Netajtanilmej tein kisaj itech Biblia
¿Katiyejua itokay Dios?
Nochin tochankauan kipiaj inintokay. Hasta seki tapialmej kintaliliaj inintokay. ¿Melauj ke taixejekol maj Dios no kipia itokay? Itech Biblia moajsij tajtolmej tein ika moixmati Dios, kemej Akin kipia nochi chikaualis, toTajtsin akin okachi Ueyi Taixyekankej uan Tachijchiujkej. Sayoj ke yejua no kipia se itokay. (Xikonixtajtolti Isaías 42:8.)
Itech miak Biblias, itokay Dios ixnesi itech Salmo 83:18. Kemej neskayot, itech Traducción del Nuevo Mundo de las Santas Escrituras kijtoua ijkon: “Tejua motokay Jiova, sayoj tejua okachi tiUeyichiujkej itech nochi taltikpak”.
¿Keyej moneki tikuiskej itokay Dios?
Dios kineki maj tikuikan itokay. Keman titajtouaj iniuan akin tel kuali timouikaj, tikinnotsaj ika inintokay. ¿Melauj ke no ijkon monekiskia maj tiknotsakan Dios? Uan no, Jesucristo techyoleuak maj tikuikan itokay Dios. (Xikonixtajtolti Mateo 6:9; Juan 17:26.)
Sayoj ke komo tiknekij kuali timouikaskej iuan Dios, moneki okachi tikixmatiskej uan amo sayoj tikmatiskej itokay. Kemej neskayot, ¿keniuj tamati yejuatsin? ¿Uelis timotokiskej iuan? Itanankililuan netajtanilmej kemej nejin tikonajsis itech Biblia.
Xa no tikonuelitas
SEKI TAMAN TEIN BIBLIA TAMACHTIA TEIN TAYEKANTOKEJ
¿Kipia Dios se tokayit?
Dios moixmati ika tataman tokaymej kemej, toTachijchiujkauj, toTeko uan toTajtsin. Sayoj ke itech nejin video tikonitas ke kipia se tokayit tein ixnesi kemej 7,000 itech Biblia.
