Biblia kipia tanemililmej tein kichiuaj maj kuali timomachilikan, maj titaxikokan uan techpaleuia maj amo tiknemilikan ke amo teyi tichiuanimej. Uan no kijtoua ke amo uejkaua, ixpoliuis tein kichiua maj amo kuali timomachilikan.

Tinochin titayokoyaj uan timotekipachouaj, sayoj ke akin kipiaj depresión oso ansiedad xa mojmostaj moneki kiixnamikiskej nejin. ¿Keniuj uelis kinpaleuis Biblia?

• Biblia kipia tanemililmej tein semi teyolchikauaj, tein tapaleuiaj maj amo tiknemilikanok tein kichiua maj amo kuali timomachilikan (Filipenses 4:8). No techpaleuia maj tikpiakan tanemililmej tein kichiuaj maj kuali timomachilikan uan no maj tiktsakuilikan tein amo kuali tein uelis tiknemiliskej (Salmo 94:18, 19).

• Biblia techpaleuia maj amo tiknemilikan ke amo teyi tichiuanimej (Lucas 12:6, 7).

• Biblia ininka tajtoua miakej, tein kinpanok kinextia ke amo tietokej toselti uan ke Dios akin techchijchiuak kuali kimati keniuj timomachiliaj (Salmo 34:18; 1 Juan 3:19, 20).

• Biblia kijtoua ke Dios kichiuas maj amo tikelnamikikanok nochi tein amo kuali tein achto techpanok (Isaías 65:17; Apocalipsis 21:4). Komo tikpiaj tanemililmej tein kichiuaj maj amo kuali timomachilikan, xa tein kijtoua Biblia uelis techpaleuis maj tikixnamikikan.