

• Itech jw.org xikontemo ika tajtolmej “Kampa techtapouiaj ininnemilis”.

• Itech BIBLIOTECA ITECH TEPOS Watchtower^™ xikontemo ika tajtolmej “Kampa techtapouiaj ininnemilis”.