Dios amo kichijchiuak Amokuali. Yejuatsin kichijchiuak se ángel tein satepan mochiuak Amokuali oso Satanás. Jesús kiteajsikamatiltij ke yekinika, Amokuali amo katka takajkayaujkej uan temiktijkej kemej axkan. Katka semej ikoneuan Dios akin nemia iluikak uan yolmelauak katka. (Xikonixtajtolti Juan 8:44.)

Ángel tein mochiuak Amokuali kiixpejpenak kiixnamikis Dios uan kichiuak maj Adán uan Eva no ijkon taixnamikinij. Yejua iselti mochiuak Amokuali, tein kijtosneki “Tetakajkayauilijkej” uan Satanás tein kijtosneki “Taixnamikkej”. (Xikonixtajtolti Génesis 3:1-5 uan Apocalipsis [Revelación] 12:9.)

Ijkon kemej oksekin ángeles tein Dios kinchijchiuak maj tanemilikan, nejon ángel tein mochiuak Amokuali uelia kiixpejpenas ox kichiuaskia tein kuali oso tein amo kuali. Sayoj ke yejua kinejnekik maj kiueyichiuanij uan kikauak maj moskalti itanejnekilis, uan okachi kinejnekia yejua ke kitakamatis Dios. (Xikonixtajtolti Mateo 4:8, 9 uan Santiago 1:13, 14.)

¿Keniuj Amokuali kitemouani kinixyekanas taltikpakneminij? ¿Moneki tikmouiliskej? Tanankilil tikonajsis itech Biblia.