¿Tikonixtajtoltiani ika nejmachkayot amaixmej Tanejmachtijkej tein yankuixtok kiskej? Xikonita ox ueli tikonnankilia nejin netajtanilmej:

¿Toni naui taman techpaleuis maj okachi kuali timokuikatikan?

Maj kuali timoketsakan uan maj tikajkoketsakan toamatajkuilol, maj timoijyokuikan, maj kuali timotentapokan uan maj chikauak timokuikatikan. Ijkon, okachi chikauak mokakis totajtol (w17.11, página 5).

¿Toni techmachtia kampa moajsiaj xolalmej kampa mopaleuiayaj israelitas uan kemej moajsiaj ojmej tein ompa teajxitiayaj?

Moajsiaj chikuasen xolalmej uan ojmej kuali moajsiaj. Ijkon, se takat ueliskia niman ajsis itech semej nejon xolalmej (w17.11, página 14).

¿Keyej maj Dios kitemakani iKonetsin maj toka momikili yejua okachi kuali netetayokolil?

Kichiua maj ueli tinemikan nochipaya kemej tikyolnejnekij uan maj Dios techijkuanili tajtakol uan mikilis. Yejuatsin techtasojta tiikoneuan Adán, yejua ika kitemakak Jesús maski titajtakouanij (wp17.6, página 6 uan 7).

¿Keyej tikijtouaj ke Salmo 118:22 ika tajtoua ineajokuilis Jesús?

Jesús kiixtopeujkej kemej Mesías uan kimiktijkej. Monekia moajokuis uan ijkon mochiuaskia “tepanchikaualoni” (w17.12, página 9 uan 10).

¿Monekia aksa kiselis netetayokolil tein kiseliaya tayekankakonet uan ijkon pouiskia iniuan iuejkaujtatuan Mesías?

Kemansa, iuejkaujtatuan Mesías katkaj tayekankakonemej, sayoj ke amo nochipa. Judíos kimatiaj nejin uan amo kijtouayaj ke amo melauak, kemej keman kijtojkej ke Cristo ualaskia itech ichankauan David, ixokoyouj Jesé (w17.12, página 14 uan 15).

¿Toni tayolmajxitia Biblia ika tapajtilis?

Itech Tanauatil moijtouaya ke akin mokokouayaj monekia yetoskej okseko miak tonalmej, ke akin kimatokaya se miket monekia momapajpakas, ke monekia uejka yaskej nekalauiloyan uan kitalpachoskej. No kijtouaya ke okichpipil monekia kintekiskej itech ininnakayo chikueyi tonal satepan ke yoliskiaj, porin ijkuak ininesyo tetsauakya katka (wp18.1, página 7).

¿Keyej kuali yetok maj se motasojta?

Moneki tikintasojtaskej oksekin kemej tejuan timotasojtaj (Mar. 12:31). Uan takamej moneki “ma kintasojtatinemikan ninsiuauan ika ne tetasojtalis tenika [...] motasojtatinemi” (Efes. 5:28). Sayoj ke uelis peuas okachi timotasojtaskej tejuan (w18.01, página 23).

¿Keniuj uelis tikchikauaskej tokuali uikalis iuan Dios?

Moneki timomachtiskej iTajtol Dios, itech titanemiliskej uan tikchiuaskej tein timomachtiaj. Moneki timokauaskej maj techixyekana yektikatsin espíritu uan tiktasojkamatiskej uan tikseliskej ininnepaleuil oksekin (w18.02, página 26).

¿Keyej moneki amo tiktemoskej tikmatiskej tein panos satepan ika tein kijtouaj sitalixmatinij uan naualmej?

Onkak miak taman, sayoj ke tein okachi tayekantok yejua ke itech Biblia moijtoua ke nejon amo kuali yetok (wp18.2, página 4 uan 5).

¿Toni moneki tikchiuaskej komo tikijtouaj ke kemaj tiyaskej kampa techyoleujkej?

Moneki tiyaskej (Sal. 15:4). Moneki amo tikijtoskej ke amo tiyaskejok komo amo techtsakuilia teisa tein motelneki. Akin techyoleuak xa kichiuak se ueyi chikaujkayot kichijchiuas tein tikuaskej (w18.03, página 18).

¿Toni uelis kinmachtis tayekananij uan tapaleuianij tein kichiuak Timoteo?

Timoteo ininka motekipachouaya oksekin uan kitayekanaltij tanojnotsalis. Chikauak tekitik itech itekiyo Jiova uan kichiuak tein momachtij. Kisentokak momachtij uan takuaujtamatik itech iespíritu Jiova. Amo sayoj tayekananij uelis kichiuaskej kemej yejua, ta no nochin tokniuan (w18.04, página 13 uan 14).