Tein uelis timomachtiskej
Tein uelis kinpaleuis konemej
Tetatmej moneki kinmachtiskej ininkoneuan maj kiixmatikan Jehová (Efes. 6:4). Inechikol Jehová kitemouani keniuj kinpaleuis, yejua ika kikixtiani miak tataman tamachtilis. ¿Keniuj uelis tikonkuis?
Xikontemo tamachtilis. Itech jw.org moajsi nochi tein mokixtiani para pipilkonemej uan telpochmej, no moajsij videos uan amamej kampa uelis tajkuiloskej uan kichijchiuaskej dibujos. a Para tikonajsis, xikontemo uan xikonpatskili kampa kijtoua “Tein Biblia tamachtia” uan satepan xikonpatskili kampa kijtoua “Konemej” oso “Telpochmej uan ichpochmej”.
Xikonixpejpena tein okachi kipaleuis mokonetsin. Kampa kijtoua “Konemej” uelis tikonitas toni okachi kipaleuis.
Iuan ximomachtikan namokonetsin nejin tamachtilismej. Amo xikonnextili videos uan amamej kampa uelis tajkuilos uan kichiuas dibujos sayoj para tikontakaualtis, ta iuan xionmomachti uan xikonpaleui maj kuali mouika iuan Jehová.
a Itech JW Library® no tikonajsis nochi videos uan tamachtilismej tein kinpaleuis telpochmej uan ichpochmej.